୨୦୩ ଟଙ୍କା ବଢ଼ିଲା ଏଲପିଜି ଦର: ଭାରତରେ ରହିଛି ସ୍ଥିତି
ନୂଆଦିଲ୍ଲୀ: ଭାରତରେ ରୋଷେଇ ଗ୍ୟାସର ଖୁଚୁରା ମୂଲ୍ୟ ଏପ୍ରିଲ୍ ୨୦୨୦ ତୁଳନାରେ ୪୧ ପ୍ରତିଶତ ବୃଦ୍ଧି ପାଇଛି । ଏହାରି ମଧ୍ୟରେ ବିଶ୍ୱ ବଜାରରେ ଏଲପିଜିର ମାନକ ଚୁକ୍ତି ମୂଲ୍ୟ ତିନି ଗୁଣ ବୃଦ୍ଧି ପାଇଛି । ରାଜ୍ୟସଭାରେ ସରକାର ଦେଇଥିବା ସୂଚନା ଅନୁଯାୟୀ, ଏହାରି ମଧ୍ୟରେ ଏଲପିଜିର ବିଶ୍ୱ ବଜାର ପାଇଁ ମାନକ ସାଉଦି ମୂଲ୍ୟ ଜୁଲାଇ ୨୦୨୨ ରେ ଟନ ପିଛା ୭୨୫ ଡଲାରରେ ପହଞ୍ଚିଛି । ଏହା ଅନ୍ତର୍ଜାତୀୟ ବଜାରରେ ଏଲପିଜି ମୂଲ୍ୟରେ ୨୦୩ ପ୍ରତିଶତ ବୃଦ୍ଧି ଦର୍ଶାଉଛି ।
ଏହାରି ମଧ୍ୟରେ ଭାରତରେ ୧୪.୨ କିଲୋଗ୍ରାମ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ୪୧.୫ ପ୍ରତିଶତ ବୃଦ୍ଧି ପାଇଛି । ଏହାର ମୂଲ୍ୟ ୭୪୪ ରୁ ୧,୦୫୩ ଟଙ୍କାକୁ ବୃଦ୍ଧି ପାଇଛି । ଏକ ପ୍ରଶ୍ନର ଲିଖିତ ଉତ୍ତରରେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ହାର୍ଦ୍ଦିକ ପୁରୀ କହିଛନ୍ତି ଯେ, ସରକାର ଏଲପିଜିର ପ୍ରଭାବଶାଳୀ ଘରୋଇ ମୂଲ୍ୟରେ ସଂଶୋଧନ କରିଛନ୍ତି ।
ଉଜ୍ଜ୍ୱଳା ଯୋଜନା ଅଧୀନରେ ଗରିବ ଲୋକଙ୍କୁ ଦିଆଯାଇଥିବା ଏଲପିଜି କନେକ୍ସନରେ ମହାମାରୀ ସମୟରେ ତିନୋଟି ସିଲିଣ୍ଡର ମାଗଣାରେ ଭରାଯାଇଥିଲା । ସେ କହିଛନ୍ତି ଯେ, ଉଜ୍ଜ୍ୱଳା କନେକ୍ସନ ଥିବା ଲୋକଙ୍କ ପାଇଁ ସରକାର ୨୦୦ ଟଙ୍କା ସବସିଡି ଘୋଷଣା କରିଛନ୍ତି । ଚଳିତ ଆର୍ଥିକ ବର୍ଷରେ ୧୨ ଟି ସିଲିଣ୍ଡର ଉପରେ ଏହି ସବସିଡି ଦିଆଯିବ । ପୁରୀ କହିଛନ୍ତି ଯେ, ସରକାର ଉଜ୍ଜ୍ୱଳା ଯୋଜନା ଅଧୀନରେ ୨୦୧୯-୨୦ ଆର୍ଥିକ ବର୍ଷରେ ୩,୭୨୪ କୋଟି, ୨୦୨୦-୨୧ ଆର୍ଥିକ ବର୍ଷରେ ୯,୨୩୫ କୋଟି ଏବଂ ୨୦୨୧-୨୨ ଆର୍ଥିକ ବର୍ଷରେ ୧,୫୬୯ କୋଟି ଟଙ୍କା ଖର୍ଚ୍ଚ କରିଛନ୍ତି ।
