ଚମତ୍କାର! କେରଳର ଛାତ୍ର ତିଆରି କଲେ AI ଡିଭାଇସ୍, କଥା ଶୁଣି ଫଟାଫଟ ପେପରରେ ଲେଖିଦିଏ Talk To Write ଟୁଲ୍ସ

ନୂଆଦିଲ୍ଲୀ: କେରଳର ଜଣେ ଇଲେକ୍ଟ୍ରୋନିକ୍ସ ଇଞ୍ଜିନିୟରିଂ ଛାତ୍ର ଏକ AI ଟୁଲ୍ସ ବିକଶିତ କରିଛନ୍ତି । ଏହାର ନାମ ଟକ୍ ଟୁ ରାଇଟ୍ ରଖାଯାଇଛି । ସେ Ente Keralam Expo 2025 ସମୟରେ ଏହି ଉପକରଣକୁ ପ୍ରଦର୍ଶନ କରିଛନ୍ତି । ଏହି AI ଉପକରଣ ଯେକୌଣସି ଭଏସ୍ ନୋଟକୁ ହାତଲେଖା ନୋଟରେ ପରିଣତ କରେ । ଏଥିପାଇଁ, ଏହି AI ଉପକରଣ Raspberry Pi ଏବଂ Arduino ବ୍ୟବହାର କରେ । ଛାତ୍ରଙ୍କ ଏହି ଆକର୍ଷଣୀୟ ଉଦ୍ଭାବନର ଭିଡିଓ ଚାରିଆଡ଼େ ଭାଇରାଲ ହେଉଛି ।

ଟକ୍ ଟୁ ରାଇଟ୍ କ’ଣ- ଏହି ଟୁଲ୍ସ ଅକ୍ଷମ ଛାତ୍ର ଏବଂ ବୃତ୍ତିଗତଙ୍କ ପାଇଁ ଏକ ସ୍ମାର୍ଟ ସମାଧାନଠାରୁ କମ୍ ନୁହେଁ । ଏହା ଏକ ଡିଜିଟାଲ୍ ରାଇଟର୍ ପରି କାମ କରିବ ଏବଂ ଭାଷଣକୁ ପାଠ୍ୟରେ ପରିଣତ କରିବ । ଏହି ଡିଭାଇସରେ ଏକ CNC ପେନ୍ ପ୍ଲଟର ଅଛି, ଯାହା A4 କାଗଜରେ କଥିତ ଶବ୍ଦଗୁଡ଼ିକୁ ଲେଖେ । ଏହି ଡିଭାଇସ୍ ପାଇଥନ୍ ଏବଂ GRBL ଦ୍ୱାରା ପରିଚାଳିତ । ଏଥିରେ, ଛାତ୍ର ଭଏସ୍ ଟେକ୍ ଏବଂ ରୋବୋଟିକ୍ସ ବ୍ୟବହାର କରିଛନ୍ତି, ଯାହା ଲେଖା ପ୍ରକ୍ରିୟାକୁ ସହଜ କରିଥାଏ ।

ଏହି AI ଉପକରଣ ତିଆରି କରିଥିବା ଛାତ୍ର ଅଜୟ ଏଚ୍, ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ଏହି ପୋଷ୍ଟରେ ସେ ଲେଖିଛନ୍ତି ଯେ ସେ ଏଣ୍ଟେ କେରଲମ୍ ଏକ୍ସପୋ 2025 ରେ ତାଙ୍କର ପ୍ରକଳ୍ପ ପ୍ରଦର୍ଶନ କରି ବହୁତ ଗର୍ବିତ ।

ତାଙ୍କ ଶିକ୍ଷାଗତ ପ୍ରୋଜେକ୍ଟ ଟକ୍ ଟୁ ରାଇଟ୍ ଟୁଲ୍ ବିଷୟରେ କଥା ହୋଇ ଅଜୟ କହିଛନ୍ତି ଯେ ,ଏହା ଏକ AI-ଚାଳିତ ଭଏସ୍-ଟୁ-ପେନ୍ ସିଷ୍ଟମ୍ ଯାହା CNC ପେନ୍ ପ୍ଲଟର ସାହାଯ୍ୟରେ କଥିତ ଶବ୍ଦଗୁଡ଼ିକୁ ହାତଲେଖା ଲେଖାରେ ରୂପାନ୍ତରିତ କରେ। ଏହି ଡିଭାଇସ୍ Raspberry Pi, Arduino (GRBL) ଏବଂ Python ସାହାଯ୍ୟରେ ବିକଶିତ ହୋଇଛି ।

ଆମେ ଭିନ୍ନକ୍ଷମମାନଙ୍କୁ ସାହାଯ୍ୟ କରିବା ପାଇଁ ଏହି ଟୁଲ୍ ତିଆରି କରିଛୁ, ଯାହା ସେମାନଙ୍କ ପାଇଁ ଡିଜିଟାଲ୍ ରାଇଟର୍ ଭାବରେ କାମ କରିବ । ଏହି ଟୁଲ୍ ଆପଣ ଯାହା କୁହନ୍ତି ତାହା A4 ପେପର୍ ରେ ଲାଇନ-ବାଇ-ଲାଇନ୍ ଲେଖୁଛି । ଏହି ପୋଷ୍ଟରେ, ଅଜୟ ଅପର୍ଣ୍ଣା ହରି, ରୁବାକ ହରି ନାୟାର, ଆକାଶ ଜି ନାୟାରଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି, ଯେଉଁମାନେ ଏହି ପ୍ରୋଜେକ୍ଟ ତିଆରି କରିଥିବା ଦଳର ଅଂଶ ଥିଲେ ।