କେୱାଇସି ନିୟମ ପାଳନ ନକଲେ ନିଷ୍କ୍ରିୟ ହେବ ଖାତା, ନୂଆବର୍ଷରୁ ଆରମ୍ଭ ହେବ କାର୍ଯ୍ୟାନୁଷ୍ଠାନ
Advertisement
ନୂଆଦିଲ୍ଲୀ: ଆପଣଙ୍କ ବ୍ୟାଙ୍କ ଖାତା ନିଷ୍କ୍ରିୟ ହେଉ ବୋଲି ଚାଁହୁନଥିଲେ ସଠିକ ଭାବରେ ନିୟମ ପାଳନ କରନ୍ତୁ । କାରଣ ଯେଉଁ ଗ୍ରାହକ ମାନେ ନୋ ୟୋର୍ କଷ୍ଟମରକୁ ନେଇ ଯେଉଁ ନିୟମ ରହିଛି ତାହାକୁ ପାଳନ କରୁନାହାନ୍ତି ସେମାନଙ୍କ ଖାତାକୁ ବ୍ୟାଙ୍କ ନିଷ୍କ୍ରିୟ କରିପାରିବେ । ବିଶେଷ କରି ନିଜର ପରିଚୟ ଓ ଠିକଣାର ପ୍ରମାଣପତ୍ରକୁ ଅପ୍ଡେଟ୍ କରିନଥିବା ଗ୍ରାହକମାନଙ୍କ ଖାତାକୁ ଅଚଳ କରାଯାଇପାରିବ । ବ୍ୟାଙ୍କ ସମେତ ଆର୍ଥିକ ସେବା ପ୍ରଦାନ କରୁଥିବା ଅନ୍ୟ ସଂସ୍ଥାଗୁଡ଼ିକ ମଧ୍ୟ ଏଭଳି ପଦକ୍ଷେପ ଗ୍ରହଣ କରିପାରିବେ ।
ସୂଚନା ଯେ, ମନି ଲଣ୍ଡରିଂ ମାମଲା ରୋକିବା ଲାଗି ନୂଆ ବର୍ଷରୁ କେୱାଇସି ନିୟମ ପାଳନକୁ କଡାକଡି କରାଯିବ । କେୱାଇସି ନିୟମ ପାଳନ କରୁନଥିବା ଗ୍ରାହକଙ୍କ ଖାତାକୁ ଅଚଳ କରିବା ଲାଗି ରହିଥିବା ନିୟମ ୨୦୨୨ ଜାନୁଆରି ୧ରୁ ଲାଗୁ ହେବ । କେବଳ ବ୍ୟାଙ୍କ ନୁହେଁ ସମସ୍ତ ନିୟନ୍ତ୍ରିତ ସଂସ୍ଥା ଏହି ନିୟମ ପାଳନ କରୁଛନ୍ତି । ଫାଇନାନ୍ସ କଂପାନି, ମ୍ୟୁଚୁଆଲ୍ ଫଣ୍ଡ୍ ସଂସ୍ଥା, ବ୍ରୋକିଂ ହାଉସ୍ ଓ ଡିପୋଜିଟୋରିଗୁଡ଼ିକ ମଧ୍ୟ କେୱାଇସି ନିୟମ ପାଳନ କରୁଛନ୍ତି । ଚଳିତ ବର୍ଷ ମେ’ ମାସରେ କେୱାଇସି ନିୟମକୁ କଡ଼ାକଡ଼ି ଭାବେ ଲାଗୁ କରାଯିବାର ଥିଲା। କିନ୍ତୁ, ସେହି ସମୟରେ ମହାମାରୀର ଦ୍ବିତୀୟ ଲହର ଶୀର୍ଷରେ ଥିବାରୁ ନିୟମ ଲାଗୁ କରିବାର ସମୟ ସୀମାକୁ ରିଜର୍ଭ ବ୍ୟାଙ୍କ ବଢ଼ାଇଥିଲେ।