ଭାରସାମ୍ୟ ହରାଇ କେନାଲରେ ପଡିଲା କାର୍, ୬ଜଣଙ୍କ ମୃତ୍ୟୁ

ନୂଆଦିଲ୍ଲୀ: ଛତିଶଗଡରୁ ଦୁଃଖଦ ଖବର ସାମ୍ନାକୁ ଆସିଛି । ନିୟନ୍ତ୍ରଣ ହରାଇ ଖାଇକୁ କସିଲା କାର୍ । ତେବେ ଏବି ଭୀଷଣ ଦୁର୍ଘଟଣାରେ 6ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ବଳରାମପୁରରେ ଏହି ଦୁର୍ଘଟଣା ହୋଇଛି । ତେବେ କାରରେ 7ଜଣ ରହିଥିବା ବେଳେ 6ଜଣଙ୍କ ମୃତ୍ୟୁ ହୋଇଛି ଏବଂ ଅନ୍ୟ ଜଣ ଗୁରୁତର ରହିଥିବା ବେଳେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ଖବରପାଇ ବଳରାମପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ସମସ୍ତ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଯାଞ୍ଚ ଆରମ୍ଭ କରିଛି ।

ବଳରାମପୁର ପୋଲିସର କହିବା ଅନୁସାରେ, ଦ୍ରୁତ ବେଗରେ ଏକ ଏସୟୁଭି ରାଜପୁର କୁସମୀ ମାର୍ଗ ଦେଇ ଯାଉଥିଲା । ଏହି ସମୟରେ କାରଟି ନିୟନ୍ତ୍ରଣ ହରାଇ ଖାଇକୁ ଖସି କେନାଲକୁ ଖସିପଡିଥିଲା । କାରରେ ସମୁଦାୟ 7ଜଣ ଯାତ୍ରା କରୁଥିଲେ । ସେମାନଙ୍କ ମଧ୍ୟରୁ ଘଟଣାସ୍ଥଳରେ ହିଁ 6ଜଣଙ୍କ ମୃତ୍ୟୁ ହୋଇଥିଲା । ଅନ୍ୟଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ବର୍ତ୍ତମାନ ସୁଦ୍ଧା ମୃତକମାନଙ୍କ ପରିଚୟ ମିଳିପାରି ନାହିଁ । ମୃତକଙ୍କ ମଧ୍ୟରେ ଚାରି ଜଣ ପୁରୁଷ, ଜଣେ ମହିଳା ଏବଂ ଗୋଟିଏ ଶିଶୁ ଅଛନ୍ତି  । ତେବେ ଏତେ ବଡ ଦୁର୍ଘଟଣାର ପ୍ରକୃତ କାରଣ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ ।