ଗୁଳି ଲାଗିବା ପରେ ICUରେ ଗୋବିନ୍ଦା, ଜାଣନ୍ତୁ ପାପାଙ୍କ ସ୍ୱାସ୍ଥ୍ୟ ଅବସ୍ଥାକୁ ନେଇ କ’ଣ କହିଲେ ଝିଅ ଟିନା ଅହୁଜା ?

ନୂଆଦିଲ୍ଲୀ: ‘ହିରୋ ନମ୍ବର ୱାନ୍’ ଅଭିନେତା ଗୋବିନ୍ଦା ମଙ୍ଗଳବାର ଏକ ଦୁର୍ଘଟଣାର ସମ୍ମୁଖୀନ ହୋଇଛନ୍ତି । ତାଙ୍କ ଗୋଡରେ ଗୁଳି ବାଜିଛି । କ୍ୱାର୍ଟରରୁ ସକାଳ ୫ ଟା’ରେ ଅଭିନେତାଙ୍କ ସହ ଏକ ଦୁର୍ଘଟଣା ଘଟିଥିଲା । ଏହା ପରେ ଗୋବିନ୍ଦାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।

ସେ ସିଆରଆଇଟିଆଇ କେୟାର ହସ୍ପିଟାଲରେ ଅଛନ୍ତି । ଅଭିନେତାଙ୍କ ଝିଅ ତାଙ୍କ ସ୍ୱାସ୍ଥ୍ୟ ଅପଡେଟ୍ ଦେଇଛନ୍ତି । ଟିନା ଅହୁଜା କହିଛନ୍ତି ଯେ, ଗୋବିନ୍ଦାଙ୍କର ଏକ ଅପରେସନ୍ ହେଲା ଏବଂ ବର୍ତ୍ତମାନ ତାଙ୍କ ଉପରୁ ବିପଦ ହଟିଯାଇଛି ।

ଗୋବିନ୍ଦାଙ୍କ ସ୍ୱାସ୍ଥ୍ୟ କେମିତି ଅଛି?

ଗୋବିନ୍ଦାଙ୍କ ଝିିଅ ଟିନା ଅହୁଜା ଏକ ଫୋନ୍ ବାର୍ତ୍ତାଳାପରେ କହିଛନ୍ତି, ‘ବର୍ତ୍ତମାନ ମୁଁ ମୋ ବାପାଙ୍କ ସହ ଆଇସିୟୁରେ ଅଛି । ମୁଁ ବର୍ତ୍ତମାନ ଅଧିକ କଥାବାର୍ତ୍ତା ହୋଇପାରିବି ନାହିଁ । କିନ୍ତୁ ମୁଁ ଆପଣଙ୍କୁ କହୁଛି ଯେ ପିତାଙ୍କ ସ୍ୱାସ୍ଥ୍ୟ ପୂର୍ବ ଅପେକ୍ଷା ବହୁତ ଭଲ ଅଛି । ଗୁଳି ଲାଗିବା ପରେ ପାପାଙ୍କୁ ଅପରେସନ୍ କରାଯାଇଥିଲା ଏବଂ ଅପରେସନ୍ ସଫଳ ହୋଇଥିଲା । ଡାକ୍ତରଙ୍କ ଦ୍ୱାରା ସମସ୍ତ ପରୀକ୍ଷା କରାଯାଇଛି, ରିପୋର୍ଟଗୁଡିକ ମଧ୍ୟ ପଜିଟିଭ୍ ଅଛି ।’

ଟିନା ଆହୁରି ମଧ୍ୟ କହିଛନ୍ତି, ‘ପାପା ଆଇସିୟୁରେ ଅତି କମରେ ୨୪ ଘଣ୍ଟା ରହିବେ । ୨୪ ଘଣ୍ଟା ପରେ ଡାକ୍ତର ନିଷ୍ପତ୍ତି ନେବେ ଯେ ପାପାଙ୍କୁ ଆଇସିୟୁରେ ରଖିବେ କି ନାହିଁ । ଡାକ୍ତରମାନେ ଲଗାତାର ଭାବରେ ପାପାଙ୍କ ଉପରେ ନଜର ରଖିଛନ୍ତି । ଚିନ୍ତା କରିବାର କୌଣସି ଆବଶ୍ୟକତା ନାହିଁ, ଧନ୍ୟବାଦ ।’

ତେବେ ଘଟଣା ପରେ ପୋଲିସ ତୁରନ୍ତ ଗୋବିନ୍ଦାଙ୍କ ଘରେ ପହଞ୍ଚିଥିଲା । ସେ ଗୋବିନ୍ଦାଙ୍କ ବନ୍ଧୁକ ଜବତ କରିଛନ୍ତି । ଘଟଣାର ତଦନ୍ତ ଚାଲିଛି । ମ୍ୟାନେଜର ଶଶି ସିହ୍ନା କହିଛନ୍ତି – ଅଭିନେତା ବର୍ତ୍ତମାନ ବିପଦରୁ ଦୂରେଇ ଯାଇଛନ୍ତି । ତାଙ୍କ ଗୋଡର ଆଣ୍ଠୁରେ ଆଘାତ ଲାଗିଛି ।
କିପରି ଲାଗିଲା ଗୁଳି?

ମ୍ୟାନେଜର କହିଥିଲେ- ଗୋବିନ୍ଦା ବନ୍ଧୁକ ସଫା କରି ଆଲମାରୀରେ ରଖିଥିଲେ । ଏହି ସମୟ ମଧ୍ୟରେ ବନ୍ଧୁକଟି ତଳେ ପଡ଼ିଯାଇ ଓ ମିସଫାୟାର ହୋଇଗଲା । ତେବେ ଗୋବିନ୍ଦା କୌଣସି ସ୍ଥାନକୁ ଯିବାକୁ ବାହାରିଥିଲେ । ଏହି ସମୟରେ ତାଙ୍କ ପତ୍ନୀ ସୁନୀତା ମଧ୍ୟ ତାଙ୍କ ସହ ନଥିଲେ ।