ଇତିହାସ ରଚିଲା KGF Chapter-2: ବକ୍ସ ଅଫିସ୍ କଲେକ୍ସନ ୧୧ ଶହ କୋଟି ଟପିଲା

ନୂଆଦିଲ୍ଲୀ: ସାଉଥ୍ ସୁପରଷ୍ଟାର ୟଶଙ୍କ ଅଭିନୀତ ‘କେଜିଏଫ ଚାପ୍ଟର ୨’ ବକ୍ସ ଅଫିସରେ ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗିବାରେ ଲାଗିଛି । ତେବେ ବର୍ତ୍ତମାନ ଫିଲ୍ମର ୱାର୍ଲ୍ଡ ୱାଇଡ୍ କଲେକ୍ସନ ରିପୋର୍ଟ ସାମ୍ନାକୁ ଆସିଛି । ରେକର୍ଡ ମାମଲାରେ କେଜିଏଫ-୨ ଅନେକ ବଡ଼ ବଡ଼ ଫିଲ୍ମକୁ ଧୂଳି ଚଟାଇ ଦେଇଛି ।

ରିପୋର୍ଟରୁ ଜଣାପଡ଼ିଛି ଯେ, କେଜିଏଫ-୨ ସାରା ଦୁନିଆରେ ୧୧୦୪.୭୩ କୋଟିରୁ ଅଧିକ ଆୟ କରିଛି । ଫିଲ୍ମଟି ପ୍ରଥମ ସପ୍ତାହରେ ୭୨୦, ଦ୍ୱିତୀୟ ଦପ୍ତାହରେ ୨୨୩, ତୃତୀୟ ସପ୍ତାହରେ ୧୪୦ କୋଟି ଆୟ କରିଥିବା ବେଳେ ଚତୁର୍ଥ ସପ୍ତାହ ସମାପ୍ତ ପୂର୍ବରୁ ଏହି ମାଇଲଖୁଣ୍ଟ ଅତିକ୍ରମ କରିଛି । ତେବେ ଚତୁର୍ଥ ଭାରତୀୟ ସିନେମା ଭାବେ କେଜିଏଫ-୨ ଏହି ପ୍ରେଷ୍ଟିଜିଅସ୍ କ୍ଲବରେ ସାମିଲ ହୋଇଛି ।

ସେହିପରି କେଜିଏଫ-୨ର ହିନ୍ଦୀ ସଂସ୍କରଣ ୪୦୦ କୋଟିରୁ ଅଧିକ ଇନକମ୍ କରିଛି । ସୁପରଷ୍ଟାର ପ୍ରଭାସଙ୍କ ‘ବାହୁବଲୀ ୨’ ପରେ କେଜିଏଫ-୨ ଦ୍ୱିତୀୟ ଫିଲ୍ମ ଭାବେ ଏହି ବିରଳ ସଫଳତା ହାସଲ କରିଛି । ଖୁବଶୀଘ୍ର କେଜିଏଫ-୨ ଓଟିଟି ପ୍ଲାଟଫର୍ମରେ ରିଲିଜ୍ ହେବାକୁ ଯାଉଛି । ଏହି ଫିଲ୍ମର ନିର୍ମାତା ଓଟିଟି ରାଇଟସକୁ ୩୨୦ କୋଟିରେ ବିକ୍ରି କରିଛନ୍ତି । ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ଫିଲ୍ମଟି କନ୍ନଡ଼, ତାମିଲ, ତେଲୁଗୁ, ମାଲାୟାଲମ ଓ ହିନ୍ଦି ଭାଷାରେ ଆସନ୍ତା ୨୭ ତାରିଖରେ ରିଲିଜ୍ ହେବ ।