ଅଧ୍ୟୟନରେ ଖୁଲାସା, RNA ଟିକା ଦ୍ୱାରା ହେବ ଅଗ୍ନାଶୟ କର୍କଟର ଚିକିତ୍ସା!
ନୂଆଦିଲ୍ଲୀ: ଆମ ପେଟର ପଛପଟେ ଥିବା ଏକ ମାଛ ଆକୃତିର ଅଙ୍ଗ ହେଉଛି ଅଗ୍ନାଶୟ । ଏହା ଇନସୁଲିନ୍ ରିଲିଜ କରିବା ସହିତ ରକ୍ତରେ ଶର୍କରାକୁ ନିୟନ୍ତ୍ରଣରେ ରଖେ । ଯେତେବେଳେ ପାନକ୍ରିୟାଟିକ୍ କର୍କଟ ହୁଏ, ଏହାର କାର୍ଯ୍ୟ କରିବା କଷ୍ଟକର ହୋଇଯାଏ ଏବଂ ପାଚନ ସମସ୍ୟା ଦେଖାଦେବା ଆରମ୍ଭ ହୁଏ ।
ଏହାର ଲକ୍ଷଣ ବିଳମ୍ବରେ ଚିହ୍ନଟ ହୋଇଥାଏ ଯାହାର ବଞ୍ଚିବାର ସମ୍ଭାବନା ମଧ୍ୟ କମ୍ ଥାଏ । ବିଶ୍ୱ କର୍କଟ ଗବେଷଣା ପାଣ୍ଠି ଅନୁଯାୟୀ, ପ୍ରତିବର୍ଷ ବିଶ୍ୱରେ ୪.୬୦ ଲକ୍ଷରୁ ଅଧିକ ଲୋକ ପାନକ୍ରିୟାଟିକ୍ କର୍କଟ ରୋଗରେ ମୃତ୍ୟୁବରଣ କରନ୍ତି।
କେବଳ ଭାରତରେ, ପ୍ରତିବର୍ଷ 12,700 ରୁ ଅଧିକ ଲୋକ ଏହି ରୋଗ ଯୋଗୁଁ ପ୍ରାଣ ହରାନ୍ତି । ଏମାନଙ୍କ ମଧ୍ୟରୁ ୮,୦୦୦ ରୁ ଅଧିକ ପୁରୁଷ । ଏପର୍ଯ୍ୟନ୍ତ ଏହି ରୋଗର ଚିକିତ୍ସା କେମୋଥେରାପି, ରେଡିଏସନ୍ ଏବଂ ଅସ୍ତ୍ରୋପଚାର ଦ୍ୱାରା କରାଯାଉଛି, କିନ୍ତୁ ବଞ୍ଚିବା ହାର କମ୍ ।
ଏହାରି ଭିତରେ RNA ଟୀକା ସମ୍ପର୍କରେ ଏକ ନୂତନ ଅଧ୍ୟୟନ ସାମ୍ନାକୁ ଆସିଛି, ଯାହା ଏହି ରୋଗର ଚିକିତ୍ସା ପାଇଁ ଆଶା ସୃଷ୍ଟି କରିଛି ।
RNA ଭ୍ୟାକ୍ସିନ କଣ- RNA ଟିକା ଏକ ଉନ୍ନତ ଚିକିତ୍ସା ପ୍ରଯୁକ୍ତିବିଦ୍ୟା, ଯେଉଁଥିରେ ମେସେଞ୍ଜର RNA (mRNA) ବ୍ୟବହାର କରାଯାଏ । ଏହା ଶରୀରର ରୋଗ ପ୍ରତିରୋଧକ ଶକ୍ତିକୁ ଏପରି ତାଲିମ ଦିଏ ଯେ ଏହା କର୍କଟ କୋଷଗୁଡ଼ିକୁ ଚିହ୍ନିପାରିବ ଏବଂ ସେମାନଙ୍କୁ ନଷ୍ଟ କରିପାରିବ।
କୋଭିଡ-୧୯ ମହାମାରୀ ସମୟରେ, ଫାଇଜର ଏବଂ ମଡର୍ନା ଟୀକା ଏହି ପ୍ରଯୁକ୍ତିବିଦ୍ୟା ଉପରେ ଆଧାରିତ ଥିଲା। ଏବେ ପାନକ୍ରିୟାଟିକ୍ କର୍କଟ ରୋଗର ଚିକିତ୍ସା ପାଇଁ ଏହି ସମାନ କୌଶଳ ବିକଶିତ କରାଯାଉଛି ।
ଗବେଷଣାରୁ ଜଣାପଡିଛି ଯେ ଆରଏନଏ ଟିକା ପାନକ୍ରିଆଟିକ୍ କର୍କଟ ରୋଗୀଙ୍କ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିପାରିବ । ଯାହା ଦ୍ଵାରା ରୋଗକୁ ନିୟନ୍ତ୍ରଣ କରାଯାଇପାରିବ ।