ପାଚିଲା ଅମୃତ ଭଣ୍ଡାକୁ ବିନା କାଟିକି କେମିତି ଜାଣିବେ ମିଠା କି ନୁହେଁ, କିଣିବା ସମୟରେ କରନ୍ତୁନି ଏହି ଭୁଲ୍‌

ଓଡ଼ିଶା ଭାସ୍କର: ଅମୃତ ଭଣ୍ଡା ସ୍ୱାସ୍ଥ୍ୟ ପାଇଁ ଖୁବ ଲାଭଦାୟକ ଫଳ। ଏଥିରେ ମିନେରାଲ, ଭିଟାମିନ, ପ୍ରୋଟିନ୍ ଏବଂ ଫାଇବର ଭରପୁର ମାତ୍ରାରେ ରହିଥାଏ, ଯାହା ରକ୍ତକୁ ସଫା କରିବା ଏବଂ ହଜମ ପ୍ରକ୍ରିୟାକୁ ଠିକ୍ କରିବାରେ ସାହାଯ୍ୟ କରିଥାଏ। ଏଥିସହ ନିୟମିତ ଭାବେ ଖାଇବା ଦ୍ୱାରା କୋଷ୍ଠକାଠିନ୍ୟତା ଦୂର ହୋଇଥାଏ।

ଆମେ ବଜାରରେ ବିକ୍ରି ହେଉଥିବା ପାଚିଲା ଅମୃତ ଭଣ୍ଡାକୁ କିଣିକି ଆଣିଥାଏ। ହେଲେ ଏହା ବେଳେ ବେଳେ ମିଠା ଲାଗିନ ଥାଏ। ତେବେ ଆସନ୍ତୁ ଜାଣିବା ଅମୃତ ଭଣ୍ଡାକୁ ବିନା କାଟିକି କେମିତି ଜାଣିବା ଏହା ମିଠା କି ନୁହେଁ।

ବାସ୍ନା: ଭଲ ପାଚିଲା ଅମୃତ ଭଣ୍ଡା ହାଲୁକା ମିଠା ବାସ୍ନା ଦେଇଥାଏ। ଯଦି ଏଥିରୁ କୌଣସି ବାସ୍ନା ଆସୁ ନାହିଁ ତେବେ ଆପଣ ଏହାକୁ କିଣନ୍ତୁ ନାହିଁ।

ଚୋପା ଏବଂ ଧାରକୁ ଦେଖନ୍ତୁ: କେବଳ ରଙ୍ଗ ନୁହେଁ, ଅମୃତ ଭଣ୍ଡା ଉପରେ ଥିବା ଧାର ଯଦି ହଳଦିଆ ବା ନାରଙ୍ଗି ଦେଖାଯାଉଛି ତେବେ ଏହା ମିଠା ଏବଂ ପାଚିଲା ଅଟେ। ଯଦି ଏହା ସବୁଜ ରଙ୍ଗର ହୋଇଥାଏ, ତେବେ ଏହାକୁ କିଣିବାଠାରୁ ଦୂରେଇ ରୁହନ୍ତୁ।

ହାଲୁକା ଦବେଇକି ଦେଖନ୍ତୁ: ଅମୃତ ଭଣ୍ଡା କିଣିବା ସମୟରେ ଏହାକୁ ହାଲୁକା ଭାବେ ଦବାନ୍ତୁ। ଯଦି ଏହା ଅଧିକ ଦବିଯାଉଛି, ତେବେ ଏହା ସଢିଯାଇଥିବାର ଆଶଙ୍କା ରହିଛି। ଏହାକୁ ଆଦୌଂ କିଣନ୍ତୁ ନାହିଁ।

ଅମୃତ ଭଣ୍ଡାର ରଙ୍ଗ ସାଧାରଣତଃ ସବୁଜ ବା ନାରଙ୍ଗି ହୋଇଥାଏ। କିନ୍ତୁ ଯେଉଁ ଅମୃତ ଭଣ୍ଡାର ଉପରିଭାଗ ଅଧିକାଂଶ ଧଳା ଥିବ, ସେହି ଭଣ୍ଡାକୁ କିଣନ୍ତୁ ନାହିଁ, କାରଣ ଏଥିରେ ପୋକ ଲାଗିବାର ସମ୍ଭାବନା ଅଧିକ ରହିଛି।