କୋଲକାତା ଦୁଷ୍କର୍ମ-ହତ୍ୟା ଅଭିଯୁକ୍ତର ମନୋବିଶ୍ଲେଷଣ ପ୍ରୋଫାଇଲ୍: ‘ପଶୁପରି ପ୍ରବୃତ୍ତି, ଅନୁତାପ ନାହିଁ, ବିକୃତ ମାନସିକତା’
କୋଲକାତା: କୋଲକାତା ଡାକ୍ତର ଦୁଷ୍କର୍ମ-ହତ୍ୟା ଅଭିଯୁକ୍ତ ସଞ୍ଜୟ ରାୟଙ୍କ ମନୋବିଶ୍ଲେଷଣ ପ୍ରୋଫାଇଲିଂରୁ ଜଣାପଡିଛି ଯେ ସେ ଜଣେ ବିକୃତ ମାନସିକତାର ଲୋକ ଏବଂ ପର୍ଣ୍ଣୋଗ୍ରାଫିରେ ନିଶାଗ୍ରସ୍ତ । ଏହି ବ୍ୟକ୍ତିଙ୍କର ପଶୁପରି ପ୍ରବୃତ୍ତି ରହିଛି ଏବଂ ପଚରାଉଚରା ସମୟରେ ସରକାରୀ ଆରଜି କର ମେଡିକାଲ କଲେଜ ଓ ହସ୍ପିଟାଲରେ ହୋଇଥିବା ନୃଶଂସ ହତ୍ୟାକାଣ୍ଡ ପାଇଁ ସେ କୌଣସି ଅନୁତାପ ଦେଖାଇନାହିଁ ।
ସିବିଆଇ ଅଧିକାରୀ ପିଟିଆଇକୁ କହିଛନ୍ତି ଯେ ସଞ୍ଜୟ ରାୟ ଏହି ଅପରାଧ ପାଇଁ କୌଣସି ଅନୁତାପ ଦେଖାଇନଥିଲା । ଯାହା ଜାତୀୟ ସ୍ତରରେ ଆଲୋଡ଼ନ ସୃଷ୍ଟି କରିଥିଲା । ସେ କୌଣସି ଦ୍ୱିଧା ନ ଦେଖାଇ ପୂରା ଅପରାଧ ତଦନ୍ତକାରୀ ସଂସ୍ଥାକୁ ଜଣାଇଥିଲେ । “ବ୍ୟକ୍ତି ଜଣକ କୌଣସି ଅନୁତାପ ଦେଖାଇନଥିଲେ ଏବଂ ବିନା ଅସୁବିଧାରେ ପ୍ରତି ମିନିଟ୍ ବିବରଣୀ ଦେଇ ପୂରା ଘଟଣା ବର୍ଣ୍ଣନା କରିଥିଲେ ।
ତାଙ୍କର କୌଣସି ଅନୁତାପ ନଥିବା ଜଣାପଡୁଛି ବୋଲି ଅଧିକାରୀ ଜଣକ ଏଜେନ୍ସିକୁ କହିଛନ୍ତି । କୋଲକାତାର ଏହି ଡାକ୍ତର ତାଙ୍କର ୩୬ ଘଣ୍ଟାର ଶିଫ୍ଟ ସମୟରେ ହସ୍ପିଟାଲର ସେମିନାର ହଲରେ ବିଶ୍ରାମ ନେବାକୁ ଯାଇଥିବା ବେଳେ ତାଙ୍କୁ ଆକ୍ରମଣ କରାଯାଇଥିଲା । ଶବ ବ୍ୟବଚ୍ଛେଦ ରିପୋର୍ଟରୁ ଜଣାପଡିଛି ଯେ ତାଙ୍କୁ ଦୁଷ୍କର୍ମ କରାଯିବା ସହ ଗଭୀର ମାଡ଼ ମରାଯାଇଥିଲା । ତାଙ୍କର ୧୬ଟି ବାହ୍ୟ ଓ ୯ଟି ଆଭ୍ୟନ୍ତରୀଣ ଆଘାତ ଥିଲା ଏବଂ ଗଳା କାଟିବା କାରଣରୁ ତାଙ୍କର ମୃତ୍ୟୁ ଘଟିଥିଲା ।