ଶୌଚ ପାଇଁ ଯିବା ସମୟରେ ଅଘଟଣ, ଅଜଣା ଗାଡ଼ି ଧକ୍କାରେ ଦିବ୍ୟାଙ୍ଗ ମୃତ

ବୌଦ୍ଧ: ବୌଦ୍ଧ ଜିଲ୍ଲା ସରସରା ଛକ ନିକଟରେ ଏକ ଅଜଣା ଗାଡ଼ି ଧକ୍କାରେ ଦିବ୍ୟାଙ୍ଗଙ୍କ ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି । ସୂଚନାରୁ ପ୍ରକାଶ ଶୌଚ ପାଇଁ ଯାଉଥିବା ବେଳେ ସରସରା ଛକ ନିକଟରେ ଦୁର୍ଘଟଣାର ଶିକାର ହୋଇଥିଲେ ଦିବ୍ୟାଙ୍ଗ । ଏଥିରେ ଉତ୍ୟକ୍ତ ହୋଇ ଗ୍ରାମବାସୀ ସରସରା ଛକରେ ପ୍ରତିବାଦ ପ୍ରଦର୍ଶନ କରିବା ସହ କ୍ଷତିପୂରଣ ଦାବି ନେଇ ସେମାନେ ଏନଏଚ୍-୫୭ ଅବରୋଧ କରିଥିଲେ । ଫଳରେ ଶହ ଶହ ଗାଡ଼ି ଅଟକି ରହିଥିବା ବେଳେ ଯାତାୟାତ ବାଧାପ୍ରାପ୍ତ ହୋଇଥିଲା ।