କୋଲକାତା ଦୁଷ୍କର୍ମ-ହତ୍ୟା ଘଟଣା; ସରିଲା ଧର୍ମଘଟ, ଡ୍ୟୁଟିକୁ ଫେରିବେ ଡାକ୍ତର, ବିକ୍ଷୋଭକାରୀ-ପଶ୍ଚିମବଙ୍ଗ ସରକାରଙ୍କ ମଧ୍ୟରେ ଆଲୋଚନା
କୋଲକାତା: କୋଲକାତାରେ ଜଣେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ନ୍ୟାୟ ଦାବିରେ ଜୁନିୟର ଡାକ୍ତର ଓ ପଶ୍ଚିମବଙ୍ଗ ସରକାରଙ୍କ ମଧ୍ୟରେ ଚାଲିଥିବା ଆଲୋଚନା ସଫଳ ହୋଇଛି । ପଶ୍ଚିମବଙ୍ଗ କନିଷ୍ଠ ଡାକ୍ତର ମୋର୍ଚ୍ଚା ଆସନ୍ତାକାଲି ଧର୍ମଘଟ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛି । ଆନ୍ଦୋଳନରତ କନିଷ୍ଠ ଡାକ୍ତରମାନେ ଶନିବାର (ସେପ୍ଟେମ୍ବର ୨୧) ଠାରୁ କାର୍ଯ୍ୟରେ ଯୋଗ ଦେବେ ।
ଏହି ସମୟ ମଧ୍ୟରେ ଜରୁରୀକାଳୀନ ସେବା ପୁନର୍ବାର ଆରମ୍ଭ ହେବ, କିନ୍ତୁ ଓପିଡି ସେବା ବନ୍ଦ ରହିବ । କୋଲକାତାସ୍ଥିତ ସ୍ୱାସ୍ଥ୍ୟ ଶିକ୍ଷା ମୁଖ୍ୟାଳୟ ସମ୍ମୁଖରେ ଗତକାଲିଠାରୁ ଧାରଣା ପ୍ରତ୍ୟାହାର କରାଯାଇଛି । ଶୁକ୍ରବାର (ସେପ୍ଟେମ୍ବର ୨୦) ଅପରାହ୍ନରେ କନିଷ୍ଠ ଡାକ୍ତରମାନେ ଶାଶ୍ୱତ ଭବନରୁ ସିବିଆଇ ମୁଖ୍ୟାଳୟ ସିଜିଓ କମ୍ପ୍ଲେକ୍ସ ପର୍ଯ୍ୟନ୍ତ ଏକ ପ୍ରତିବାଦ ଶୋଭାଯାତ୍ରା କରିବେ ।