IPLରେ କିପରି ଟଙ୍କା ପାଆନ୍ତି ଖେଳାଳି? ଆହତ ହେଲେ କ୍ରିକେଟରଙ୍କୁ ଏତିକି ଟଙ୍କା ଦିଏ ଫ୍ରାଞ୍ଚାଇଜି

ନୂଆଦିଲ୍ଲୀ: ଆଇପିଏଲ-୨୦୨୩ ବର୍ତ୍ତମାନ ନିଜର ଅସଲ ରୂପରେ ପାଦ ଥାପି ସାରିଛି । ପ୍ରତ୍ୟେକ ମ୍ୟାଚ ରୋମାଞ୍ଚକର ହେଉଥିବା ବେଳେ ସଂଘର୍ଷ ଦେକିବାକୁ ମିଳୁଛି । କିନ୍ତୁ ଆଇପିଏଲ ଆରମ୍ଭରୁ କିଛି ଟିମ୍ କୁ ଝଟକା ଲାଗିଥିଲା । ଯେମିତିକି ରିସଭ ପନ୍ଥଙ୍କ ଦୁର୍ଘଟଣା ଏବଂ ମ୍ୟାଚ୍ ସମୟରେ କେନ୍ ୱିଲିୟମସନଙ୍କୁ ଆଘାତ ଲାଗିବା । ଏବେ ଏହି ଦୁଇଜଣ ଖେଳାଳି ପୁରା ଆଇପିଏଲ ସିଜନରୁ ବାହାରେ ରହିଛନ୍ତି । ତେବେ ଅନେକଙ୍କ ମନରେ ପ୍ରଶ୍ନ ରହିଛି ଏମାନଙ୍କୁ ଟଙ୍କା ମିଳିବ ନା ନାଇଁ । ଏମାନଙ୍କର ଫ୍ରାଞ୍ଚାଇଜ ଏମାନଙ୍କୁ ଟଙ୍କା ଦେବ କି ନାହିଁ ।

ତେବେ ସରଳ ଭାଷାରେ ଆଇପିଏଲର ସାଲାରି ସିଷ୍ଟମ କଣ ? ଆଉ ଏହି ସାଲାରି ସିଷ୍ଟମ କାମ କେମିତି କରେ ?

ଯଦି କୌଣସି ଖେଳାଳି ଫ୍ଲାଞ୍ଚାଇଜ ସହ ଯୋଡ଼ି ହେବା ପୂର୍ବରୁ ତାଙ୍କୁ ଆଘାତ ଲାଗୁଛି । ଆଉ ସେ ସେହି ଆଘାତ ପାଇଁ ପୁରା ଟୁର୍ଣ୍ଣାମେଣ୍ଟରୁ ବାହାରେ ରହୁଛନ୍ତି ତେବେ ତାଙ୍କୁ ଫ୍ରାଞ୍ଚାଇଜ ତରଫରୁ କୌଣସି ପେମଣ୍ଟ ମିଳିବ ନାହିଁ । ଯେମିତି ରିଷଭ ପନ୍ଥ । କିନ୍ତୁ ରିଷଭ ଏବେବି ଭାରତୀୟ ଦଳ ସହିତ ଜଡ଼ିତ ରହିଛନ୍ତି ସେଥିପାଇଁ ତାଙ୍କୁ ବିସିସିଆଇ ସବୁ ଖର୍ଚ୍ଚ ତୁଲାଇବ ।

ଠିକ ସେମିତି ଯଦି କୌଣସି କାରଣରୁ ଆଘାତ ପାଇଁ ଫ୍ରାଞ୍ଚାଇଜରେ ବିଳମ୍ବରେ ଆସି ଅଂଶଗ୍ରହଣ କରନ୍ତି ତେବେ ଉକ୍ତ ଖେଳାଳିଙ୍କୁ ମ୍ୟାଚ୍ ହିସାବରେ ହିଁ ପେମେଣ୍ଟ ମିଳିବ । ଯେମିତି ହେଜଲ ହୁଡ଼ । ହେଜଲ ହୁଡ଼ ଏବେ ବିଳମ୍ବରେ ଫ୍ରାଞ୍ଚାଇଜ ସହ ଜଡ଼ିତ ହେବା କାରଣରୁ ତାଙ୍କୁ ମ୍ୟାଚ୍ ହିସାବରେ ହିଁ ପେମେଣ୍ଟ ମିଳିବ ।

ସବୁଠାରୁ ବଡ଼ କଥା ହେଉଛି ଯଦି କୌଣସି ଖେଳାଳି ଫ୍ଲାଞ୍ଚାଇଜ ସହ ଜଡ଼ିତ ଥିବା ବେଳେ ଯଦି ଆଘାତ ପାଇ ପୁରା ଟୁର୍ଣ୍ଣାମେଣ୍ଟରୁ ବାହାରେ ରହେ ତେବେ ଫ୍ରାଞ୍ଚାଇଜ ତାଙ୍କର ପୁରା ମେଡିକାଲ ଖର୍ଚ୍ଚ ତୁଲାଇବା ସହ ପୁରା ପେମେଣ୍ଟ ଦେବ । ଯେମିତି କେନ୍ ୱିଲିୟମସନ୍ଙ୍କୁ ଏବେ ପୁରା ପେମେଣ୍ଟ ମିଳିବା ସହ ତାଙ୍କର ମେଡିକାଲ ଖର୍ଚ୍ଚ ଫ୍ରାଞ୍ଚାଇଜ ବୁଝିବ ।

ତେବେ ଆପଣମାନେ ଭାବୁଥିବେ ଏହି ଆଇପିଏଲରେ ଖେଳାଳି ମାନଙ୍କୁ କେମିତି ପେମେଣ୍ଟ କରାଯାଏ । କିଛି ଫ୍ରାଞ୍ଚାଇଜ ଖେଳାଳି ମାନଙ୍କୁ ଅଧା ଅଧା କରି ଟଙ୍କା ଦେଇଥାନ୍ତି । ସେହିଭଳି କିଛି ଫ୍ରାଞ୍ଚାଇଜ ମାନେ ସିଜନ ଶେଷ ହେବା ପରେ ଟଙ୍କା ଦେଇଥାନ୍ତି । କିନ୍ତୁ କାହାରି ଟଙ୍କାକୁ ବାକି ରଖାଯାଏ ନାହିଁ ଆଇପିଏଲରେ । ଯଦି ଟଙ୍କା ବାକି ରୁହେ ତେବେ ବିସିସିଆଇ ପକ୍ଷରୁ ଫ୍ରାଞ୍ଚାଇଜ ଉପରେ ଆକ୍ସନ ନିଆଯାଇଥାଏ ।