ଦିୱାଲୀ ଧମାକା, Jio ଆଣିଲା ଶସ୍ତା ରିଚାର୍ଜ ପ୍ଲାନ: ମାସକ ପାଇଁ Unlimited Calling, Data
ଓଡ଼ିଶା ଭାସ୍କର: ରିଲାଏନ୍ସ ଜିଓ ତରଫରୁ ଗ୍ରହକଙ୍କ ପାଇଁ ଦୀପାବଳି ସ୍ପେସାଲ ରିଚାର୍ଜ ପ୍ଲାନ ଲଞ୍ଚ୍ ହୋଇଛି । ଅଳ୍ପ ଖର୍ଚ୍ଚରେ ମାସକ ପାଇଁ କଲିଙ୍ଗ ସହ ଇଣ୍ଟରନେଟର ମଜା ନେଇପାରିବେ ଗ୍ରାହକ । ବଭିନ୍ନ ପ୍ଲାନରେ ନାନା ସୁବିଧା ଯୋଗାଇ ଦେଉଛି ରିଲାଏନ୍ସ ଜିଓ କମ୍ପାନୀ । ବିଭିନ୍ନ ପ୍ରାଇସ ସେଗମେଣ୍ଟରେ ଦମଦାର ବେନିଫିଟ୍ ପାଇପାରୁଛନ୍ତି ଗ୍ରାହକ । ତେବେ ଦୀପାବଳି ପୂର୍ବରୁ ଟେଲିକମ୍ କମ୍ପାନୀ ତରଫରୁ ଏକ ଦମଦାର ରିଚାର୍ଜ ପ୍ଲାନ ରିଲିଜ ହୋଇଛି । ମହଙ୍ଗା ରିଚାର୍ଜ ପ୍ଲାନରୁ ମୁକ୍ତି ପାଇବା ପାଇଁ ଏହା ଗ୍ରାହକଙ୍କୁ ବେଶ୍ ସହାୟକ ହେବ ।
ରିଲାଏନ୍ସ ଜିଓ ତରଫରୁ ଦିଆଯାଉଥିବା ଏହି ରିଚାର୍ଜ ପ୍ଲାନର ମୂଲ୍ୟ ହେଉଛି ମାତ୍ର ୧୮୯ ଟଙ୍କା । ଏହି ପ୍ଲାନରେ ୟୁଜର ମାସକ ପର୍ଯ୍ୟନ୍ତ ଅନଲିମିଟେଡ କଲିଙ୍ଗ ସହିତ ଡାଟା ସୁବିଧା ମଧ୍ୟ ପାଇପାରିବେ । ଜିଓର ଭାଲ୍ୟୁ କାଟାଗୋରୀରେ ଏହି ପ୍ଲାନ ପାଇପାରିବେ ରିଲାଏନ୍ସ ଜିଓର ଗ୍ରାହକ । ଏହି ରିଚାର୍ଜ ପ୍ଲାନରେ ୟୁଜରଙ୍କୁ ୨୮ ଦିନର ଭ୍ୟାଲିଡିଟି ମିଳିଥାଏ । ଏହି ପ୍ଲାନରେ ଅନଲିମିଟେଡ କଲିଙ୍ଗ, ଇଣ୍ଟରନେଟ ଏବଂ ମାଗଣା SMS ସୁବିଧା ଦେଉଛି ଟେଲିକମ୍ କମ୍ପାନୀ । ମାତ୍ର ୧୮୯ ଟଙ୍କା ରିଚାର୍ଜ ପ୍ଲାନରେ ୟୁଜର ଅନଲିମିଟେଡ ଲୋକାଲ ଏବଂ STD କଲିଙ୍ଗ ସୁବିଧା ପାଇପାରିବେ । ଏହାସହିତ ୟୁଜର ଏହି ପ୍ଲାନରେ ମୋଟ ୩୦୦ SMS ମାଗଣା ପଠାଇପାରିବେ ।
ତେବେ ଇଣ୍ଟରନେଟ କ୍ଷେତ୍ରରେ ୟୁଜର ସାମାନ୍ୟ ନିରାଶ ହୋଇପାରନ୍ତି । ଏହି ପ୍ଲାନରେ ୟୁଜରଙ୍କୁ ମାସକ ପାଇଁ ମୋଟ ୨ଜିବି ଇଣ୍ଟରନେଟ ଦେବ ରିଲାଏନ୍ସ ଜିଓ କମ୍ପାନୀ । ଏହାବ୍ୟତୀତ ୟୁଜରଙ୍କୁ ମାତ୍ର ୧୮୯ ଟଙ୍କାରେ ଜିଓର ଅନ୍ୟାନ୍ୟ ଆପ୍ ପାଇଁ ଆକ୍ସେସ ମିଳିପାରିବ । ଏହି ପ୍ଲାନରେ Jio TV, Jio Cinema ଏବଂ Jio Cloudର ମଜା ନେଇପାରିବେ ଗ୍ରାହକ । ତେବେ କେବଳ କଲିଙ୍ଗ ଉପରେ ଗୁରୁତ୍ୱ ଦେଉଥିବା ୟୁଜରମାନଙ୍କ ପାଇଁ ଏହି ପ୍ଲାନ ବେଶ୍ ଲାଭଦାୟକ ହେବ ବୋଲି ଆଶା କରାଯାଉଛି ।
