ଟି -୨୦ ବିଶ୍ୱକପରୁ ଆନୁଷ୍ଠାନିକ ଭାବେ ବାଦ୍ ପଡିଲେ ଜସପ୍ରୀତ ବୁମ୍ରା
ମୁମ୍ବାଇ: ଅଷ୍ଟ୍ରେଲିଆରେ ହେବାକୁ ଥିବା ଆଇସିସି ଟି -୨୦ ବିଶ୍ୱକପରୁ ସୋମବାର ଜସପ୍ରୀତ ବୁମ୍ରାଙ୍କୁ ଆନୁଷ୍ଠାନିକ ଭାବେ ବାଦ୍ ଦିଆଯାଇଛି। ବିସିସିଆଇ ଏକ ପ୍ରେସ ବିଜ୍ଞପ୍ତି ମାଧ୍ୟମରେ ଏନେଇ ସୂଚନା ଦେଇଛି। ପିଠିରେ ଆଘାତ ଲାଗିଥିବାରୁ ଦକ୍ଷିଣ ଆଫ୍ରିକା ବିପକ୍ଷରେ ଚାଲିଥିବା ଟି-୨୦ ସିରିଜରୁ ବୁମରାଙ୍କୁ ବାଦ ଦିଆଯାଇଥିଲା। ଏସିଆ କପ୍ ରୁ ବାଦ ପଡିବା ପରେ ବୁମ୍ରା ଗତ ମାସରେ ଅଷ୍ଟ୍ରେଲିଆ ବିପକ୍ଷରେ ଦୁଇଟି ଟି-ଟ୍ୱେଣ୍ଟି ଖେଳିଥିଲେ। ତେବେ ଟି-୨୦ ବିଶ୍ୱକପ ପାଇଁ ଖୁବ ଶୀଘ୍ର ତାଙ୍କ ବଦଳରେ ଆଉ ଜଣେ ଖେଳାଳିଙ୍କ ନାମ ଘୋଷଣା କରାଯିବ ବୋଲି ବିସିସିଆଇ ସୂଚନା ଦେଇଛି।
ସୂଚନାଯୋଗ୍ୟ “ବିସିସିଆଇ ମେଡିକାଲ ଟିମ୍ ଇଣ୍ଡିଆ ଫାଷ୍ଟ ବୋଲର ଜସପ୍ରୀତ ବୁମ୍ରାଙ୍କୁ ଆଇସିସି ପୁରୁଷ ଟି -୨୦ ବିଶ୍ୱକପ ଦଳରୁ ବାଦ୍ ଦେଇଛି। ବିସ୍ତୃତ ମୂଲ୍ୟାଙ୍କନ ପରେ ଏବଂ ବିଶେଷଜ୍ଞଙ୍କ ପରାମର୍ଶ କ୍ରମେ ଏହି ନିଷ୍ପତ୍ତି ନିଆଯାଇଛି।
NEWS – Jasprit Bumrah ruled out of ICC Men’s T20 World Cup 2022.
More details here – https://t.co/H1Stfs3YuE #TeamIndia
— BCCI (@BCCI) October 3, 2022
ଭାରତ ଟି-୨୦ ବିଶ୍ୱକପ୍ ୨୦୨୨ ପ୍ରଥମ ମ୍ୟାଚ୍ ରେ ପାରମ୍ପାରିକ ପ୍ରତିନ୍ଦ୍ୱନ୍ଦୀ ପାକିସ୍ତାନକୁ ଅକ୍ଟୋବର ୨୩ ତାରିଖରେ ଭେଟିବ। ଦୁଇ ଦଳ ଗତବର୍ଷ ମଧ୍ୟ ଟି-୨୦ ବିଶ୍ୱକପ୍ ରେ ମୁହାଁମୁହିଁ ହୋଇଥିଲେ। ଏହି ମ୍ୟାଚ୍ ରେ ପାକିସ୍ତାନ ଭାରତକୁ ୧୦ ଉଇକେଟ୍ ରେ ହରାଇ ବଡ଼ ବିଜୟ ହାସଲ କରିଥିଲା। ତେବେ ଚଳିତ ବିଶ୍ୱକପ୍ ରୁ ବୁମ୍ରା ବାଦ୍ ପଡ଼ିବା ଭାରତ ପାଇଁ ବଡ଼ ଝଟକା ହୋଇପାରେ।
