ଗିଫ୍ଟ ସ୍ୱୟଂଶାସିତ କଲେଜର ୧୭ତମ ଯୁବ ସଂସଦ ପ୍ରତିଯୋଗିତା, ଯୋଗଦେଲେ ସାଂସଦ-କମିଶନର

ଭୁବନେଶ୍ବର: ଗିଫ୍ଟ ସ୍ବୟଂଶାସିତ କଲେଜରେ 17 ତମ ଯୁବ ସଂସଦ (ଭବିଷ୍ୟତର ସ୍ବର) ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ବିପୁଳ ମାତ୍ରାରେ ଶତାଧିକ ଛାତ୍ରଛାତ୍ରୀ ଭାଗନେଇ ସେମାନଙ୍କର ଶାଣିତ ସ୍ବର ଅତିଥିମାନଙ୍କ ଆଗରେ ରଖିଥିଲେ।  ଭାରତ ସରକାରଙ୍କ ସଂସଦର ବ୍ୟାପାର ମନ୍ତ୍ରଣାଳୟ ଓ ଗିଫ୍ଟ ସ୍ବୟଂଶାସିତ କଲେଜର ମିଳିତ ସହଯୋଗରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା ।

ଏହି ପ୍ରତିଯୋଗିତାରେ ବହୁ ବିଶିଷ୍ଟ ବ୍ୟକ୍ତି ଯୋଗ ଦେଇଥିଲେ । ଏହି ପ୍ରତିଯୋଗିତାରେ ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ, ସେକ୍ରେଟାରୀ ଭୁବ୍ରେଜ ସିଂ ପୁନିଆ ପ୍ରମୁଖ ଯୋଗଦେଇ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ ।

ତେବେ ସମ୍ମାନନୀୟ ଅତିଥିଙ୍କୁ ଗିଫ୍ଟର ଅଧ୍ୟକ୍ଷ ଡଃ ତ୍ରିଲୋଚନ ପଣ୍ଡା, ଡାଇରେକ୍ଟର ପତିତପାବନ ପଣ୍ଡା ସ୍ବାଗତ କରିବାପରେ ସାଂସଦ ମହାଶୟାଙ୍କୁ ସମ୍ମାନିତ କରିଥିଲେ । ସମସ୍ତ କାର୍ଯ୍ୟକ୍ରମକୁ ପ୍ରଫେସର ସୀତାରାମ ଶତପଥୀ, ପ୍ରଫେସର ବିସ୍ମିତା ମଞ୍ଜରୀ ବିଶ୍ବାଳ ଓ ଦୀପ୍ତି ଆଚାର୍ଯ୍ୟ ପ୍ରମୁଖ ସୁଚାରୁ ରୂପେ ପରିଚାଳନା କରିଥିଲେ ।