”ଭାରତ ଦୁନିଆର ବିଶ୍ୱଗୁରୁ…” ନ୍ୟାୟର ଲଢେଇରେ ଏହା ଅନୁଭବ କଲୁ-ୟୁକ୍ରେନର ଉପ ବୈଦେଶିକ ମନ୍ତ୍ରୀ
ନୂଆଦିଲ୍ଲୀ: ୟୁକ୍ରେନ୍ ଉପରେ ଋଷ ଆକ୍ରମଣ କରିବା ପରେ ପ୍ରଥମ ଥର ପାଇଁ ଭାରତ ଗସ୍ତରେ ଆସିଛନ୍ତି ୟୁକ୍ରେନ୍ ଅଧିକାରୀ । ୟୁକ୍ରେନର ଉପ ବେଦେଶିକ ମନ୍ତ୍ରୀ ଇମିନ୍ ଜାପାରୋଭା ଭାରତ ଗସ୍ତରେ ଆସିଛନ୍ତି । ସୋମବାର ସେ ଦିଲ୍ଲୀରେ ବୈଦେଶିକ ମନ୍ତ୍ରଣାଳୟର ସଚିବ ସଞ୍ଜୟ ଭର୍ମାଙ୍କୁ ଭେଟିଛନ୍ତି । ଏହି ସମୟରେ ଦୁଇ ଦେଶ ମଧ୍ୟରେ ସମ୍ପର୍କକୁ ଆହୁରି ମଜବୁତ କରିବା ଉପରେ ଗୁରୁତ୍ୱ ଦିଆଯାଇଥିଲା ।
ଏହା ପୂର୍ବରୁ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ଇମିନ କହିଥିଲେ ଯେ ମୁଁ ଭାବୁଛି ଯେ ଜଣେ ବିଶ୍ୱ ଖେଳାଳି ଭାବରେ ଭାରତ ପ୍ରକୃତରେ ବିଶ୍ୱଗୁରୁ ଅଟେ ଏବଂ ନ୍ୟାୟ ପାଇଁ ଲଢୁଥିବା ବେଳେ ଆମେ ୟୁକ୍ରେନରେ ମଧ୍ୟ ସମାନ ଅନୁଭବ କରିଛୁ । ସେ ଏହା ମଧ୍ୟ କହିଛନ୍ତି ଯେ ଯଦି ମୋର ରାଷ୍ଟ୍ରପତି ଭୋଲୋଡିମିର ଜେଲେନସ୍କି ପ୍ରଦାନମନ୍ତ୍ରୀ ମୋଦୀଙ୍କ ସହ କଥାବାର୍ତ୍ତା କରନ୍ତି, ତେବେ ସେ ନିଶ୍ଚିତ ଭାବରେ ତାଙ୍କୁ ୟୁକ୍ରେନ ଗସ୍ତରେ ନିମନ୍ତ୍ରଣ କରିବେ ।
#WATCH दिल्ली: यूक्रेन की उप-विदेश मंत्री एमीन झापरोवा साउथ ब्लॉक पहुंची।
वह भारत की 4 दिवसीय दौरे पर हैं। pic.twitter.com/5C464Hvy7q
— ANI_HindiNews (@AHindinews) April 10, 2023
ରୁଷ ସହିତ ଚାଲିଥିବା ଯୁଦ୍ଧ ଉପରେ ମଧ୍ୟ ଇମିନ ଏକ ବିବୃତ୍ତି ଦେଇଛନ୍ତି । ସେ କହିଛନ୍ତି ଯେ ୟୁକ୍ରେନ ଅନ୍ୟ କୌଣସି ଦେଶ ଉପରେ ଆକ୍ରମଣ କରିନାହିଁ । ଆମେ ଏକ ଅନାବଶ୍ୟକ ଯୁଦ୍ଧର ଶିକାର ଅଟୁ । ଯେହେତୁ ତୁମର ପ୍ରଧାନମନ୍ତ୍ରୀ କହିଛନ୍ତି ଏହା ଯୁଦ୍ଧର ଯୁଗ ନୁହେଁ ଏବଂ ଆମେ ଏହାକୁ ସମ୍ପୂର୍ଣ୍ଣ ସମର୍ଥନ କରୁଛୁ । କିନ୍ତୁ ଦୁର୍ଭାଗ୍ୟବଶତଃ ଆମକୁ ଏକ ଆକ୍ରମଣାତ୍ମକ ଦେଶ ଘେରି ରହିଛି ।
ଇମିନ୍ ଜାପାରୋଭା ଏହା ମଧ୍ୟ କହିଛନ୍ତି ଯେ ଆମେ ଭାରତକୁ ଏହାର ଅର୍ଥନୈତିକ ସମ୍ପର୍କ ବିଷୟରେ କୌଣସି ପ୍ରକାରେ ନିର୍ଦ୍ଦେଶ ଦେଇ ପାରିବୁ ନାହିଁ । ଆମେ ଅନୁଭବ କରୁଛୁ ଯେ ଭାରତ କେବଳ ଶକ୍ତି କ୍ଷେତ୍ରରେ ନୁହେଁ ବରଂ ଏହାର ସାମରିକ କ୍ଷେତ୍ରରେ ମଧ୍ୟ ଏହାର ଉତ୍ସକୁ ବିବିଧ କରିବା ଉଚିତ୍ ।