ମହଙ୍ଗା ହେବ ଏକ୍ସପ୍ରେସଓ୍ବେରେ ଯାତ୍ରା, ରାଜପଥ ଟୋଲ୍ 4-5 ପ୍ରତିଶତ ବୃଦ୍ଧି
ମଙ୍ଗଳବାର ଠାରୁ ନୂଆ ଟୋଲ ଶୁଳ୍କ ଲାଗୁ ।
ଭୁବନେଶ୍ବର: ବଢ଼ିଲା ରାଜପଥ ଟୋଲ୍ । ଭାରତର ଜାତୀୟ ରାଜପଥ ପ୍ରାଧିକରଣ ଦେଶବ୍ୟାପୀ ଟୋଲ୍ ଦର ହାରାହାରି 4ରୁ 5 ପ୍ରତିଶତ ବୃଦ୍ଧି କରିଛି । ଏଣିକି ମହଙ୍ଗା ହେବ ଜାତୀୟ ରାଜପଥ ଏବଂ ଏକ୍ସପ୍ରେସ ଓ୍ବେର ଯାତ୍ରା ।
ମଙ୍ଗଳବାର ଠାରୁ ନୂଆ ଶୁଳ୍କ ଲାଗୁ ହୋଇଥିବା ନେଇ ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ତାଙ୍କ କହିବା ଅନୁସାରେ, ପ୍ରତିବର୍ଷ ଏପ୍ରିଲ ମାସରେ ଟୋଲ ଦର ସଂଶୋଧିତ ହୋଇଥାଏ ।
ଏନଏଚଆଇ ପ୍ରତି ହାଇଓ୍ବେ ଏବଂ ଏକ୍ସପ୍ରେସ ଓ୍ବେ ପାଇଁ ଅଲଗା ଅଲଗା ଦର ସଂଶୋଧିତ କରିଥାଏ । ଏହି କ୍ରମରେ ଦେଶର ଅନେକ ସ୍ଥାନରେ ପୃଥକ ପୃଥକ ଦର ବୃଦ୍ଧି କରାଯାଇଛି ।
ଯଦି ଆମେ ପୁରା ଦେଶ କଥା ଦେଖିବା ତାହେଲେ ଦେଶରେ ମୋଟ 855 ଟୋଲ୍ ପ୍ଲାଜା ରହିଛି । ସେଥିମଧ୍ୟରୁ 675ଟି ଟୋଲ୍ ପ୍ଲାଜା ସରକାରଙ୍କ ଦ୍ବାରା ପରିଚାଳିତ ହେଉଥିବା ବେଳେ 180ଟି ଟୋଲ୍ ପ୍ଲାଜା ଘରୋଇ କମ୍ପାନୀ ଦ୍ବାରା ପରିଚାଳିତ । ଜାତୀୟ ରାଜପଥ ନେଟଓ୍ବର୍କରେ ପ୍ରାୟ 855 ୟୁଜର ଫି ପ୍ଲାଜା ରହିଛି । ଯାହାଉପରେ ନ୍ୟାସନାଲ ହାଇଓ୍ବେ ଫି ଆଇନ 2008 ଅନୁସାରେ ଲାଗୁ କରାଯାଇଥାଏ ।