BIG BREAKING…ଦୁଇ ରାଜନୈତିକ ଗୋଷ୍ଠୀର ସମର୍ଥକଙ୍କ ମଧ୍ୟରେ ଗୁଳିକାଣ୍ଡ, ହଣାକଟା; ବିଜେଡିର ଜଣେ ସମର୍ଥକ ଗୁରୁତର

ନୟାଗଡ଼: ନୟାଗଡ଼ ବଉଳସାହି ଗାଁ’ରେ ଫୁଟିଲା ଗୁଳି ବୁଲିଲା ଖଣ୍ଡା । ଇଟାମାଟି ଥାନା ଅନ୍ତର୍ଗତ ବଉଳସାହି ଗାଁରେ ରାଜନୈତିକ ହିଂସା ଦେଖିବାକୁ ମିଳିଛି । ଦୁଇ ରାଜନୈତିକ ଗୋଷ୍ଠୀର ସମର୍ଥକଙ୍କ ମଧ୍ୟରେ ଗୁଳିକାଣ୍ଡ , ହଣାକଟା ହୋଇଛି । ଏଥିରେ ବିଜେଡ଼ି ଦଳର ଜଣେ ସମର୍ଥକ ଗୁରୁତର ଆହତ ହୋଇଥିବା ବେଳେ ଦୁଇ ଜଣ ଆହାତ ହୋଇଛନ୍ତି । ଗୁରୁତର ଆହତ ଯୁବକ ପୃଥିରାଜ ଦଳବେହେରାଙ୍କୁ ଭୁବନେଶ୍ବର ସ୍ଥାନାନ୍ତରିତ କରାଯାଇଥିବା ବେଳେ ଆହତଙ୍କୁ ପ୍ରଥମେ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା କରାଯାଉଛି । ଅଭିଯୋଗ ଅନୁଯାୟୀ ପୃଥିରାଜ ଏବଂ ତା’ର ସାଙ୍ଗ ମାନେ ଗାଁ’ର ଜଗନ୍ନାଥ ମନ୍ଦିର ନିକଟରେ ବସିଥିବା ବେଳେ ବିରୋଧୀ ଗୋଷ୍ଠୀର ପାଞ୍ଚଜଣ ଯୁବକ ଦୁଇଟି ମୋଟର ସାଇକେଲରେ ଆସି ହଠାତ୍ ଗୁଳିମାଡ଼ କରିବା ଶହ ଖଣ୍ଡାରେ ଆକ୍ରମଣ କରିଛନ୍ତି ।

ଏହି ଘଟଣା ପରେ ବଉଳ ସାହି ଗାଁ’ରେ ଉତ୍ତେଜନା ପ୍ରକାଶ ପାଇଛି । ଅଭିଯୁକ୍ତ ମାନେ ଫେରାର ହୋଇଯାଇଥିବା ବେଳେ ଘଟଣାସ୍ଥଳରେ ଇଟାମାଟି ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଘଟଣା କେଉଁ କାରଣରୁ ଗୁଳି କାଣ୍ଡ ଏବଂ ହଣାକଟା ହୋଇଛି ତାହା ଏପର୍ଯ୍ୟନ୍ତ ପୋଲିସ ପକ୍ଷରୁ କୋୖଣସି ସଠିକ୍ ସୂଚନା ମିଳିପାରିନାହିଁ । ସେପଟେ ଆହତ ଯୁବକ ମାନଙ୍କ ଅଭିଯୋଗ ଅନୁଯାୟୀ ଗାଁ’ରେ ବେଠି ଏବଂ ଗାଁ ପୋଖରୀର କୋଠ ମାଛ ଭାଗ ବଣ୍ଟାକୁ ନେଇ ରାଜନୈତିକ ଆକ୍ରୋଶ ରଖି ଅଭିଯୁକ୍ତ ମାନେ ଆକ୍ରମଣ କରିଥିବା ସୂଚନା ରହିଛି।