Facebook ଆକାଉଣ୍ଟ ପାସଓ୍ବାର୍ଡ ଭୁଲିଯାଇଛନ୍ତି କି? ବିନା ନମ୍ବର-ଇମେଲରେ ଏଭଳି କରନ୍ତୁ ରିକୋଭରି
ନୂଆଦିଲ୍ଲୀ: ଆଜିର ଡିଜିଟାଲ ଯୁଗରେ ଫେସବୁକ୍ ଏକ ଗୁରୁତ୍ୱପୂର୍ଣ୍ଣ ଅଂଶ ପାଲଟିଛି । କିନ୍ତୁ କେତେବେଳେ ଏପରି ହୁଏ ଯେ ଆକାଉଣ୍ଟ ପାସୱାର୍ଡ ଭୁଲିଯାଉ ଏବଂ ଏହା ସହିତ ଜଡିତ ନମ୍ବର କିମ୍ବା ଇମେଲ୍ ମଧ୍ୟ ଉପଲବ୍ଧ ନଥାଏ ।
ଏପରି ପରିସ୍ଥିତିରେ, ଆକାଉଣ୍ଟ ରିକୋଭର କରିବା କଷ୍ଟକର ମନେହୁଏ । କିନ୍ତୁ ନମ୍ବର ଏବଂ ଇମେଲ୍ ବିନା ମଧ୍ୟ ଆପଣଙ୍କର ଫେସବୁକ୍ ଆକାଉଣ୍ଟ ରିକୋଭର ହୋଇପାରିବ ।
ସର୍ବପ୍ରଥମେ ନିଜର ଆକାଉଣ୍ଟର ସଠିକ୍ ନାମ ମନେ ରଖିବା ଉଚିତ । ଏହାପରେ ବନ୍ଧୁ କିମ୍ବା ପରିବାର ସଦସ୍ୟଙ୍କ ମଧ୍ୟରୁ ଜଣଙ୍କୁ ପ୍ରୋଫାଇଲ୍ ଖୋଜିବାକୁ କୁହାଯିବ । ଫେସବୁକକୁ ଯାଆନ୍ତୁ ଏବଂ ଫରଗଟ ପାସଓ୍ବାର୍ଡ ଉପରେ କ୍ଲିକ୍ କରନ୍ତୁ । ଏବେ ଇମେଲ୍ ଠିକଣା କିମ୍ବା ନମ୍ବର ଦେବାକୁ କୁହାଯିବ । ଏଠାରେ ନିଜର ନାମ ଦେବା ପରେ କେତେକ ଆକାଉଣ୍ଟ ଦେଖାଯିବ ।
ଯଦି ଆପଣ ଆପଣଙ୍କ ଆକାଉଣ୍ଟରେ ପୂର୍ବରୁ ଟ୍ରଷ୍ଟେଡ୍ କଣ୍ଟାକ୍ଟସ୍ ସେଟ୍ ଅପ୍ କରିସାରିଛନ୍ତି, ତେବେ ଏହି ପ୍ରକ୍ରିୟା ଆପଣଙ୍କ ପାଇଁ ବହୁତ ସହଜ ହେବ। No longer have access to these? କ୍ଲିକ୍ କରନ୍ତୁ । ଏବେ ଆପଣଙ୍କୁ ଟ୍ରଷ୍ଟେଡ୍ କଣ୍ଟାକ୍ଟସ୍ ରୁ ରିକୋଭର କୋଡ୍ ପଠାଇବାର ବିକଳ୍ପ ମିଳିବ । ଏହାପରେ ଆକାଉଣ୍ଟ ଫେରିପାଇବେ ।
ଯଦି Trusted Contacts ନାହିଁ, ତାହେଲେ Facebookର ହେଲ୍ପ ସେଣ୍ଟରର ସାହାଯ୍ୟ ନେଇ ଆଇଡେଣ୍ଟିଫାଇ ଭେରିଫିକେସନ ଫର୍ମ ଭରିବାକୁ ହେବ ।