ଏହି ସମସ୍ୟାକୁ ଅଣଦେଖା କରିବା ଦ୍ଵାରା ନଷ୍ଟ ହୋଇଥାଏ ବୈବାହିକ ଜୀବନ: ଆପଣ କରୁନାହାଁନ୍ତି ତ’ ସମାନ ଭୁଲ
ଜୀବନସାଥୀ ସହ ଶାରୀରିକ ଏବଂ ମାନସିକ ଭାବରେ ଯୋଡି ହୋଇ ରହିବା ଜୀବନରେ ଏକ ଭଲ ଅନୁଭବ । କିନ୍ତୁ କିଛି ରୋଗ ଆପଣଙ୍କ ଆନନ୍ଦକୁ ନଷ୍ଟ କରିପାରେ । ସମସ୍ତେ ଏହିପରି ରୋଗରୁ ଦୂରେଇ ରହିବାକୁ ଚାହାଁନ୍ତି, କିନ୍ତୁ ଏହି ରୋଗଗୁଡିକ ଆପଣଙ୍କ ଜୀବନକୁ ନଷ୍ଟ କରିପାରେ । କେବଳ ଏତିକି ନୁହେଁ, କେତେକ ରୋଗ ହେତୁ ଆପଣଙ୍କ ବୈବାହିକ ଜୀବନ ନଷ୍ଟ ହୋଇପାରେ । ଏପରି ପରିସ୍ଥିତିରେ ଆପଣଙ୍କୁ ବ୍ୟସ୍ତ ହେବାର ଆବଶ୍ୟକତା ନାହିଁ । କାରଣ ଏଠାରେ ଆମେ ଆପଣଙ୍କୁ ଏପରି କିଛି ରୋଗ ବିଷୟରେ କହିବୁ, ଯାହାକୁ ଆପଣ ଭୁଲରେ ମଧ୍ୟ ଅଣଦେଖା ନକରି ଠିକ୍ ସମୟରେ ଚିକିତ୍ସା କରିବା ଉଚିତ୍ ।
ଡାଇବେଟିସ୍ :-
ହାଇ ବ୍ଲାଡ ସୁଗାର ସମୟ ସହିତ ଆପଣଙ୍କ ରକ୍ତବାହୀ ଏବଂ ସ୍ନାୟୁକୁ କ୍ଷତି ପହଞ୍ଚାଏ । ଏହା ଆପଣଙ୍କ ଯୌନ ଅଙ୍ଗକୁ ରକ୍ତ ପ୍ରବାହ ଉପରେ ପ୍ରଭାବ ପକାଇଥାଏ । ଏଥିପାଇଁ ପୁରୁଷମାନଙ୍କଠାରେ ଇରେକେସନ୍ ଏବଂ ଶୀଘ୍ରପତନର ସମସ୍ୟା ଆରମ୍ଭ ହୁଏ । ଅନ୍ୟପଟେ ମହିଳାମାନଙ୍କର ଇଚ୍ଛା କମିଯିବା, ଯୌନୀର ଶୁଷ୍କତା ଭଳି ଅନେକ ସମସ୍ୟା ହୋଇଥାଏ । ତେଣୁ ଯଦି ଆପଣ ସୁଗାରକୁ ନିୟନ୍ତ୍ରଣରେ ରଖିବେ, ତେବେ ଆପଣଙ୍କ ଦାମ୍ପତ୍ୟ ଜୀବନର ସମସ୍ୟା ଦୂର ହୋଇପାରିବ ।
ହାର୍ଟ ସମ୍ବନ୍ଧୀୟ ରୋଗ:-
ଯଦି ଆପଣଙ୍କୁ ହାର୍ଟ ସମ୍ବନ୍ଧୀୟ କୌଣସି ରୋଗ ଅଛି, ତେବେ ଏହା ଆପଣଙ୍କ ରକ୍ତବାହୀକୁ ମଧ୍ୟ କ୍ଷତି ପହଞ୍ଚାଇଥାଏ । ଏହି କାରଣରୁ ଯୌନ ସମସ୍ୟା ଦେଖାଦେଇପାରେ । ଏହା ବ୍ୟତୀତ ହାଇ ବ୍ଲଡ ପ୍ରେସର ପାଇଁ ଉଦ୍ଦିଷ୍ଟ କେତେକ ଔଷଧ ସମସ୍ୟା ସୃଷ୍ଟି କରିପାରେ । ଅନ୍ୟ ପଟେ ଯଦି ଆପଣ ହାର୍ଟ ସମ୍ବନ୍ଧୀୟ ରୋଗରେ ପୀଡିତ ଅଛନ୍ତି ଏବଂ ସମ୍ବନ୍ଧ ରଖିଲେ ବିପଦ ଅଛି ବୋଲି ଭୟଭୀତ ହେଉଛନ୍ତି, ତେବେ ଡାକ୍ତରଙ୍କ ପରାମର୍ଶ ନିଅନ୍ତୁ ।
ଡିପ୍ରେସନ୍:-
ଆପଣଙ୍କ ମନ ଏବଂ ଶରୀର ଏକାସାଙ୍ଗରେ ଚାଲିଥାଏ । ନିରାଶାର ଗୋଟିଏ ଲକ୍ଷଣ ମଧ୍ୟ ଆପଣଙ୍କ ଇଚ୍ଛାକୁ କମାଇପାରେ । ଯଦି ଆପଣ ଉଦାସ ଅନୁଭବ କରୁଛନ୍ତି ତେବେ ଡାକ୍ତରଙ୍କ ସହ ଏହା ବିଷୟରେ କଥା ହୁଅନ୍ତୁ ।
