ଶରୀରରେ ଅକ୍ସିଜେନ୍ ଲେବଲ ବଢାଇବା ପାଇଁ କରନ୍ତୁ ଏହି ବ୍ୟାୟାମ
କରୋନା ମହାମାରୀ ହୁ ହୁ ହୋଇ ବଢିଚାଲିଥିବା ଲୋକଙ୍କୁ ବଞ୍ଚାଇବା ପାଇଁ ଅକ୍ସିଜେନ୍ ରାମବାଣ ପରି କାମ କରୁଛି । କିନ୍ତୁ ଅକ୍ସିଜେନର ଅଭାବ ଯୋଗୁଁ ପ୍ରତ୍ୟେକ ଦିନ ଅନେକ ଜୀବନ ଚାଲିଯାଉଛି । ଯଦି ଆପଣ ବି ଏଭଳି ସମସ୍ୟାର ସମ୍ମୁଖୀନ ହେଉଛନ୍ତି, ତେବେ କରନ୍ତୁ ଏହି ବ୍ୟାୟାମ ଯାହାକି ଆପଣଙ୍କ ଶରୀରରେ ଅକ୍ସଜେନ୍ ଲେବଲକୁ ବଢାଇବାରେ ସାହାର୍ଯ୍ୟ କରିବ । ତେବେ ଆସନ୍ତୁ ଜାଣିବା ସେହି ଉପାୟ….
-ଶ୍ୱାସକ୍ରିୟା ଓ ଫୁସଫୁସ ଆଦି ସମସ୍ୟା ଥିଲେ ଜୋର ଜୋରରେ ନିଶ୍ୱାସ ନେବା ହୁଏ । ଏଭଳି କରିବା ଦ୍ୱାରା ଶ୍ୱାସକ୍ରିୟା କ୍ଷମତା ବଢିଥାଏ ଓ ସାଚୁରେସନ ସ୍ତର ପୁନଃ ରିଷ୍ଟୋର କରିଥାଏ । ଏଭଳି ବ୍ୟାୟାମ ଆପଣଙ୍କୁ ସିଧାସଳଖ କରୋନା ସହ ଯୁଦ୍ଧରେ ସାହାର୍ଯ୍ୟ କରିନପାରେ, କିନ୍ତୁ ଏହା ଆପଣଙ୍କୁ କିଛି ମାତ୍ରାରେ ସୁସ୍ଥ କରିପାରେ ।
-ଅକ୍ସିଜେନ ଲେବଲକୁ ବୃଦ୍ଧି କରିବା ପାଇଁ ଆପଣ ବାୟୁପଥକୁ ଖୋଲା ରଖିବାରେ ଧ୍ୟାନ ଦେବା ଉଚିତ୍ । ଏଥିପାଇଁ ଆପଣ ପ୍ରଥମେ ଆରାମଦାୟକ ଅବସ୍ଥାରେ ବସନ୍ତୁ ଓ ଧିରେ ଧିରେ ନାକ ଦେଇ ନିଶ୍ୱାସ ନିଅନ୍ତୁ । ଏହି ସମୟରେ ପାଟିକୁ ସମ୍ପୂର୍ଣ୍ଣ ବନ୍ଦ କରନ୍ତୁ । ପରେ ଧିରେ ଧିରେ ଓଠକୁ ଛୋଟ କରି ନିଶ୍ୱାସ ନିଅନ୍ତୁ । ଏପରି କରିବା ଦ୍ୱାରା ଫୁସଫୁସ ସୁସ୍ଥ ରହିଥାଏ ।
-ଫୁସଫୁସ କ୍ଷମତାକୁ ବୃଦ୍ଧି, ରୋଗ ପ୍ରତିରୋଧକ ଶକ୍ତି ବଢାଇବା ଓ ଶ୍ୱାସକ୍ରିୟାକୁ ନିୟନ୍ତ୍ରଣ କରି ସ୍ୱାୟୁକୁ ଶାନ୍ତ କରିବା ପାଇଁ ପ୍ରାଣାୟମ ହେଉଛି ସର୍ବୋତ୍ତମ ବ୍ୟାୟାମ । ଖାଲି ପେଟରେ ପ୍ରାଣାୟମ କରିବା ଭଲ ।
-ଫୁସଫୁସକୁ ଶୁଦ୍ଧ କରିବା ଓ ଫୁସଫୁସରେ ଅକ୍ସିଜେନଯୁକ୍ତ ରକ୍ତ ପ୍ରବାହକୁ ନିୟନ୍ତ୍ରଣ କରିବାରେ ଅନୁଲୋମ ଭିଲୋମ ସାହାର୍ଯ୍ୟ କରେ । ଏହା କରିବା ପାଇଁ, କ୍ରସ୍ ଗୋଡରେ ବସନ୍ତୁ ଏବଂ ଆଣ୍ଠୁ ଉପରେ ହାତ ରଖନ୍ତୁ । ଆଖି ବନ୍ଦ କରି ଡାହାଣ ଆଙ୍ଗୁଠିକୁ ତୁମର ଡାହାଣ ନାକ ଉପରେ ରଖ । ୪ ଟି ନିଶ୍ୱାସ ପର୍ଯ୍ୟନ୍ତ ଆପଣଙ୍କ ବାମ ନାକରୁ ଗଭୀର ନିଶ୍ୱାସ ନିଅନ୍ତୁ । ସେହିଭଳି, ଆପଣଙ୍କର ଡାହାଣ ଆଙ୍ଗୁଠି ସହିତ ଆପଣଙ୍କର ବାମ ନାକକୁ ବନ୍ଦ କରି ଧରି ରଖନ୍ତୁ । ୨ ସେକେଣ୍ଡ ପରେ, ଆପଣଙ୍କର ଡାହାଣ ଆଙ୍ଗୁଠିକୁ ଉଠାନ୍ତୁ ଏବଂ ଗଭୀର ଭାବରେ ନିଶ୍ୱାସ ନିଅନ୍ତୁ ।
ଏହା ବ୍ୟତୀତ ଜଣେ ସାଧାରଣ ସୁସ୍ଥ ବ୍ୟକ୍ତି ପ୍ରତିଦିନ ୩୦ ରୁ ୬୦ ମିନିଟ୍ ପର୍ଯ୍ୟନ୍ତ ଶାରୀରିକ ବ୍ୟାୟାମ କରିବା ଉଚିତ୍ | ଏପରି କରିବା ଦ୍ଵାରା ଫୁସଫୁସ ଶକ୍ତିଶାଳୀ ହୋଇଥାଏ । ବୈଜ୍ଞାନିକଙ୍କ ଅନୁଯାୟୀ ଏହା ଫୁସଫୁସର କାର୍ଯ୍ୟରେ ଉନ୍ନତି ଆଣେ । ଏହି ବ୍ୟାୟାମରେ ଚାଲିବା, ସାଇକେଲ ଚଲାଇବା, ପହଁରିବା ଇତ୍ୟାଦି ପ୍ରମୁଖ । ଫୁସଫୁସ ସ୍ୱାସ୍ଥ୍ୟରେ ଉନ୍ନତି ଆଣିବା ପାଇଁ କଦଳୀ, ସେଓ, ବିଲାତି, ଅଙ୍ଗୁର ଇତ୍ୟାଦି ଖାଆନ୍ତୁ, ଯେଉଁଥିରେ ପ୍ରାକୃତିକ ଆଣ୍ଟି-ଅକ୍ସିଡେଣ୍ଟ ଥାଏ ।
