ହଠାତ୍ ଫାଟିଗଲା ଗ୍ୟାସ ସିଲିଣ୍ଡର, 4 ଛୁଆଙ୍କ ସମେତ 7 ଜଣଙ୍କ ମୃତ୍ୟୁ

ନୂଆଦିଲ୍ଲୀ: ପଶ୍ଚିମବଙ୍ଗର ଦକ୍ଷିଣ 24 ପ୍ରଗଣା ଜିଲ୍ଲାର ପଥରପ୍ରତିମାରେ ଏକ ଦୁଃଖଦ ଘଟଣା ଘଟିଛି । ବାଣ ତିଆରି କରିବା ସମୟରେ ଏକ ବଡ଼ ବିସ୍ଫୋରଣ ଘଟିଛି । ଏହି ଦୁର୍ଘଟଣାରେ ୪ ଜଣ ପିଲାଙ୍କ ସମେତ ଅତି କମରେ ୭ ଜଣଙ୍କର ମୃତ୍ୟୁ ହୋଇଛି ।

ଏହି ଘଟଣାଟି ଧୋଲାହାଟ ଥାନା ଅଞ୍ଚଳ ଅନ୍ତର୍ଗତ ରାୟପୁର ଅଞ୍ଚଳରେ ଘଟିଛି । ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ ଆଖପାଖ ଅଞ୍ଚଳରେ ଆତଙ୍କ ଖେଳିଗଲା। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

କିପରି ହେଲା ବିସ୍ପୋରଣ- ସୂଚନା ଅନୁଯାୟୀ, ନବରାତ୍ରି ପୂଜା ପାଇଁ ଏକ ଘରେ ବାଣ ତିଆରି କରାଯାଉଥିଲା। ସୋମବାର ରାତି ପ୍ରାୟ ସାଢ଼େ ୯ଟାରେ ହଠାତ୍ ଏକ ବିସ୍ଫୋରଣ ହୋଇଥିଲା। ବିସ୍ଫୋରଣ ପରେ ସମ୍ପୂର୍ଣ୍ଣ ଘରେ ନିଆଁ ଲାଗିଗଲା।

କିଛି ଲୋକ କହୁଛନ୍ତି ଯେ ରୋଷେଇ ଗ୍ୟାସ୍ ସିଲିଣ୍ଡର ବିସ୍ଫୋରଣ ଯୋଗୁଁ ଏହି ଦୁର୍ଘଟଣା ଘଟିଛି । ଏହି ସମୟରେ, ପଥର ପ୍ରତିମା ବିଧାୟକ ସମୀର କୁମାର ଜାନା କହିଛନ୍ତି ଯେ ଫୋଟକା ତିଆରି କରିବା ସମୟରେ ହଠାତ୍ ବିସ୍ଫୋରଣ ହୋଇଥିଲା। ସାରା ଘର ନିଆଁରେ ଜଳିଯାଇଛି । ତେବେ ଗ୍ୟାସ ସିଲିଣ୍ଡର ବ୍ଲାଷ୍ଟ ହୋଇଥିବା ନେଇ ଜଣାପଡିଛି ।

ଘର ଭିତରେ ଅନ୍ୟ କିଛି ଲୋକ ଥାଇପାରନ୍ତି ବୋଲି ଆଶଙ୍କା କରାଯାଉଛି । ଘଟଣାସ୍ଥଳରେ ଧୋଲାହାଟ ପୋଲିସ ଷ୍ଟେସନରୁ ବହୁ ସଂଖ୍ୟକ ପୋଲିସ ଫୋର୍ସ ମୁତୟନ କରାଯାଇଥିଲା ।

ସ୍ଥାନୀୟ ଲୋକଙ୍କ କହିବା ଅନୁଯାୟୀ ଚନ୍ଦ୍ରକାନ୍ତ ନାମକ ଜଣେ ବ୍ୟକ୍ତିଙ୍କ ଘରୁ ହଠାତ୍ ଏକ ଜୋରରେ ବିସ୍ଫୋରଣ ଶବ୍ଦ ଆସିଥିଲା। କିଛି ସମୟ ମଧ୍ୟରେ ଘରୁ ନିଆଁ ଉଠିବାକୁ ଲାଗିଲା। ପୋଲିସ ଏବଂ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା।  ମୃତକଙ୍କ ପରିବାରରେ ଶୋକର ଛାୟା ଖେଳିଯାଇଛି। ଅଞ୍ଚଳରେ ଶୋକର ପରିବେଶ ରହିଛି । ପୋଲିସ ପ୍ରତ୍ୟେକ ଦୃଷ୍ଟିକୋଣରୁ ମାମଲାର ତଦନ୍ତ କରୁଛି ।