ଏକନାଥଙ୍କ ପାଇଁ କରୁଥିଲେ ପ୍ରଚାର, ରୋଡ୍ ଶୋ’ ଅଧାରୁ ଫେରିଆସିଲେ ମୁମ୍ବାଇ
ମୁମ୍ବାଇ: ମହାରାଷ୍ଟ୍ର ନିର୍ବାଚନକୁ ନେଇ ରାଜନୈତିକ ମାହୋଲ ବେଶ୍ ସରଗରମ ରହିଛି । ଦଳଗୁଡ଼ିକ ପ୍ରଚାର ପ୍ରସାରେ କୌଣସି ହେଳା କରୁ ନାହନ୍ତି । ଏପରିସ୍ଥଳରେ ବଲିଉଡ୍ ଅଭିନେତା ଗୋବିନ୍ଦା ଶନିବାର ଏକନାଥ ସିନେ୍ଦଙ୍କ ସମର୍ଥକଙ୍କ ପାଇଁ ପ୍ରଚାର କରୁଥିଲେ । ମହାରାଷ୍ଟ୍ର ଜଲଗାଓ ଜିଲାରେ ଗୋବିନ୍ଦାଙ୍କ ଦ୍ୱାରା ରୋଡ୍ ଶୋ’ କରାଯାଇଥିଲା । କିଛି ଦୂର ରୋଡ୍ ଶୋ’ କରିବା ପରେ ତାଙ୍କ ଛାତିରେ ହଠାତ୍ ଯନ୍ତ୍ରଣା ଅନୁଭବ ହୋଇଥିଲା । ଯାହାପାଇଁ ସେ ରୋଡ୍ ଶୋ’ ଅଧାରେ ଛାଡ଼ି ମୁମ୍ବାଇ ଫେରିଆସିଥିଲେ । ଚିକିତ୍ସା ପରେ ଗୋବିନ୍ଦାଙ୍କ ସ୍ୱାସ୍ଥ୍ୟାବସ୍ଥା ଭଲ ଥିବା ଗୋବିନ୍ଦାଙ୍କ ଜଣେ ସମ୍ପର୍କୀୟ କହିଛନ୍ତି ।
୨୦ ନଭେମ୍ବରରେ ମହାରାଷ୍ଟ୍ରର ୨୮୮ ସିଟ୍ ପାଇଁ ଭୋଟ୍ ଗ୍ରହଣ ହେବ । ୨୩ ତାରିଖରେ ଫଳାଫଳ ପ୍ରକାଶ କରାଯିବ । ପଲିଟିକ୍ସରୁ କିଛି ବର୍ଷ ବ୍ରେକ୍ ନେବା ପରେ ଗୋବିନ୍ଦା ପୁଣି ପ୍ରଚାର ମଇଦାନକୁ ଓହ୍ଲାଇଛନ୍ତି । କିଛିଦିନ ପୂର୍ବେ ଗୋବିନ୍ଦାଙ୍କ ଗୋଡ଼ରେ ଗୁଳି ବାଜି ସେ ଆହତ ହୋଇଥିବାର ଖବର ସାମ୍ନାକୁ ଆସିଥିଲା ।
