ରାଇମୋହନଙ୍କ ଘରେ ପହଞ୍ଚିଲା ମହିଳା ପୋଲିସ: ମୃତ୍ୟୁ ରହସ୍ୟରୁ ଉଠିବ ପରଦା!
ଭୁବନେଶ୍ୱର: ଓଡିଆ ସିନେ ଜଗତର ବରିଷ୍ଠ ଅଭିନେତା ରାଇମୋହନ ପରିଡାଙ୍କ ମୃତ୍ୟୁ ମାମଲାକୁ ନେଇ ବଢିବାରେ ଲାଗିଛି ଚର୍ଚ୍ଚା । ରାଇମୋହନଙ୍କ ଆତ୍ମହତ୍ୟା ମାମଲା ଉପରୁ ପରଦା ଉଠାଇବା ପାଇଁ ତଦନ୍ତ କାର୍ଯ୍ୟକୁ ଜୋରଦାର କରିଛି ମଞ୍ଚେଶ୍ୱର ପୋଲିସ । ଅନେକ ଲୋକଙ୍କ ଭିନ୍ନ ମତ ଏବଂ କାରଣ ଯୋଗୁଁ ଏବେ ସନ୍ଦେହ ଘେରକୁ ଆସିଛି ରାଇମୋହନଙ୍କ ମୃତ୍ୟୁ ମାମଲା ।
ତେଣୁ ତଦନ୍ତ ପାଇଁ ଆଜି ଅଭିନେତାଙ୍କ ଘରେ ପହଞ୍ଚିଛି ମହିଳା ପୋଲିସ । ମଞ୍ଚେଶ୍ୱର ଥାନା ଅଧୀନସ୍ଥ ପ୍ରାଚୀ ବିହାର ବାସଭବନରେ ମହିଳା ପୋଲିସ ପହଞ୍ଚି ତଦନ୍ତ ଚାଲୁ ରଖିଛି । ୪ ଜଣିଆ ପୋଲିସ ଟିମ ଏହି ତଦନ୍ତରେ ସାମିଲ ହୋଇଛନ୍ତି । ଅଭିନେତାଙ୍କ ମୃତ୍ୟୁ ମାମଲାକୁ ନେଇ ରାଇମୋହନଙ୍କ ପତ୍ନୀ, ଦୁଇ ଝିଅ-ଜ୍ୱାଇଁ ଏବଂ ପୁତୁରାଙ୍କୁ ପଚରାଉଚରା ଜାରି ରଖିଛି ପୋଲିସ । ତେବେ ଘଟଣା ଏବେ କେଉଁ ମୋଡ ନେଉଛି ନା ପୋଲିସକୁ କିଛି ସୁରାଗ ମିଳୁଛଇ ତାହା ଉପରେ ସମସ୍ତଙ୍କ ନଜର ।
