ଭଣ୍ଡ ବାବାଙ୍କ ପର୍ଦ୍ଦାଫାଶ! ଭୂତ ଛଡ଼ାଇବା ବାହାନାରେ ନିଜ ପରିସ୍ରା ପିଆଇ ଜୋତାରେ ପିଟିଲେ

ମହାରାଷ୍ଟ୍ର: ନିଜ ଭକ୍ତମାନଙ୍କୁ ଜୋତାରେ ବାଡେଇ ଜୋରଜବରଦସ୍ତ ନିଜ ପରିସ୍ରା ପିଆଇଲେ ଏହି ଭଣ୍ଡ ବାବା। ମହାରାଷ୍ଟ୍ରର ଛତ୍ରପତି ସମ୍ଭାଜୀ ନଗରରେ ଜଣେ ଭଣ୍ଡ ବାବାଙ୍କ କାରନାମା ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ। ସେ ତାଙ୍କ ଭକ୍ତମାନଙ୍କୁ ଜୋତା ଏବଂ ବାଡ଼ିରେ ପିଟିବା ସହିତ ସେମାନଙ୍କୁ ପରିସ୍ରା ପିଇବାକୁ ଦେଉଥିଲେ।

ମହାରାଷ୍ଟ୍ରର ଛତ୍ରପତି ସମ୍ଭାଜୀନଗର ଜିଲ୍ଲାର ଶିଉର ଗାଁରେ ଜଣେ ଢୋଙ୍ଗୀ ବାବାଙ୍କ ଅମାନବୀୟ କାର୍ଯ୍ୟକଳାପ ସାମ୍ନାକୁ ଆସିବା ପରେ ସମଗ୍ର ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି। ଏହି ‘ବାବା’ ସଞ୍ଜୟ ରଙ୍ଗନାଥ ପଗାର ନିଜ ଭକ୍ତମାନଙ୍କୁ ‘ଭୂତପ୍ରେତ ଦୂର କରିବା’ ନାଁରେ ଜୋତା ଓ ବାଡ଼ିରେ ପିଟୁଥିଲେ, ତା ସହିତ ନିଜ ପରିସ୍ରା ମଧ୍ୟ ବାଧ୍ୟ କରି ପିଆଉଥିଲେ।

ଏହି ଘଟଣାର ଏକ ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ଛତ୍ରପତି ସମ୍ଭାଜୀନଗର ଅନ୍ଧଶ୍ରଦ୍ଧା ନିର୍ମୂଳନ ସମିତି ଏହାର ତଦନ୍ତ କରି ସ୍ଥାନୀୟ ପୁଲିସ ଷ୍ଟେସନରେ ଏକ ମାମଲା ଦାୟର କରିଛି।

ଜୁଲାଇ ୧୭ରେ ପ୍ରାୟ ଦିନ ଗୋଟାଏ ସମୟରେ ରେକର୍ଡ ହୋଇଥିବା ଏକ ଭିଡିଓରେ ଦେଖାଯାଇଛି ଯେ, ବାବା ଜଣେ ବ୍ୟକ୍ତିଙ୍କୁ ମାଟିରେ ଶୁଆଇ ତାଙ୍କ ବେକ ଉପରେ ପାଦ ରଖିଥିଲେ ଏବଂ ବାଡ଼ିରେ ପିଟି ଧମକ ଦେଉଥିଲେ।

ଖାଲି ଏତିକି ନୁହେଁ, ସେ ଭକ୍ତମାନଙ୍କୁ ମନ୍ଦିର ଚାରିପାଖରେ ଦୌଡ଼ିବାକୁ ବାଧ୍ୟ କରିବା ସହିତ ଗଛ ପତ୍ର ଖାଇବାକୁ ମଧ୍ୟ ବାଧ୍ୟ କରୁଥିଲେ। ଏହି ଅମାନବୀୟ କାର୍ଯ୍ୟରେ ପୁରୁଷ ଓ ମହିଳା ଉଭୟ ଶିକାର ହୋଇଥିଲେ।

ଅନ୍ଧଶ୍ରଦ୍ଧା ନିର୍ମୂଳନ ସମିତିର କାର୍ଯ୍ୟକର୍ତ୍ତାମାନେ ଲୁଚାଇ କ୍ୟାମେରା ବ୍ୟବହାର କରି ଏହି କାରନାମାର ପର୍ଦ୍ଦାଫାସ କରିଥିଲେ। ଭିଡିଓ ଫୁଟେଜରେ ବାବାଙ୍କ ଏକ ଆଜଣା ଅନୁଷ୍ଠାନ ମଧ୍ୟ ଦେଖାଯାଇଛି, ଯେଉଁଠି ସେ ଜଣେ ବ୍ୟକ୍ତିଙ୍କ ମୁହଁ ଉପରେ ହଳଦିଆ ପାଉଡର ପକାଉଛନ୍ତି, ଜୋତାର ଗନ୍ଧ ଶୁଙ୍ଘାଉଛନ୍ତି ଓ ଡ୍ରମ୍ ବଜାଉଛନ୍ତି। ଏହି ଘଟଣା ସାମ୍ନାକୁ ଆସିବା ପରେ ବାବା ନିଜ ଅନୁଗାମୀମାନଙ୍କ ସହ ଫେରାର ହୋଇଯାଇଛନ୍ତି।