ଜ୍ଞାନବ୍ୟାପୀ ମାମଲା: ହିନ୍ଦୁ ପକ୍ଷଙ୍କ ଜାରି ରହିବ ପୂଜା ପାଠ, ଆହ୍ଲାବାଦ ହାଇକୋର୍ଟଙ୍କ ବଡ଼ ନିଷ୍ପତ୍ତି
ନୂଆଦିଲ୍ଲୀ: ବ୍ୟାସଙ୍କ ତହଖାନାରେ ପୂଜାକୁ ନେଇ ଆହ୍ଲାବାଦ ହାଇକୋର୍ଟ ବଡ଼ ନିଷ୍ପତ୍ତି ନେଇଛନ୍ତି । କୋର୍ଟ ମୁସଲିମ ପକ୍ଷଙ୍କ ଅଦେବନକୁ ଖାରଜ କରିଛନ୍ତି ଏବଂ କହିଛନ୍ତି ଯେ, ତହଖାନାରେ ପୂଜା ପାଠ ଜାରି ରହିବ । ଗତ କିଛି ଦିନ ତଳେ ବାରଣାସୀ ଜିଲ୍ଲା ଜଜ ବ୍ୟାସଙ୍କର ତେହଖାନାରେ ହିନ୍ଦି ପକ୍ଷଙ୍କୁ ପୂଜା କରିବାର ଅନୁମତି ଦେଇଥିଲେ । ଯାହାପରେ ହାଇକୋର୍ଟ ଯାଇଥିଲେ ମୁସଲିମ ପକ୍ଷ । ସେହି ଆବେଦନକୁ ବର୍ତ୍ତମାନ ଆହ୍ଲାବାଦ ହାଇକୋର୍ଟ ଖାରଜ କରିଛନ୍ତି । ତେବେ କୁହାଯାଉଛି ଯେ, ଏହାପରେ ମୁସଲିମ ପକ୍ଷ ସୁପ୍ରିମକୋର୍ଟ ଯାଇପାରନ୍ତି ।
ହାଇକୋର୍ଟ ଆଦେଶ ଶୁଣାଣି କରି ବାରଣାସୀ ଜିଲ୍ଲା ଜଜ ଗତ କିଛି ଦିନ ତଳେ ପୂଜା କରିବା ପାଇଁ ଅନୁମତି ଦେଇଥିଲେ, ସେହି ପୂଜା ଆଜିଠାରୁ ଜାରି ରହିବ । ଆହ୍ଲାବାଦ ହାଇକୋର୍ଟ ଉଚ୍ଚ ନ୍ୟାୟାଳୟରେ ଜଷ୍ଟିସ ରୋହିତ ରଞ୍ଜନ ଅଗ୍ରଓ୍ବାଲଙ୍କ ପୀଠ ଜ୍ଞାନବ୍ୟାପୀ ମସଜିଦର ପରିଚାଳନା କରୁଥିବା ସଂସ୍ଥା ଅଞ୍ଜୁମାନ ଇନ୍ତେଜାମିୟା ମସଜିଦ ସମିତି ଦ୍ୱାରା ଦାଖଲ କରାଯିଇଥିବା ଅବେଦନ ଉପରେ ଶୁଣାଣି କରିଥିଲେ ଏବଂ ନିଜ ନିଷ୍ପତ୍ତିକୁ ସଂରକ୍ଷିତ ରଖିଥିଲେ । ଏହି ପରିପ୍ରେକ୍ଷୀରେ ଜ୍ଞାନବ୍ୟାପୀ ମାମଲାରେ ହିନ୍ଦୁ ପକ୍ଷର ପ୍ରତିନିଧିତ୍ୱ କରୁଥିବା ଓକିଲ ବିଷ୍ଣୁ ଶଙ୍କର ଜୈନ କହିଛନ୍ତି ଯେ ଆଜି ଆହ୍ଲାବାଦ ହାଇକୋର୍ଟ ଅଞ୍ଜୁମାନ ଆରେଞ୍ଜମେଣ୍ଟର ଉଭୟ ଆବେଦନକୁ ପ୍ରତ୍ୟାଖ୍ୟାନ କରିଛନ୍ତି, ଅର୍ଥାତ ଯେଉଁ ପୂଜା ଚାଲିଥିଲା ସେହି ସମାନ କାର୍ଯ୍ୟ ଜାରି ରହିବ। ଯଦି ସେମାନେ ସୁପ୍ରିମକୋର୍ଟକୁ ଯାଆନ୍ତି, ତେବେ ଆମେ ମଧ୍ୟ ସୁପ୍ରିମକୋର୍ଟରେ ଆମର ମତାମତ ଉପସ୍ଥାପନ କରିବୁ। ”
#BREAKING | #AllahabadHighCourt DISMISSES Gyanvapi Mosque Committee's challenge to #VaranasiCourt's order allowing 'Puja' inside #VyasTehkhana
NO STAY on Worshipping of Deities inside #VyasJiTehkhana pic.twitter.com/lV2S8JdVba
— Live Law (@LiveLawIndia) February 26, 2024