ପ୍ରଥମେ ଷଡ଼ଯନ୍ତ୍ର କରି ବିବାହ; ସ୍ତ୍ରୀ ନାଁରେ ଲୋନ୍ କରି କିଣିଲା କାର୍, ବୀମା ଟଙ୍କା ପାଇଁ ଚଢ଼ାଇଦେଲା ଗାଡ଼ି
ଲକ୍ଷ୍ନୌ: ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ବୀମା ଟଙ୍କା ପାଇଁ ପତ୍ନୀଙ୍କୁ ହତ୍ୟା କରିବା ସହ ବିବାହ ପାଇଁ ଷଡ଼ଯନ୍ତ୍ର କରିଥିବା ଅଭିଯୋଗରେ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି। ପୋଲିସ ଡେପୁଟି କମିସନର ଶଶାଙ୍କ ସିଂହ ବୁଧବାର କହିଛନ୍ତି ଯେ ଚିନ୍ହାଟ ଥାନା ଅଧୀନ କାଞ୍ଚନପୁର ମାଟିଆରିରେ ରହୁଥିବା ଅଭିଷେକ ୨୦୨୨ ଏପ୍ରିଲ ମାସରେ ମାଟିଆରି ଅଞ୍ଚଳର ରାଧାପୁରମରେ ରହୁଥିବା ପୂଜା ଯାଦବ (୨୮)ଙ୍କୁ ଷଡ଼ଯନ୍ତ୍ର କରି ବିବାହ କରିଥିଲେ।
ବିବାହ ପରେ ଅଭିଷେକ ନକଲି କାଗଜପତ୍ର ଆଧାରରେ ତାଙ୍କୁ ୫୦ ଲକ୍ଷ ଟଙ୍କାର ବୀମା କରାଇଥିଲେ, ତାଙ୍କ ନାମରେ ୧୦ ଲକ୍ଷ ଟଙ୍କାର ମୁଦ୍ରା ଲୋନ୍ ନେଇଥିଲେ, କିସ୍ତିରେ ୬ଟି ଗାଡ଼ି କିଣିଥିଲେ ଏବଂ ୨୦୨୩ ମେ ୨୦ ତାରିଖରେ ବୀମା ଟଙ୍କା ହଡ଼ପ କରିବା ଏବଂ ଗାଡ଼ିର କିସ୍ତି ଏଡ଼ାଇବା ପାଇଁ ତାଙ୍କ ସହଯୋଗୀଙ୍କ ସହାୟତାରେ ୨୦୨୩ ମେ ୨୦ ତାରିଖରେ ପୂଜାଙ୍କୁ କାର୍ ଚଢ଼ାଇ ହତ୍ୟା କରିଥିଲେ।
ବୀମା ରାଶି ଦାବି ହେବା ପରେ ବୀମା କମ୍ପାନିକୁ ସନ୍ଦେହ ହେବାରୁ ପୋଲିସ ଘଟଣାର ତଦନ୍ତ କରି ପୂରା ସତ୍ୟ ପଦାକୁ ଆସିଥିଲା। ମଙ୍ଗଳବାର ପୋଲିସ ଏହି ମାମଲାର ପର୍ଦ୍ଦାଫାସ କରି ୩ ଅଭିଯୁକ୍ତ କୁଲଦୀପ ସିଂହ, ଆଲୋକ ନିଗମ ଓ ଦୀପକ ବର୍ମାଙ୍କୁ ଗିରଫ କରିଛି। ପୂଜାଙ୍କ ସ୍ୱାମୀ ତଥା ମୁଖ୍ୟ ଅଭିଯୁକ୍ତ ଅଭିଷେକ, ତାଙ୍କ ବାପା ରାମ ମିଲନ ଏବଂ ଅଭିଷେକ ଶୁକ୍ଳା ନାମକ ଅନ୍ୟ ଜଣେ ଅଭିଯୁକ୍ତଙ୍କୁ ଖୋଜା ଚାଲିଛି।
