ଭୟଙ୍କର ଦୁର୍ଘଟଣା, ଟ୍ରକକୁ ପିଟିଲା ଭ୍ୟାନ, ୫ ମୃତ, ଏକାଥରେ ଜଳିବ ଗୋଟିଏ ପରିବାରର ୪ ଜୁଇ

କର୍ଣ୍ଣାଟକ: ରାସ୍ତାରେ ଛିଡ଼ା ହୋଇଥିବା ଟ୍ରକକୁ ପିଟିଲା ଭ୍ୟାନ୍। ଆଉ ଘଟଣାସ୍ଥଳରେ ଟଳି ପଡିଲେ ଭ୍ୟାନ୍ ଭିତରେ ଥିବା ୫ ଜଣ ବ୍ୟକ୍ତି।  ଏହାସହ ୧୦ ଜଣ ଗୁରୁତର ମଧ୍ୟ ହୋଇଛନ୍ତି।

ଏହି ଦୁର୍ଘଟଣାରେ ମୋଟ୍ ୫ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦ ଜଣ ଗୁରୁତର ହୋଇଛନ୍ତି। ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ଏହି ଦର୍ଦନାକ ଦୁର୍ଘଟଣାଟି ଘଟିଛି କର୍ଣ୍ଣାଟକର କଳାବୁରାଗି ଜିଲ୍ଲା ନେଲୋଗି ନିକଟରେ।

ଦୁର୍ଘଟଣାଟି ନେଲୋଗି କ୍ରସ ନିକଟରେ ଭୋର ପ୍ରାୟ ୩.୩୦ ସମୟରେ ଘଟିଥିଲା। ପୂର୍ବରୁ ରାସ୍ତା କଡରେ ଛିଡ଼ା ହୋଇଥିବା ଏକ ଟ୍ରକକୁ ଦ୍ରୁତ ବେଗରେ ଆସୁଥିବା ଏକ ଭ୍ୟାନ୍ ଧକ୍କା ଦେଇଥିଲା। ଯେଉଁ ଦୁର୍ଘଟଣାରେ ଭ୍ୟାନରେ ଥିବା ୫ ଜଣ ଲୋକଙ୍କର ମୃତ୍ୟୁ ହୋଇଛି।

ଆଉ ୧୦ ଜଣଙ୍କୁ ସ୍ଥାନୀୟ କାଲାବୁରାଗିର ହସ୍ପିଟାଲରେ ଭର୍ତ୍ତି କରାଯାଇଛି। ନେଲୋଗି ପୋଲିସ ଘଟଣା ସ୍ଥଳରେ ପହଞ୍ଚି ଏକ ମାମଲା ରୁଜୁ କରି ତଦନ୍ତ ଚଳାଇଛି। ପ୍ରାଣ ହରାଇଥିବା ସମସ୍ତ ବ୍ୟକ୍ତି ବାଗଲକୋଟ ଜିଲ୍ଲାର ବାସିନ୍ଦା ବୋଲି ସୂଚନା ମିଳିଛି।

ସେପଟେ ମାଣ୍ଡ୍ୟା ଜିଲ୍ଲାରେ ଏକ ମର୍ମନ୍ତୁଦ ଦୁର୍ଘଟଣାରେ ଗୋଟିଏ ପରିବାରର ଚାରି ଜଣ ସଦସ୍ୟ ପ୍ରାଣ ହରାଇଛନ୍ତି। ଏହି ଦୁର୍ଘଟଣା ବେଙ୍ଗାଲୁରୁ-ମହୀଶୂର ଏକ୍ସପ୍ରେସୱେରେ ଘଟିଛି। ସୂଚନା ଅନୁଯାୟୀ, ପରିବାର ପିରିଆପାଟଣା ଯାଉଥିଲେ। ତା’ପରେ ଟୁବିନାକେରେ ପ୍ରସ୍ଥାନ ନିକଟରେ, ଏକ ରାଜ୍ୟ ପରିବହନ ବସ୍ କାରକୁ ପଛରୁ ଧକ୍କା ଦେଇଥିଲା।

ମାଣ୍ଡ୍ୟା ଏସପି ମଲ୍ଲିକାର୍ଜୁନ ବାଲାଦାଣ୍ଡି କହିଛନ୍ତି ଯେ ଜଣଙ୍କର ଘଟଣା ସ୍ଥଳରେ ମୃତ୍ୟୁ ଘଟିଛି। ଆହତ ତିନି ଜଣଙ୍କୁ ଡାକ୍ତରଖାନାକୁ ନିଆଯାଇଥିଲା। ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା ମଧ୍ୟ କରିଥିଲେ।