ଏକାସାଙ୍ଗରେ ମଦ-ସିଗାରେଟ୍ ପିଇଲେ ହୋଇପାରେ ‘ମୃତ୍ୟୁ’, ଜାଣନ୍ତୁ କ’ଣ କହୁଛନ୍ତି ବିଶେଷଜ୍ଞ….

ଓଡ଼ିଶା ଭାସ୍କର: ଆଜିକାଲି ମଦ୍ୟପାନ ସହ ସିଗାରେଟ୍ ଟାଣିବା ଯୁବପିଢ଼ିଙ୍କ ପାଇଁ ଏକ ଟ୍ରେଣ୍ଡ ପାଲଟିଛି। ଏହି ଦୁଇଟି ଜିନିଷ ବିନା ସବୁକିଛି ଅସମ୍ପୂର୍ଣ୍ଣ ବୋଲି ବିବେଚନା କରୁଛନ୍ତି । ଉଭୟ ମଦ ଓ ସିଗାରେଟ୍ ସ୍ୱାସ୍ଥ୍ୟ ପାଇଁ କ୍ଷତିକାରକ। ଧୂମପାନ ଦ୍ୱାରା ଫୁସଫୁସ କର୍କଟ, ହୃଦରୋଗ, ଷ୍ଟ୍ରୋକ୍, ସିଓପିଡି ଓ କର୍କଟ ଭଳି ବିପଜ୍ଜନକ ରୋଗ ହୋଇପାରେ । ସେହିପରି ମଦ୍ୟପାନ କରିବା ଦ୍ୱାରା ପାଟି, ଗଳା ଓ ସ୍ତନ କର୍କଟ, ଷ୍ଟ୍ରୋକ୍, ମସ୍ତିଷ୍କ ନଷ୍ଟ ଓ ହୃଦ୍ ରୋଗ ହେବାର ଆଶଙ୍କା ବଢ଼ିଯାଇଥାଏ। ତେବେ ଉଭୟ ମଦ୍ୟପାନ ଓ ଧୂମପାନ ପାର୍ଶ୍ୱ ପ୍ରତିକ୍ରିୟାର ମିଶ୍ରଣ ଆହୁରି ବିପଜ୍ଜନକ। ଆସନ୍ତୁ ଜାଣିବା ଏହା ସ୍ୱାସ୍ଥ୍ୟ ପାଇଁ କେତେ କ୍ଷତି କରିପାରେ…

୧. ହୃଦ୍ ରୋଗ ହେବାର ଆଶଙ୍କା
ମଦ୍ୟପାନ ଓ ସିଗାରେଟ୍ ପିଇବା ଦ୍ୱାରା ହୃଦ୍ ଜନିତ ଅନେକ ଗମ୍ଭୀର ରୋଗ ହେବାର ଆଶଙ୍କା ଅନେକ ଗୁଣ ବଢ଼ିଯାଇଥାଏ। ଧୂମପାନ ଦ୍ୱାରା ଏଥେରୋସ୍କ୍ଲେରୋସିସ୍, ଅର୍ଥାତ୍ ଧମନୀ ସଂକୁଚିତ ହୋଇପାରେ । ଏଥିସହ ଅଧିକ ମଦପିଇବା ଦ୍ୱାରା କାର୍ଡିଓମାୟୋପାଥି, ଉଚ୍ଚ ରକ୍ତଚାପ ଓ ଅନିୟମିତ ହୃଦସ୍ପନ୍ଦନ ଭଳି ସମସ୍ୟା ଦେଖାଦେଇଥାଏ। ଫଳରେ ଆହୁରି ଅନେକ ଗମ୍ଭୀର ସମସ୍ୟା ଉପୁଜିପାରେ।

୨. ଯକୃତ ଉପରେ ପଡ଼ିପାରେ ବିପଜ୍ଜନକ ପ୍ରଭାବ
ମଦ ପିଇବା ଦ୍ୱାରା ଯକୃତ କ୍ଷତିଗ୍ରସ୍ତ ହୋଇପାରେ ଏବଂ ସିଗାରେଟ୍ ଏହାକୁ ଆହୁରି ଗମ୍ଭୀର କରିପାରେ । ଯଦି ଉଭୟଙ୍କୁ ଏକାଠି ସେବନ କରାଯାଏ ତେବେ ଯକୃତ ସମ୍ବନ୍ଧୀୟ ଗମ୍ଭୀର ରୋଗ ସୃଷ୍ଟି ହୋଇପାରେ । ଏହା ଦ୍ୱାରା ଲିଭ୍ ଙ୍କୁ ନିଜକୁ ସୁସ୍ଥ କରିବା ମଧ୍ୟ କଷ୍ଟକର ହୋଇପଡ଼ୁଛି।

୩. କର୍କଟ ରୋଗ ବଢ଼ିବାର ଆଶଙ୍କା
ଉଭୟ ମଦ୍ୟପାନ ଏବଂ ଧୂମପାନ ବିଭିନ୍ନ ପ୍ରକାର କର୍କଟ ରୋଗର କାରଣ ହୋଇପାରେ । ଏହାର ବିପଦ ବହୁତ ଅଧିକ । ଉଭୟଙ୍କୁ ଏକାସାଙ୍ଗରେ ଖାଇବା ଦ୍ୱାରା ପାଟି, ଗଳା ଓ ଖାଦ୍ୟନଳୀ ସହ ଜଡିତ ଗମ୍ଭୀର ଓ ବିପଜ୍ଜନକ ରୋଗ ମଧ୍ୟ ହୋଇପାରେ ।

୪. ନିଶା ସମସ୍ୟା ସୃଷ୍ଟି କରିବ
ମଦ୍ୟପାନ ଓ ତମାଖୁ ସେବନ ସ୍ୱାସ୍ଥ୍ୟ ପାଇଁ ଆଦୌ ଭଲ ନୁହେଁ । ଉଭୟଙ୍କ ନିଶା ମସ୍ତିଷ୍କକୁ ପ୍ରଭାବିତ କରିଥାଏ। ଥରେ ଦୁହେଁ ନିଶାଗ୍ରସ୍ତ ହୋଇଗଲେ ଏଥିରୁ ମୁକ୍ତି ପାଇବା କଷ୍ଟକର ହୋଇଥାଏ। ଏହା ଦ୍ୱାରା ଶରୀରରେ ଅନେକ ରୋଗ ହୋଇପାରେ ଏବଂ ସେଥିରୁ ମୁକ୍ତି ମିଳିବା ସହଜ ନୁହେଁ ।