ବନବିଭାଗ ଟିମ ଉପରକୁ ଦୁବୃର୍ତ୍ତଙ୍କ ଗୁଳିମାଡ଼
ରାୟଗଡ଼ା: ବନବିଭାଗ ଟିମ୍ ଉପରକୁ ଦୁବୃର୍ତ୍ତମାନେ ଗୁଳିମାଡ଼ କରିଥିବା ଖବର ସାମ୍ନାକୁ ଆସିଛି। ସୂଚନାନୁ୍ାୟୀ, ରାୟଗଡ଼ାର ମୁନିଗୁଡ଼ା ବନାଞ୍ଚଳ ଜାରପା ଅଞ୍ଚଳରେ ବନବିଭାଗ ଟିମର ଚଢାଉ ଚାଲିଥିଲା। ଏହି ସମୟରେ ଦୁବୃର୍ତ୍ତମାନେ ବନବିଭାଗ କର୍ମଚାରୀଙ୍କ ଉପରକୁ ଗୁଳିଚାଳନା କରିଥିଲେ ବୋଲି ଜଣାପଡିଛି।
ଦୁବୃର୍ତ୍ତମାନେ ୪ ରାଉଣ୍ଡ ଗୁଳି କରିଛନ୍ତି। ବନବିଭାଗ ଟିମ ଗାଡ଼ିରେ ବାଜି କାଚ ମଧ୍ୟ ଭାଙ୍ଗିଯାଇଛି। ସବୁଠୁ ବଡ଼ ଆଶ୍ୱସ୍ତିକର କଥା ହେଉଛି, ଏହି ସମୟରେ କୌଣସି ବନକର୍ମଚାରୀ ଆହତ ହୋଇନାହାନ୍ତି। ଏହି ଅଞ୍ଚଳରେ ହାତୀ ଦାନ୍ତ ଚୋରା ଚାଲାଣ ଖବର ପାଇ ବନବିଭାଗ ଟିମ ଚଢାଉ କରିଥିଲା। ପୂର୍ବରୁ ୫ ଜଣଙ୍କୁ ଗିରଫ ମଧ୍ୟ କରାଯାଇଥିଲା। ଏଥିସହ ଅଧିକ ତଦନ୍ତ ପାଇଁ ବନବିଭାଗ ଟିମ ସେଠାକୁ ଯାଇଥିଲା।
