ମେଲବର୍ଣ୍ଣ ଟେଷ୍ଟରେ ବଢ଼ିଲା ଭାରତର ସମସ୍ୟା, ୧୬୪ ରନ୍ରେ ପଡ଼ିଲା ୫ ୱିକେଟ୍
ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ ବକ୍ସିଂ ଡେ ଟେଷ୍ଟର ଦ୍ୱିତୀୟ ଦିନଖେଳ ଶେଷ ସୁଦ୍ଧା ଭାରତ ପ୍ରଥମ ଇନିଂସରେ ୫ ୱିକେଟ୍ ହରାଇ ୧୬୪ ରନ୍ କରିଛି। ଋଷଭ ପନ୍ତ ୬ ଓ ରବୀନ୍ଦ୍ର ଜାଡେଜା ୪ ରନ୍ କରି ଅପରାଜିତ ଅଛନ୍ତି।
ଏହା ପୂର୍ବରୁ ଅଷ୍ଟ୍ରେଲିଆ ଦଳ ୪୭୪ ରନ୍ କରି ଆଉଟ୍ ହୋଇଥିଲା। ଅଷ୍ଟ୍ରେଲିଆ ପକ୍ଷରୁ ଷ୍ଟିଭେନ୍ ସ୍ମିଥ୍ ୧୪୦ ରନ୍ କରିଥିଲେ। ଭାରତ ପକ୍ଷରୁ ଯଶପ୍ରୀତ ବୁମ୍ରା ୪ଟି ଓ ରବୀନ୍ଦ୍ର ଜାଡେଜା ୩ଟି ୱିକେଟ୍ ନେଇଥିଲେ।
ପ୍ରଥମ ଇନିଂସ ଆଧାରରେ ଭାରତୀୟ ଦଳ ଏବେ ବି ଅଷ୍ଟ୍ରେଲିଆଠାରୁ ୩୧୦ ରନ୍ ପଛରେ ରହିଛି। ଅଷ୍ଟ୍ରେଲିଆର ୪୭୪ ରନ୍ ଜବାବରେ ଭାରତ ବହୁତ ଖରାପ ଆରମ୍ଭ କରିଥିଲା।
ମାତ୍ର ୩ ରନ୍ କରି ସେ ଆଉଟ୍ ହୋଇଥିଲେ। କେଏଲ ରାହୁଲ ଓ ଯଶସ୍ୱୀ ଜୟସ୍ୱାଲ ଭାରତୀୟ ଇନିଂସକୁ ସମ୍ଭାଳିଥିଲେ। କିନ୍ତୁ ରାହୁଲ ୨୪ ରନ୍ କରି ଆଉଟ୍ ହୋଇଥିଲେ। ଏହାପରେ ବିରାଟ କୋହଲି ଓ ଯଶସ୍ୱୀ ଜୟସ୍ୱାଲ ଭଲ ବ୍ୟାଟିଂ କରିଥିଲେ।
ସେ ଭାରତର ସ୍କୋରକୁ ୧୫୩ରେ ପହଞ୍ଚାଇଥିଲେ। ଉଭୟଙ୍କ ମଧ୍ୟରେ ୧୦୨ ରନର ଭାଗିଦାରୀ ହୋଇଥିଲା। କିନ୍ତୁ ଯଶସ୍ୱୀ ଜୟସ୍ୱାଲଙ୍କ ଦୁର୍ଭାଗ୍ୟଜନକ ରନ୍ ଆଉଟ୍ ପରେ ଭାରତ ପୁଣି ଥରେ ଅସୁବିଧାରେ ପଡ଼ିଥିଲା।
ଯଶସ୍ୱୀ ଜୟସ୍ୱାଲ ୮୨ ରନ୍ କରିଥିଲେ। ଏହାପରେ ବିରାଟ କୋହଲି ମଧ୍ୟ ୩୬ ରନ୍ କରି ଆଉଟ୍ ହୋଇଥିଲେ। ତେବେ ଆକାଶ ଦୀପ ଖାତା ମଧ୍ୟ ଖୋଲି ପାରିନଥିଲେ।
ମେଲବର୍ଣ୍ଣରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ସିରିଜର ଚତୁର୍ଥ ଟେଷ୍ଟ ମ୍ୟାଚ୍ ଖେଳାଯାଉଛି। ଏହି ଶୃଙ୍ଖଳାରେ ଉଭୟ ଦଳ ଗୋଟିଏ ଲେଖାଏଁ ଟେଷ୍ଟ ଜିତିଥିବା ବେଳେ ଗୋଟିଏ ଟେଷ୍ଟ୍ ଡ୍ରରେ ଶେଷ ହୋଇଛି।
