ମୁଁ ଆଗାମୀ 5 ବର୍ଷ ପାଇଁ ଖେଳିବି, କିନ୍ତୁ… IPLରୁ ଅବସର ନେଇ ମହେନ୍ଦ୍ର ସିଂହ ଧୋନି କଲେ ବଡ଼ ଖୁଲାସା

ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ (IPL) 2025 ରେ, ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ଅଧିନାୟକତ୍ୱରେ ଚେନ୍ନାଇ ସୁପର କିଙ୍ଗ୍ସ (CSK) ବହୁତ ଖରାପ ପ୍ରଦର୍ଶନ କରିଥିଲା । ପଏଣ୍ଟ ଟେବୁଲର ସବୁଠାରୁ ତଳେ ଥିଲା।

ଏହା ପରେ IPL ରୁ ଧୋନିଙ୍କ ଅବସର ବିଷୟରେ କଳ୍ପନାଜଳ୍ପନା ଆରମ୍ଭ ହୋଇଥିଲା, କିନ୍ତୁ ଏକ ସାକ୍ଷାତକାର ସମୟରେ ସେ ଏପରି ଏକ ଖୁଲାସା କରିଛନ୍ତି। ଯାହା କ୍ରିକେଟ୍ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛି ।

ମହେନ୍ଦ୍ର ସିଂହ ଧୋନି ଆହୁରି ପାଞ୍ଚ ବର୍ଷ ଖେଳିବା ବିଷୟରେ କହିଥିଲେ, କିନ୍ତୁ ଏହି ସମୟରେ ଧୋନି ତାଙ୍କ ଫିଟନେସ୍ ବିଷୟରେ ଏକ ବଡ଼ କଥା କହିଥିଲେ । ଏହି କାରଣରୁ, IPL ରେ ତାଙ୍କ ଖେଳିବା ନେଇ ଏବେ ବି ସନ୍ଦେହ ରହିଛି ।

କଣ କହିଲେ ଧୋନି-ଚେନ୍ନାଇରେ ଏକ କାର୍ଯ୍ୟକ୍ରମ ସମୟରେ, ମହେନ୍ଦ୍ର ସିଂହ ଧୋନିଙ୍କୁ IPL 2026 ରେ ଖେଳିବା ବିଷୟରେ ପ୍ରଶ୍ନ ପଚରାଯାଇଥିଲା। ଏହା ଉପରେ ସେ କହିଥିଲେ, ମୋତେ ଆଗାମୀ 5 ବର୍ଷ ପାଇଁ କ୍ରିକେଟ ଖେଳିବାକୁ ଅନୁମତି ମିଳିଛି, କିନ୍ତୁ ଡାକ୍ତର କେବଳ ଦୃଷ୍ଟିଶକ୍ତି ପାଇଁ ଅନୁମତି ଦେଇଛନ୍ତି, ମୋ ଶରୀର ପାଇଁ ନୁହେଁ । ଏପରି ପରିସ୍ଥିତିରେ, ମୁଁ କେବଳ ମୋ ଆଖି ସହିତ କ୍ରିକେଟ ଖେଳିପାରିବି ନାହିଁ ।

ମହେନ୍ଦ୍ର ସିଂହ ଧୋନି ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ କେବଳ IPLରେ ଖେଳୁଥିବା ଦେଖାଯାଉଛି । IPL 2025 ରେ, ସେ 14 ଟି ମ୍ୟାଚ୍ ଖେଳିଥିଲେ, ଯେଉଁଥିରେ ଧୋନି 13 ଇନିଂସରେ 24.50 ହାରରେ କେବଳ 196 ରନ କରିପାରିଥିଲେ । ଏହି ସିଜନରେ ତାଙ୍କ ଦଳର ପ୍ରଦର୍ଶନ ମଧ୍ୟ ବହୁତ ଖରାପ ଥିଲା ଏବଂ ଦଳ ପଏଣ୍ଟ ଟେବୁଲର ସବୁଠାରୁ ତଳେ ଥିଲା। ଏହା ସତ୍ତ୍ୱେ, ଦଳ ପରିଚାଳନା ତାଙ୍କ ଉପରେ ବହୁତ ଆତ୍ମବିଶ୍ୱାସ ଦେଖାଉଛି।

ଚେନ୍ନାଇ ସହିତ ବିଶେଷ ସମ୍ପର୍କ- ସାକ୍ଷାତକାର ସମୟରେ, ମାହି ଚେନ୍ନାଇ ସହିତ ତାଙ୍କ ସମ୍ପର୍କ ବିଷୟରେ ଖୋଲାଖୋଲି ଭାବରେ କହିଥିଲେ । ସେ କହିଥିଲେ, ଆମର ସମ୍ପର୍କ ବହୁତ ପୁରୁଣା। ଏହା IPL ଆରମ୍ଭ ହେବା ପୂର୍ବରୁ ଥିଲା। 2005 ରେ, ମୁଁ ଚେନ୍ନାଇରେ ହିଁ ମୋର ଡେବ୍ୟୁ ଟେଷ୍ଟ ଖେଳିଥିଲି। ସେବେଠାରୁ ମୋ ଏବଂ ଚେନ୍ନାଇ ମଧ୍ୟରେ ଏକ ବିଶେଷ ସମ୍ପର୍କ ସୃଷ୍ଟି ହୋଇଛି ।

ଏହା ପରେ, CSK ରେ ଯୋଗଦାନ କରି ଏହି ସମ୍ପର୍କ ଆହୁରି ମଜବୁତ ହୋଇଗଲା, କାରଣ IPL ସମୟରେ ମୁଁ ଏଠାରେ 40 ରୁ 50 ଦିନ ବିତାଇଥାଏ । ଧୋନି କହିଥିଲେ ଯେ ଚେନ୍ନାଇ ମୋତେ ଜଣେ ଭଲ ବ୍ୟକ୍ତି ଏବଂ କ୍ରିକେଟର ହେବାରେ ବହୁତ ସାହାଯ୍ୟ କରିଛି ।