ଏହି ରୋଗକୁ ନେଇ ଚିନ୍ତାରେ ଥିଲେ ଭୁଲରେ ପିଅନ୍ତୁ ନାହିଁ କ୍ଷୀର, ଜାଣନ୍ତୁ କ’ଣ ହେବ କ୍ଷତି?

ନୂଆଦିଲ୍ଲୀ: ପିଲାଦିନରୁ କ୍ଷୀର ପିଇବାର ଅନେକ ଫାଇଦା ବିଷୟରେ ତ ଆପଣମାନେ ଶୁଣିଥିବେ । କ୍ଷୀରରେ କ୍ୟାଲସିୟମ୍, ଭିଟାମିନ୍ ଏ, କେ ଏବଂ ବି ୧୨ ଥାଏମାଇନ୍ ଏବଂ ନିକୋଟିନିକ୍ ଏସିଡ୍ ପରି ପୁଷ୍ଟିକର ତତ୍ତ୍ୱ ରହିଥାଏ । ଦୈନିକ କ୍ଷୀର ପିଇବା ଦ୍ୱାରା କୋଷ୍ଠକାଠିନ୍ୟ, ଚାପ, ଅନିଦ୍ରା, ଥକାପଣ ଏବଂ ଦୁର୍ବଳତା ଦରେଇ ଯାଏ । କେବଳ ଏତିକି ନୁହେଁ, ଦାନ୍ତ ଏବଂ ହାଡର ଶକ୍ତି ପାଇଁ କ୍ଷୀରରେ ଥିବା କ୍ୟାଲସିୟମ ମଧ୍ୟ ଆବଶ୍ୟକ ବୋଲି କୁହାଯାଏ । କିନ୍ତୁ ଆପଣ ଜାଣନ୍ତି କି କ୍ଷୀର ସମସ୍ତଙ୍କ ପାଇଁ ଲାଭଦାୟକ ନୁହେଁ । କିଛି ଲୋକଙ୍କ ପାଇଁ କ୍ଷୀରର ବ୍ୟବହାର ଅତ୍ୟନ୍ତ କ୍ଷତିକାରକ ସାବ୍ୟସ୍ତ ହୋଇଥାଏ । ତେବେ ଆସନ୍ତୁ ଜାଣିବା କି, କେଉଁ ଲୋକମାନଙ୍କୁ କ୍ଷୀରରୁ ଦୂରେଇ ରହିବା ଉଚିତ୍….

ଯେଉଁମାନଙ୍କର ଜଣ୍ଡିସ୍, ଗଣ୍ଠିରେ ଫୁଲା ଭଳି ସମସ୍ୟା ରହିଥାଏ, ସେହି ଲୋକମାନେ କ୍ଷୀର ଖାଇବା ଠାରୁ ଦୂରେଇ ରହିବା ଉଚିତ୍ । ଅତ୍ୟଧିକ କ୍ଷୀର ପିଇବା ଦ୍ୱାରା ଯକୃତ ଫୁଲିବା ଅଭିଯୋଗ ଆସିଥାଏ ଓ ଲୋକଙ୍କର ଫାଇବ୍ରଇଡ୍ରସ ସମସ୍ୟା ବଢ଼ିଯାଏ । ଏହି ଲୋକମାନେ ଲଗାତାର ଭାବେ କ୍ଷୀର ପିଉଥିଲେ ସେମାନଙ୍କର ସମସ୍ୟା ଗମ୍ଭୀର ହେବାର ସମ୍ଭାବନା ରହିଛି ।

ଫ୍ୟାଟି ଲିଭର :-

ଫ୍ୟାଟି ଲିଭର ସମସ୍ୟାରେ ପୀଡିତ ଲୋକମାନେ କ୍ଷୀର ପିଇବା ଉଚିତ୍ ନୁହେଁ । ଏହିପରି ଲୋକମାନେ କ୍ଷୀରକୁ ସହଜରେ ହଜମ କରିବାରେ ସକ୍ଷମ ନୁହଁନ୍ତି । ଚର୍ବିଯୁକ୍ତ ଯକୃତରେ ପୀଡିତ ଲୋକଙ୍କୁ ପ୍ରୋଟିନ୍ ସୀମିତ ପରିମାଣରେ ଗ୍ରହଣ କରିବାକୁ ପରାମର୍ଶ ଦିଆଯାଇଛି ଏବଂ କ୍ଷୀରରେ ପ୍ରୋଟିନ୍ ଭରପୂର ଅଟେ । ଏପରି ପରିସ୍ଥିତିରେ କ୍ଷୀର ପିଇବା ଦ୍ୱାରା ଏସିଡିଟି, ଗ୍ୟାସ୍, ଅଳସୁଆ, ଥକାପଣ, ଓଜନ ବୃଦ୍ଧି କିମ୍ବା ହ୍ରାସ ଭଳି ସମସ୍ୟା ସୃଷ୍ଟି ହୋଇପାରେ ।

ଗ୍ୟାସ ସମସ୍ୟା :-
କ୍ଷୀରରେ ଲାକ୍ଟୋଜ୍ ଥାଏ, ଯାହା ବେଳେବେଳେ ହଜମକୁ ଖରାପ କରିପାରେ । ଏହି କାରଣରୁ ଅଧିକ କ୍ଷୀର ପିଇବା ଦ୍ୱାରା ଅନେକ ଲୋକଙ୍କୁ ଡାଇରିଆ, ଫୁଲିବା କିମ୍ବା ଗ୍ୟାସ୍ ହୋଇପାରେ । ଡାକ୍ତରମାନେ ପ୍ରାୟତଃ ପରାମର୍ଶ ଦିଅନ୍ତି ଯେ ଗ୍ୟାସ ସମସ୍ୟା ଥିବା ବ୍ୟକ୍ତି କ୍ଷୀର ପିଇବା ଠାରୁ ଦୂରେଇ ରହିବା ଉଚିତ୍ ।

ଆଲର୍ଜି :-
କିଛି ଲୋକଙ୍କର କ୍ଷୀରରେ ଆଲର୍ଜି ଥାଏ । ଏହାର କାରଣ ମଧ୍ୟ ଲାକ୍ଟୋଜ୍ । ଏହି କ୍ଷେତ୍ରରେ ଏହା ଇମ୍ୟୁନ୍ ସିଷ୍ଟମ ଉପରେ ପ୍ରଭାବ ପକାଇଥାଏ । ଯେଉଁଥିପାଇଁ ଚର୍ମରେ କୁଣ୍ଡେଇ, ନାଲି ରଙ୍ଗ ସହ ନିଶ୍ୱାସ ନେବାରେ କଷ୍ଟ କିମ୍ବା ଶରୀର ଫୁଲିଯିବା ଭଳି ଅସୁବିଧା ହୁଏ । ତେଣୁ ଯଦି କାହାର ଆଲର୍ଜି ସମସ୍ୟା ଥାଏ ତେବେ ସେମାନେ କ୍ଷୀର ପିଇବା ଉଚିତ୍ ନୁହେଁ ।

ମୋଟାପଣ:-
ଯଦି ଆପଣ ମୋଟାପଣ ଦ୍ୱାରା ଅସୁବିଧାରେ ପଡ଼ନ୍ତି, ତେବେ ଅତି କମରେ କ୍ଷୀର ପିଅନ୍ତୁ । କାରଣ କ୍ଷୀର ଶରୀରରେ ଅତିରିକ୍ତ ଚର୍ବି ଜମା କରିଥାଏ । ଏହା ସହ ଅଧିକ ପରିମାଣରେ କ୍ଷୀର ପିଇବା ଦ୍ୱାରା ଚର୍ମ ସମସ୍ୟା ମଧ୍ୟ ହୋଇପାରେ ।