ମହିଳା ଆଙ୍କର ଖବର ପଢ଼ୁିଥିବା ବେଳେ ଷ୍ଟୁଡିଓ ଉପରେ ଆଟାକ୍, ଚେୟାର ଛାଡି ଭୟରେ ଦୌଡିଲେ.. ଭାଇରାଲ ହେଉଛି Video
ଇରାନ-ଇସ୍ରାଏଲ ମଧ୍ୟରେ ଘମାଘୋଟ ଯୁଦ୍ଧ । ନ୍ୟୁଜ ଷ୍ଟୁଡିଓ ଉପରେ ହେଲା ମିଜାଇଲ ମାଡ଼ ।
ନୂଆଦିଲ୍ଲୀ: ଇରାନ ଏବଂ ଇସ୍ରାଏଲ ମଧ୍ୟରେ ବିବାଦ ଶେଷ ହେଉନାହିଁ । ଇସ୍ରାଏଲ ପୁଣି ଥରେ ଇରାନ ଉପରେ ଆକ୍ରମଣ କରିଛି । ତେହେରାନରେ ଏକ ସିଧା ପ୍ରସାରଣ ସମୟରେ ଇସ୍ରାଏଲୀ ଲଢ଼ୁଆ ବିମାନ ସରକାରୀ ଟେଲିଭିଜନ ମୁଖ୍ୟାଳୟ ଉପରେ ବୋମା ପକାଇଥିଲା। ଏହି ଘଟଣାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି ।
ମହିଳା ଆଙ୍କର ଖବର ରିପୋର୍ଟ କରୁଥିବା ସମୟରେ ହଠାତ୍ ଏକ ବଡ଼ ବିସ୍ଫୋରଣ ହୁଏ ଏବଂ ସେ ଖସି ପଳାଇ ଯାଉଥିବା ଦେଖାଯାଏ । ଏହା ସହିତ, କେନ୍ଦ୍ରୀୟ ଇରାନର ଅନେକ ସ୍ଥାନରେ ବୋମା ମାଡ଼ କରାଯାଇଛି ।
ଇରାନ ଅଭିଯୋଗ କରିଛି ଯେ ଇସ୍ରାଏଲ ଉତ୍ତର-ପୂର୍ବ ଇରାନରେ ଆବାସିକ କୋଠାଗୁଡ଼ିକୁ ଟାର୍ଗେଟ କରି ଏକ ବଡ଼ ଆକ୍ରମଣ କରିଛି । ସେମାନେ ଏହା ମଧ୍ୟ ଦାବି କରିଛନ୍ତି ଯେ ଇସ୍ରାଏଲୀ ଆକ୍ରମଣରେ ଏପର୍ଯ୍ୟନ୍ତ 224 ଜଣ ସାଧାରଣ ନାଗରିକଙ୍କ ମୃତ୍ୟୁ ହୋଇଛି ଏବଂ ଶହ ଶହ ଆହତ ହୋଇଛନ୍ତି ।
ଇରାନର ପରିସ୍ଥିତି ଖରାପ ହେବା ପରେ, ପର୍ତ୍ତୁଗାଲ, ଫିଲିପାଇନ୍ସ, ଫିନଲ୍ୟାଣ୍ଡ ଏବଂ ଅନ୍ୟାନ୍ୟ ଦେଶର ଲୋକମାନେ ଆସ୍ତାରା ସୀମା ଦେଇ ଆଜରବୈଜାନର ରାଜଧାନୀ ବାକୁରେ ପହଞ୍ଚିବା ଆରମ୍ଭ କରିଛନ୍ତି । ଯାହାଫଳରେ ସେମାନେ ସେଠାରୁ ଏକ ବିମାନ ନେଇ ନିଜ ଦେଶରେ ପହଞ୍ଚିପାରିବେ।
ଅନ୍ୟପକ୍ଷରେ, ଇସ୍ରାଏଲ ଦାବି କରିଛି ଯେ ଏହା ଇରାନର ଅନେକ ସ୍ଥାନରେ ବଡ଼ ଧରଣର ବୋମାମାଡ଼ କରିଛି । ଭୂମିରୁ ଭୂମିକୁ ନିକ୍ଷେପ କରାଯାଉଥିବା କ୍ଷେପଣାସ୍ତ୍ରର ଏକ ତୃତୀୟାଂଶ ନଷ୍ଟ କରାଯାଇଛି ।
Calling for annihilation? Got a real-time demo instead.
Iran’s state TV HQ bombed mid-broadcast by the Israeli Air Force.
— The Analyzer (News Updates🗞️) (@Indian_Analyzer) June 16, 2025