ଏହି କାରଣ ପାଇଁ ବିଗିଡିଥିଲା ଖାନ ସାରଙ୍କ ସ୍ୱାସ୍ଥ୍ୟ, ଜାଣନ୍ତୁ ଡିଟେଲ୍ସ
ନୂଆଦିଲ୍ଲୀ: ପାଟନାର ବହୁଚର୍ଚ୍ଚିତ ଖାନ ସାରଙ୍କର ଅଚାନକ ସ୍ୱାସ୍ଥ୍ୟ ଖରାପ ହେବା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। ସ୍ୱାସ୍ଥ୍ୟବସ୍ଥା ବିଗିଡିବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ସେ ଛାତ୍ରମାନଙ୍କ ସମର୍ଥନରେ ପ୍ରଦର୍ଶନ କରିବା ସମୟରେ ଏହି ଘଟଣା ଘଟିଥିବା ଜଣାପଡିଛି। ଏହି ସମୟରେ ଖାନ ସାରଙ୍କୁ ଡିହାଇଡ୍ରେସନ ଏବଂ ଜ୍ୱର ଆସିଥିଲା, ଯାହାପରେ ତାଙ୍କୁ ପାଟନାର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା। ଡାକ୍ତରଙ୍କ କହିବାନୁଯାୟୀ, ଡିହାଇଡ୍ରେସନ ଯୋଗୁଁ ତାଙ୍କ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପଡିଥିଲା।
ପାଣିର ଅଭାବ ଅର୍ଥାତ ଡିହାଇଡ୍ରେସନରେ ରକ୍ତ ମୋଟା ହୋଇଯାଇଥାଏ, ଯାହା ଦ୍ୱାରା ରକ୍ତ ସଞ୍ଚାଳନ ବିଗିଡିଯାଏ ଏବଂ ହାର୍ଟ ଉପରେ ମଧ୍ୟ ବ୍ଲଡ୍ ପମ୍ପ କରିବାର ପ୍ରେସର ବଢିଯାଇଥାଏ। ଏଭଳି ପରିସ୍ଥିତିରେ ହାର୍ଟ ଆଟାକ ଏବଂ ଷ୍ଟ୍ରୋକ ଭଳି ଭୟଙ୍କର ରୋଗ ବଢିଯାଇଥାଏ। ପାଣି ନ ପିଇବା କାରଣରୁ ବଡି ଡିହାଇଡ୍ରେସନ ହେବାରେ, ଏହାର ସିଧା ପ୍ରଭାବ ଅନ୍ତନଳୀ ଉପରେ ପଡିଥାଏ, ଯେଉଁଥିରେ କୋଷ୍ଠକାଠିନ୍ୟର ସମସ୍ୟା ଦେଖାଦେଇଥାଏ। ପାଣିର ହ୍ରାସରେ ବଡି ଡିଟକ୍ସ ହୋଇପାରିନଥାଏ, ଯେଉଁଥିରେ ଲିଭର ଖରାପ ହୋଇଯାଏ। ଏତିକି ନୁହେଁ, ଯଦି ଶରୀରରୁ ବିଷାକ୍ତ ପଦାର୍ଥ ବାହାରକୁ ବାହାରେ ନାହିଁ, ତେବେ ଏହା କିଡନୀରେ ଜମି ପଥର ହେବାର ବିପଦ ବଢିଯାଇଥାଏ।
