ସ୍ୱାସ୍ଥ୍ୟ କ୍ଷେତ୍ରରେ ନିଯୁକ୍ତି ସୁଯୋଗ, FCIରେ ବାହାରିଲା ବିଜ୍ଞପ୍ତି, ବିନା ପରୀକ୍ଷାରେ ଚାକିରି

ନୂଆଦିଲ୍ଲୀ– ଭାରତୀୟ ଖାଦ୍ୟ ନିଗମ (ଏଫସିଆଇ)ରେ ମିଡିକାଲ ଅଫିସର ପାଇଁ ବାହାରିଲା ବିଜ୍ଞପ୍ତି । ଜେନେରାଲ ଡ୍ୟୁଟି ମେଡିକାଲ ଅଫିସର ଲୋଡିଛି ଏଫସିଆଇ । ଏହି ଆବେଦନର ଶେଷ ତାରିଖ ୧୬ ଡିସେମ୍ବର ୨୦୨୪ । ଏହି ପଦ ପାଇଁ ଅନଲାଇନ ନୁହେଁ, ଅଫଲାଇନ ଆବେଦନ କରିବାକୁ ହେବ । ତେବେ ସବୁଠାରୁ ବଡ କଥା, ବିନା ପରୀକ୍ଷାରେ ହେବ ଭର୍ତ୍ତି । ଆଶାୟୀଙ୍କ କେବଳ ହେବ ଇଣ୍ଟର୍ଭ୍ୟୁ । ଏହି ଭର୍ତ୍ତି ଅବସରପ୍ରାପ୍ତ ଡାକ୍ତରଙ୍କ ପାଇଁ ରହିଛି ।

ଜିଡିଏମଓ ପାଇଁ ଏଫସିଆଇ ତରଫରୁ ୬ଟି ପଦ ବାହାରିଛି । ୬ ପଦ ରହିଛି ନୋଏଡା, ଉତ୍ତର ପ୍ରଦେଶ, ଚଣ୍ଡିଗଡ, ଲକ୍ଷ୍ନୌ, ଭୁବନେଶ୍ୱର, ହାଇଦ୍ରାବାଦ ଓ ମୁମ୍ବାଇ ପାଇଁ । ଏଥିରେ କେବଳ ଅବସରପ୍ରାପ୍ତ ଡାକ୍ତରଙ୍କୁ ମିଳିବ ସୁଯୋଗ । ଏମାନଙ୍କ ନିକଟରେ ମାନ୍ୟତାପ୍ରାପ୍ତ ଅନୁଷ୍ଠାନରୁ ଥିବ ଏମବିବିଏସ । ଏଥିପାଇଁ ଆୟୁସ ସୀମା ଥିଲା ୬୮ ବର୍ଷ । ଏହି ପଦ ପାଇଁ ୮୦ ହଜାର ଟଙ୍କା ପ୍ରତିମାସ ଦରମା ରହିଛି ।

ଏହି ନିଯୁକ୍ତି ପାଇଁ ପ୍ରଥମେ ସମସ୍ତ ଆବେଦନକୁ ସର୍ଟଲିଷ୍ଟ କରାଯିବ । ଏହା ପରେ ସେମାନଙ୍କୁ ଇଣ୍ଟର୍ଭ୍ୟୁ ପାଇଁ ଡକାଯିବ । ଆବେଦନ କରିବାକୁ ପ୍ରଥମେ ନୋଟିଫିକେଶନକୁ ଡାଉନ ଲୋଡ କରିବାକୁ ହେବ । ଏହି ଆବେଦନ ପତ୍ର ଭରି ସବୁ ଜରୁରୀ ଡକୁମେଣ୍ଟ ସହ ନିର୍ଦ୍ଧାରିତ ଫର୍ମାଟରେ ଦିଆଯାଇଥିବା ଠିକଣାକୁ ପଠାଇବାକୁ ହେବ । ଠିକଣା ହେଲା ଡୈପୁଟି ଜେନେରାଲ ମ୍ୟାନେଜର(ଏଚଆର), ଭାରତୀୟ ଖାଦ୍ୟ ନିଗମ- ୧୬-୨୦, ବାରାଖମ୍ଭା ଲେନ, ନୂଆଦିଲ୍ଲୀ-୧୧୦୦୦୧ । ଆବେଦନ ଫର୍ମ ସ୍ପିଡ ପୋଷ୍ଟରେ ପଠାଇବାକୁ ଉଲ୍ଲେଖ ରହିଛି ।