‘ଚୁପ ରୁହନ୍ତୁ, ଏବେ କୋର୍ଟ ଛାଡ଼ି ଚାଲିଯାଆନ୍ତୁ’: ଯେତେବେଳେ ଓକିଲଙ୍କ ଉପରେ କ୍ରୋଧ ହରାଇ ବସିଲେ ଡି.ୱାୟୀ. ଚନ୍ଦ୍ରଚୂଡ଼
ନୂଆଦିଲ୍ଲୀ: ଭାରତର ପ୍ରଧାନ ବିଚାରପତି ଡକ୍ଟର ଡି.ଚନ୍ଦ୍ରଚନ୍ଦ୍ର ଏବଂ ସୁପ୍ରିମକୋର୍ଟ ବାର ଆସୋସିଏସନ (ଏସସିବିଏ) ସଭାପତି ସିନିୟର ଆଡଭୋକେଟ ବିକାଶ ସିଂଙ୍କ ମଧ୍ୟରେ ଗୁରୁବାର ତିବ୍ର ଯୁକ୍ତିତର୍କ ହୋଇଛି। ପ୍ରଧାନ ବିଚାରପତି ଆଜି କୋର୍ଟରେ ନିଜର କ୍ରୋଧ ହରାଇ ସିନିୟର ଆଡଭୋକେଟ୍ ବିକାଶ ସିଂଙ୍କୁ ଏକ ପିଟିସନ୍ରେ ଆପତ୍ତିଜନକ ଶବ୍ଦ ପାଇଁ କୋର୍ଟ ଛାଡିବାକୁ କହିଥିଲେ ।
ଏହି ସମୟରେ ସ୍ଥିତି ଏତେ ଆଗକୁ ଚାଲିଯାଇଥିଲା ଯେ, ମୁଖ୍ୟ ବିଚାରପତି ଆଡଭୋକେଟ୍ ବିକାଶ ସିଂହଙ୍କୁ ଜୋରରେ ପାଟି କରି କହିଥିଲେ, ”ଚୁପ ରୁହନ୍ତୁ, ଏବେ କୋର୍ଟରୁ ବାହାରକୁ ଚାଲିଯାଆନ୍ତୁ’। ଆପଣ ଆମକୁ ଡରାଇ ପାରିବେ ନାହିଁ। ଚାମ୍ବରସ୍ ବ୍ଲକର ଓକିଲମାନଙ୍କ ପାଇଁ ସୁପ୍ରିମକୋର୍ଟଙ୍କୁ ଦିଆଯାଇଥିବା ୧.୩୩ ଏକର ଜମିର ରୂପାନ୍ତର ପାଇଁ ଦାଖଲ ହୋଇଥିବା ଏକ ପିଟିସନ ଉପରେ ଏହି ବିତର୍କ ହୋଇଥିଲା।”
ସୂଚନାଯୋଗ୍ୟ, ଅନେକ ଦିନ ଧରି ଏହି ମାମଲା ବିଚାର ପାଇଁ ପଡ଼ି ରହିଛି । ବିକାଶ ସିଂହ ଯେତେବେଳେ ଏହି ମାମଲାକୁ ତତ୍କାଳ ଶୁଣାଣି କରିବାକୁ ଦାବି କରିଥିଲେ ଏବଂ ଏଥିପାଇଁ ଅନୁମତି ମିଳି ନଥିଲା, ସେ ସିଧାସଳଖ ମୁଖ୍ୟବିଚାରପତିଙ୍କ ସହିତ ଯୁକ୍ତିତର୍କ କରିଥିଲେ । ସେ କହିଥିଲେ ଯେ, ସେ ଏହି ମାମଲାକୁ ବିଚାରପତିଙ୍କ ନିକଟକୁ ନେବାକୁ ଚାହୁଁନାହାଁନ୍ତି । ଏହାପରେ ମୁଖ୍ୟ ବିଚାରପତି ସିଂଙ୍କୁ ତାଗିଦ୍ କରି କହିଥିଲେ, ‘ଏହା ଆଚରଣ କରିବାର ଉପାୟ କି? ମୋତେ ଏହିପରି ଭୟଭୀତ କରାଯିବ ନାହିଁ । ବସି ଯାଆନ୍ତୁ ।’ ତେବେ ସିଂ ଏହି ପ୍ରସଙ୍ଗରେ ନିଜର ଦୃଢ଼ ଭାବନା ପ୍ରକାଶ କରି କହିଛନ୍ତି ଯେ ‘ଚାମ୍ବରଗୁଡିକ ଆବଣ୍ଟନ ପାଇଁ ଓକିଲମାନେ ୨୦ ବର୍ଷ ଅପେକ୍ଷା କରିଛନ୍ତି ଏବଂ ବାରମ୍ବାର ଉଲ୍ଲେଖ ସତ୍ତ୍ୱେ କୋର୍ଟ ଏହାକୁ ତାଲିକାଭୁକ୍ତ କରିନାହାଁନ୍ତି।’
ଏହାପରେ ମୁଖ୍ୟବିଚାରପତି କହିଥିଲେ ଯେ, ‘ଦୟାକରି ସ୍ୱର ଉତ୍ତୋଳନ କରନ୍ତୁ ନାହିଁ । ବାର୍ର ସଭାପତି ଭାବରେ ଏହା ବ୍ୟବହାର କରିବା ଗ୍ରହଣିୟ ନୁହେଁ । ଆପଣ ସୁପ୍ରିମକୋର୍ଟଙ୍କୁ ଆବଣ୍ଟିତ ଜମି ବାରକୁ ଦେବାକୁ କହୁଛନ୍ତି । ମୁଁ ମୋର ନିଷ୍ପତ୍ତି ନେଇଛି । ଏ ସଂକ୍ରାନ୍ତରେ ୧୭ତାରିଖରେ ନିଷ୍ପତି ନିଆଯିବ ଏବଂ ଏହା ପ୍ରଥମେ ବୋର୍ଡରେ ରହିବ ନାହିଁ । ଏହାର ପାଲଟା ଜବାବରେ’ ସିଂଙ୍କୁ କହିଥିଲେ ‘କେବଳ ଯେହେତୁ ବାର୍ କିଛି କରେ ନାହିଁ ଏହାର ଅର୍ଥ ନୁହେଁ ଯେ ଏହାକୁ ହାଲୁକା ଭାବେ ଗ୍ରହଣ କରାଯିବା ଉଚିତ୍ । ମୁଁ ଏହାକୁ ଦୃଢତା ସହିତ ଅନୁଭବ କରୁଛି । ୨୦ ବର୍ଷ ଧରି ଓକିଲମାନେ ଚାମ୍ବର ଆବଣ୍ଟନ କରିବାକୁ ଅପେକ୍ଷା କରି ରହିଛନ୍ତି ।’
ତେବେ ଏହି ଯୁକ୍ତିତର୍କ ଏତିକିରେ ଅଟକି ନଥିଲା । ବିକାସ ସିଂହଙ୍କର ଜବାବରେ ମୁଖ୍ୟବିଚାରପତି କହିଥିଲେ, ‘ମିଷ୍ଟର ସିଂ, ମୁଁ ଭାରତର ପ୍ରଧାନ ବିଚାରପତି । ମୁଁ ଦୀର୍ଘ ଦିନ ଧରି ବେଞ୍ଚରେ ରହିଆସିଛି । ବାର୍ ସଦସ୍ୟଙ୍କ ଦ୍ୱାରା ମୁଁ ନିଜକୁ କେବେ ବି ଅସହଜ କରିବାକୁ ଦେଇ ନାହିଁ । ମୁଁ ଏହାକୁ ଅନୁମତି ଦେବି ନାହିଁ । ମୋର କାର୍ଯ୍ୟକାଳର ଶେଷ ୨ ବର୍ଷରେ ଘଟିବାକୁ ଯାଉଛି । ତୁମେ ଜଣେ ସାଧାରଣ ଅଭିଯୋଗକାରୀ ଭାବରେ ଆଚରଣ କରିବା ଉଚିତ୍ । ଦୟାକରି ତୁମେ ଚାହୁଁନଥିବା କିଛି କରିବାକୁ ମୋ ହାତକୁ ବାଧ୍ୟ କର ନାହିଁ ।’ ପରେ ଏହି ଘଟଣାରେ ସିନିଅର ଆଡଭୋକେଟ୍ କପିଲ ସିବଲ ବାର୍ ପକ୍ଷରୁ ଏହି ବଷୟରେ କ୍ଷମା ମାଗିଥିଲେ । ଏବଂ କହିଥିଲେ, ଆଜି ସକାଳେ ଯାହା କିଛି ଘଟିଥିଲା ସେଥିପାଇଁ ମୁଁ ଦୁଃଖିତ।
