ଭରିଲା ମୋଦୀ ସରକାରଙ୍କ ରାଜକୋଷ: ଜୁଲାଇରେ ଜିଏସ୍ଟି ସଂଗ୍ରହ ୧୦.୩ ପ୍ରତିଶତ ବୃଦ୍ଧି ପାଇ ୧.୮୨ ଲକ୍ଷ କୋଟି ଟଙ୍କା ହେଲା ପାର୍
ନୂଆଦିଲ୍ଲୀ: ଜୁଲାଇରେ ଦ୍ରବ୍ୟ ଏବଂ ସେବା କର (ଜିଏସ୍ଟି) ସଂଗ୍ରହ ୧,୮୨,୦୭୫ କୋଟିରେ ପହଞ୍ଚିଛି, ଯାହା ଗତ ବର୍ଷ ତୁଳନାରେ ୧୦.୩ ପ୍ରତିଶତ ବୃଦ୍ଧି ହୋଇଛି । ଜୁଲାଇ ୨୦୨୩ ରେ ୧,୬୫,୧୦୫ କୋଟି ଟଙ୍କା ସଂଗ୍ରହ ହୋଇଥିଲା । ଜିଏସ୍ଟି ଆୟର ବୃଦ୍ଧି ଶକ୍ତିଶାଳୀ ଘରୋଇ ବ୍ୟବହାର ଏବଂ ଅର୍ଥନୈତିକ ସ୍ଥିରତାକୁ ସୂଚିତ କରେ ।
ପ୍ରମୁଖ ଆକଳନ :-
ଜୁଲାଇ ୨୦୨୪ ସଂଗ୍ରହ: ୧,୮୨,୦୭୫ କୋଟି ଟଙ୍କା, ଜୁଲାଇ ୨୦୨୩ ର ୧,୬୫,୧୦୫ କୋଟିରୁ ୧୦.୩ ପ୍ରତିଶତ ବୃଦ୍ଧି ।
୨୦୨୪ ବର୍ଷରୁ ଆଜି ପର୍ଯ୍ୟନ୍ତ: ମୋଟ ଜିଏସ୍ଟି ସଂଗ୍ରହ ୭.୩୮ ଲକ୍ଷ କୋଟି ଟଙ୍କା ହୋଇଛି, ଯାହା ୨୦୨୩ ମସିହାରେ ସମାନ ଅବଧିରେ ୬.୭୦ ଲକ୍ଷ କୋଟିରୁ ୧୦.୨ ପ୍ରତିଶତ ବୃଦ୍ଧି ପାଇଛି ।
ମାସିକ ରେକର୍ଡ: ଏପ୍ରିଲରେ ୨.୧୦ ଲକ୍ଷ କୋଟି ଟଙ୍କା ରେକର୍ଡ ହୋଇଥିବାବେଳେ ମେ ଏବଂ ଜୁନରେ ଯଥାକ୍ରମେ ୧.୭୩ ଲକ୍ଷ କୋଟି ଏବଂ ୧.୭୪ ଲକ୍ଷ କୋଟି ଟଙ୍କା ସଂଗ୍ରହ ହୋଇଛି ।
୨୦୨୩-୨୪ ଆର୍ôଥକ ବର୍ଷ: ମୋଟ ଜିଏସ୍ଟି ସଂଗ୍ରହ ମୋଟ ୨୦.୧୮ ଲକ୍ଷ କୋଟି ଟଙ୍କା ଥିଲା, ଯାହା ପୂର୍ବ ଆର୍ôଥକ ବର୍ଷ ତୁଳନାରେ ୧୧.୭ ପ୍ରତିଶତ ବୃଦ୍ଧି ପାଇଛି । ଆର୍ôଥକ ବର୍ଷ ପାଇଁ ହାରାହାରି ମାସିକ ସଂଗ୍ରହ ୧.୬୮ ଲକ୍ଷ କୋଟି ଥିଲା, ଯାହା ପୂର୍ବ ବର୍ଷର ହାରାହାରି ୧.୫ ଲକ୍ଷ କୋଟିରୁ ଅଧିକ ଥିଲା ।
