‘ଦୁଃଖ ସମୟରେ ଇରାନ ସହ ଅଛି ଭାରତ’, ରାଷ୍ଟ୍ରପତି ଇବ୍ରାହିମ ରଇସିଙ୍କ ପରଲୋକରେ ଶୋକ ପ୍ରକାଶ କଲେ ପ୍ରଧାନମନ୍ତ୍ରୀ ମୋଦୀ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇରାନର ରାଷ୍ଟ୍ରପତି ଇବ୍ରାହିମ ରଇସିଙ୍କ ପରଲୋକରେ ଶୋକ ପ୍ରକାଶ କରିଛନ୍ତି । ଇବ୍ରାହିମ ରଇସିଙ୍କ ହେଲିକପ୍ଟର ରବିବାର ଦିନ କ୍ରାସ ହୋଇଥିଲା । ଏହି ଦୁର୍ଘଟଣାରେ ତାଙ୍କର ପ୍ରାଣହାନି ଘଟିଛି ।
ପ୍ରଧାନମନ୍ତ୍ରୀ ମୋଦୀ ସୋସିଆଲ ମିଡିଆ ପୋଷ୍ଟ ଏକ୍ସରେ ଲେଖିଛନ୍ତି ଯେ, ‘ଇସଲାମିକ ରିପବ୍ଲିକ ଅଫ୍ ଇରାନର ରାଷ୍ଟପତି ଡା.ସୟଦ ଇବ୍ରାହିମ ରାଇସିଙ୍କ ଦୁଃଖଦ ପରଲୋକରେ ଗଭୀର ଦୁଃଖ ଏବଂ ସେ ଏହି ଖବର ଶୁଣି ଚକିତ ହୋଇଛନ୍ତି । ଭାରତ-ଇରାନ ଦ୍ୱିପାକ୍ଷିକ ସଂପର୍କକୁ ମଜବୁତ କରିବାରେ ତାଙ୍କର ଅବଦାନ ସର୍ବଦା ସ୍ମରଣୀୟ ରହିବ । ତାଙ୍କ ପରିବାର ଏବଂ ଇରାନବାସୀଙ୍କୁ ମୋର ହୃଦୟରୁ ସମବେଦନା । ଦୁଃଖର ଏହି ସମୟରେ ଭାରତ ଇରାନ ସହ ଛିଡା ହୋଇଛି ।’
Deeply saddened and shocked by the tragic demise of Dr. Seyed Ebrahim Raisi, President of the Islamic Republic of Iran. His contribution to strengthening India-Iran bilateral relationship will always be remembered. My heartfelt condolences to his family and the people of Iran.…
— Narendra Modi (@narendramodi) May 20, 2024
