(video)ହେମା ମାଳିନୀ ଅଯୋଧ୍ୟାରେ ପ୍ରସ୍ତୁତ କରିବେ ନୃତ୍ୟ ନାଟିକା, ସେୟାର କଲେ ଭିଡିଓ
Advertisement
ନୂଆଦିଲ୍ଲୀ: ବଲିଉଡ୍ ଡ୍ରିମ୍ ଗାର୍ଲରୁ ନେତା ହୋଇଥିବା ହେମା ମାଳିନୀ କେବଳ ଜଣେ ଦକ୍ଷ ଅଭିନେତ୍ରୀ ନୁହଁନ୍ତି ଜଣେ ଦକ୍ଷ ନୃତ୍ୟାଙ୍ଗନା ମଧ୍ୟ । ବିଜେପି ନେତ୍ରୀ ହେମା ମାଳିନୀ ଅଯୋଧ୍ୟାରେ ପ୍ରାଣ ପ୍ରତିଷ୍ଠା ଦିବସରେ ରାମାୟଣ ଆଧାରିତ ନୃତ୍ୟ ନାଟିକା ପ୍ରସ୍ତୁତ କରିବେ ।
ବଲିଉଡ୍ ଅଭିନେତ୍ରୀ ହେମା ମାଳିନୀ ବହୁ କ୍ଲାସିକ୍ ଫିଲ୍ମରେ ନିଜର ଦମଦାର ଅଭିନୟ ପାଇଁ ଫିଲ୍ମ ଇଣ୍ଡଷ୍ଟ୍ରୀରେ ଲୋକପ୍ରିୟତା ଲାଭ କରିଛନ୍ତି । ତାଙ୍କର ବହୁ ଫିଲ୍ମ ବ୍ଲକ ବ୍ଲଷ୍ଟର ବି ସାବ୍ୟସ୍ତ ହୋଇଛି । ଅଭିନେତ୍ରୀରୁ ନେତା ହୋଇଥିବା ହେମାମାଳିନୀ ନିଜ କାର୍ଯ୍ୟାଳୟରୁ ଏବେ ଏକ ନୂଆ କ୍ଲିପ୍ ସେୟାର କରିଛନ୍ତି । ଯେଉଁଥିରେ ସେ ରାମ ମନ୍ଦିର ପ୍ରାଣ ପ୍ରତିଷ୍ଠା ଉତ୍ସବ ଲାଗି ଅଯୋଧ୍ୟା ଯିବା ଓ ସେଠାରେ ନୃତ୍ୟ ନାଟିକା ପ୍ରସ୍ତୁତ କରୁଥିବାର କଥା କହୁଛନ୍ତି ।
#WATCH | BJP leader Hema Malini says, "…I am coming to Ayodhya for the first time at the time of the 'pranpratishtha' of Ram Temple for which people were waiting for years…On January 17, I'll be presenting a dance drama based on Ramayana in Ayodhya Dham…"
(Source: Hema… pic.twitter.com/TjY34WTFNO
— ANI (@ANI) January 14, 2024
ଜଗତ ଗୁରୁ ପଦ୍ମବିଭୂଷଣ ରାମଭଦ୍ରାଚାର୍ଯ୍ୟଙ୍କ ୭୫ ତମ ଜନ୍ମୋତ୍ସବରେ ଅଯୋଧ୍ୟାରେ ଅମୃତ ମହୋତ୍ସବର ଆୟୋଜନ କରାଯାଉଛି । ମହୋତ୍ସବରେ ହେମା ମାଳିନୀ ସ୍ୱତନ୍ତ୍ର ପ୍ରସ୍ତୁତି ପ୍ରଦର୍ଶନ କରିବେ । ୧୭ ଜାନୁୟାରୀରେ ହେବାକୁ ଥିବା ଏହି ପ୍ରସ୍ତୁତି ରାମାୟଣର ବିଶେଷ ପ୍ରସଙ୍ଗ ଓ ମା’ ଦୁର୍ଗାଙ୍କ ଉପରେ ଆଧାରିତ । ଏହି କାର୍ଯ୍ୟକ୍ରମ ୨୨ ଜାନୁୟାରୀ ପର୍ଯ୍ୟନ୍ତ ଚାଲିବ । ନିଜେ ହେମା ମାଳିନୀ ଏକ ଭିଡିଓ ଜାରି କରି ଏ ବିଷୟରେ ସୂଚନା ଦେଇଛନ୍ତି ।