ଫ୍ଲିପକାର୍ଟର ବ୍ଲାକ୍ ଫ୍ରାଇଡେ ସେଲ୍; ଇଲେକ୍ଟ୍ରୋନିକ୍ସ ଏବଂ ସ୍ମାର୍ଟ ଗେଜେଟରେ ପାଆନ୍ତୁ ୮୦% ପର୍ଯ୍ୟନ୍ତ ରିଆତି

ନୂଆଦିଲ୍ଲୀ: ବିଶିଷ୍ଟ ଇ- କମର୍ସ ପ୍ଲାଟଫର୍ମ ଫ୍ଲିପକାର୍ଟ । ପ୍ରାୟ ଅନଲାଇନରେ ବ୍ରାଣ୍ଡେଡ୍ ଜିନିଷ କମ୍ ମୂଲ୍ୟରେ ମିଳୁଥିବାରୁ ଗ୍ରାହକଙ୍କ ମଧ୍ୟରେ ଏହା ବେଶ ଆଦୃତ ଲାଭ କରିଛି । ବର୍ତ୍ତମାନ ଗ୍ରାହକଙ୍କୁ ଖୁସି କରିବ ଫ୍ଲିପକାର୍ଟର ବ୍ଲାକ୍ ଫ୍ରାଇଡେ ସେଲ୍ । ଇଲେକ୍ଟ୍ରୋନିକ୍ସ, ଘର କରଣା, ଫ୍ୟାଶନ୍ ଆଦି ବିଭିନ୍ନ ଜିନିଷ ଉପରେ ୮୦ % ପର୍ଯ୍ୟନ୍ତ ରିଆତି ସୁବିଧା ରହିଛି । ଆସନ୍ତା ନଭେମ୍ବର ୨୪ରୁ ୨୯ ପର୍ଯ୍ୟନ୍ତ ଫ୍ଲିପକାର୍ଟର ବ୍ଲାକ୍ ଫ୍ରାଇଡେ ସେଲ୍ ଚାଲିବ ।

ଅନେକ ଗ୍ରାହକ ଫ୍ଲିପକାର୍ଟର ବ୍ଲାକ୍ ଫ୍ରାଇଡେ ସେଲକୁ ଅପେକ୍ଷା କରିଥାନ୍ତି । ଚଳିତ ସେଲରେ ଫ୍ୟାଶନ ଉପରେ ୫୦ରୁ ୮୦%, ଟିଭି, ମୋବାଇଲ, ଲାପଟପ୍ ଇତ୍ୟାଦି ଉପରେ ୭୫%, ହୋମ୍ ଏସେନସିଆଲ୍ସ ଉପରେ ୮୦% ରିଆତି ରହିଛି । ବ୍ଲୁ- ଟୁଥ୍ ନେକବ୍ୟଣ୍ଡର ସର୍ବନିମ୍ନ ମୂଲ୍ୟ ୬୯୯ ଏବଂ ସ୍ମାର୍ଟ ଘଣ୍ଟାର ୧, ୦୯୯ ଟଙ୍କା ରହିଛି । ସେଲରେ କମ୍ପୁ୍ୟଟର ମନିଟର ୩୯୯୯ ମୂଲ୍ୟରୁ ଆରମ୍ଭ ହେଉଛି । ସେହିପରି ଚାର୍ଜର, କିବୋର୍ଡ଼ ଏବଂ ମାଉସ୍ ୮୯ ଟଙ୍କାରେ ଉପଲବ୍ଧ । ଏହା ବ୍ୟତୀତ ଇଲେକ୍ଟ୍ରୋନିକ୍ସ ଏବଂ ସ୍ମାର୍ଟ ଗେଜେଟରେ ୮୦% ପର୍ଯ୍ୟନ୍ତ ରିଆତି ରହିଛି । ଫ୍ଲିପକାର୍ଟ ସେଲରେ Realme F1 Pro, Moto G85 ଏବଂ Vivo T3 Pro ଭଳି ଲୋକପ୍ରିୟ ସ୍ମାର୍ଟଫୋନ୍ ଗ୍ରହକ ରିଆତି ମୂଲ୍ୟରେ ପାଇପାରିବେ । ସେଲ ସମୟରେ ବବକାର୍ଡ଼, ଆଇଡିଏଫସି, ଏଚଡିଏଫସି ଏବଂ ଆକ୍ସିସ୍ ବ୍ୟାଙ୍କ କାର୍ଡ଼ଧାରୀଙ୍କ ପାଇଁ ୧୦% ରିଆତି ରହିଛି । ସେହିପରି ଫ୍ଲିପକାର୍ଟ ଆକ୍ସିସ୍ ବ୍ୟାଙ୍କ କ୍ରେଡିଟ୍ କାର୍ଡ଼ଧାରୀଙ୍କ ପାଇଁ ୫% ରିଆତି ସୁବିଧା ରହିଛି ।