ଥୋମାସ କପ୍ ରେ ଇତିହାସ ରଚିଲା ଭାରତ, ଇଣ୍ଡୋନେସିଆକୁ ୩-୦ରେ ପରାସ୍ତ କରି ପ୍ରଥମ ଥର ହେଲା ଚାମ୍ପିଅନ
ଥାଇଲାଣ୍ଡ: ଥୋମାସ କପ୍ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟରେ ଇତିହାସ ରଚିଛି ଭାରତ । ପ୍ରଥମ ଥର ପାଇଁ ଫାଇନାଲରେ ବିଜୟ ହାସଲ କରି ସ୍ୱର୍ଣ୍ଣ ପଦକ ଜିତିଛି । ଭାରତ ଫାଇନାଲରେ ୧୪ ଥର ଚାମ୍ପିଅନ ଇଣ୍ଡୋନେସିଆକୁ ପରାସ୍ତ କରିଛି । ୭୩ ବର୍ଷର ଥୋମାସ କପର ଇତିହାସରେ ପୁର୍ବରୁ ୫ ଦେଶ ଏହି ଟୂର୍ଣ୍ଣାମେଣ୍ଟରେ ବିଜୟ ହାସଲ କରିଛନ୍ତି ।
ଭାରତ ପକ୍ଷରୁ ସାତ୍ୱିକରାଜ ରଙ୍କାରେଡ଼ି ଓ ଚିରାଗ ସେଟ୍ଟି ଏବଂ କିଦାମ୍ବି ଶ୍ରୀକାନ୍ତ ଓ ଲକ୍ଷ୍ୟ ସେନ୍ ସେମାନଙ୍କର ମୁକାବିଲାରେ ବିଜୟ ହାସଲ କରି ଭାରତକୁ ଏହି ସଫଳତା ଆଣି ଦେଇଛନ୍ତି । ଭାରତୀୟ ଟିମ୍ ର ବିଜୟ ପରେ ପୂରା ଭାରତ ଏହି ବିଜୟକୁ ପାଳନ କରୁଛି । ଏହି ବିଜୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟିମ୍ କୁ ଶୁଭେଚ୍ଛା ଜଣାଇଛନ୍ତି ।
The Indian badminton team has scripted history! The entire nation is elated by India winning the Thomas Cup! Congratulations to our accomplished team and best wishes to them for their future endeavours. This win will motivate so many upcoming sportspersons.
— Narendra Modi (@narendramodi) May 15, 2022
ପ୍ରଧାନମନ୍ତ୍ରୀ ଟ୍ୱିଟ୍ କରି କହିଛଛନ୍ତି ଯ, ଭାରତୀୟ ବ୍ୟାଡମିଣ୍ଟ ଟିମ୍ ଇତିହାସ ରଚିଛି । ଏହି ବିଜୟ ପରେ ପୂରା ଦେଶ ଗର୍ବ ଅନୁଭବ କରୁଛି । ଏହା ସହ ସେ ସମ୍ପୁର୍ଣ୍ଣ ଟିମ୍ କୁ ଶୁଭେଚ୍ଛା ଜଣାଇଛନ୍ତି । ଏହି ବିଜୟ ନୂଆ ପ୍ରତିଭାଶାଳି ଉଦୟମାନ ଖେଳାଳୀ ମାନଙ୍କୁ ଅନୁପ୍ରାଣିତ କରିବ ବୋଲି ସେ କହିଛନ୍ତି ।
