ନାବାଳିକା ପତ୍ନୀଙ୍କ ସହ ଶାରୀରିକ ସମ୍ପର୍କ ରଖିବା ଅପରାଧ, POCSO ଆକ୍ଟ ମୁସଲମାନମାନଙ୍କ ପାଇଁ ମଧ୍ୟ ପ୍ରଯୁଜ୍ୟ: ହାଇକୋର୍ଟ

ନୂଆଦିଲ୍ଲୀ: ମୁସଲିମ ବ୍ୟକ୍ତିଗତ ଆଇନ ଏବଂ ବାଲ୍ୟ ବିବାହକୁ ନେଇ କେରଳ ହାଇକୋର୍ଟ ଏକ ବଡ କଥା କହିଛନ୍ତି। ଜଣେ ଅଭିଯୁକ୍ତଙ୍କ ଜାମିନ ଆବେଦନ ଶୁଣାଣି ବେଳେ କୋର୍ଟ କହିଛନ୍ତି ଯେ ଅଭିଯୁକ୍ତ ଜଣେ ମୁସଲମାନ ହୋଇଥିଲେ ମଧ୍ୟ ତାଙ୍କ ପାଇଁ POCSO ଆକ୍ଟ ଲାଗୁ ହେବ। ଏଥିରୁ କୋୖଣସି ସମ୍ପ୍ରଦାୟକୁ ବାଦ ଦିଆଯାଇପାରିବ ନାହିଁ। ଯଦି ଜଣେ ବ୍ୟକ୍ତି ତାଙ୍କ ନାବାଳିକା ପତ୍ନୀ ସହିତ ଶାରୀରିକ ସମ୍ପର୍କ ସ୍ଥାପନ କରେ, ତେବେ ଏହି ଆଇନ ତାଙ୍କ ପାଇଁ ମଧ୍ୟ ପ୍ରଯୁଜ୍ୟ।

ଜଷ୍ଟିସ୍ ବାଚୂ କୁରିୟନ ଥମସଙ୍କ ସିଙ୍ଗିଲ୍ ବେଞ୍ଚ ଶୁକ୍ରବାର ଏହି ନିଷ୍ପତ୍ତି ଶୁଣାଇଛନ୍ତି। ଏହା ସହିତ ବେଞ୍ଚ ଅଭିଯୁକ୍ତଙ୍କ ଜାମିନ ଆବେଦନକୁ କୋର୍ଟ ପ୍ରତ୍ୟାଖ୍ୟାନ କରିଛନ୍ତି। ଘଟଣା ମୁତାବକ, ଜଣେ ୩୧ ବର୍ଷ ବୟସ୍କ ବ୍ୟକ୍ତି ନାବାଳିକାକୁ ବଳାତ୍କାର କରିଥିଲେ। ଏହା ପରେ ସେ ମଧ୍ୟ ବିବାହ କରିଥିଲେ। ସେ ନାବାଳିକାକୁ ଅପହରଣ କରି ପରେ ବଳାତ୍କାର କରିଥିବା ଅଭିଯୋଗ ହୋଇଛି। ପରେ ତାଙ୍କ ଉପରେ ଚାପ ପକାଇ ବିବାହ କରିଥିଲେ। ଅଭିଯୁକ୍ତଙ୍କ ପକ୍ଷରୁ କୁହାଯାଇଥିଲା ଯେ ସେ ଆଇନଗତ ଭାବେ ବିବାହ କରିଛନ୍ତି ଏବଂ ମୁସଲିମ ବ୍ୟକ୍ତିଗତ ଆଇନ ବୋର୍ଡ ଏହାକୁ ଅନୁମତି ଦେଇଥାଏ।

ଅଭିଯୁକ୍ତ କହିଛନ୍ତି ଯେ ତାଙ୍କ ସମ୍ପ୍ରଦାୟରେ ୧୮ ବର୍ଷ ବୟସ ସୀମା ନାହିଁ। ତେଣୁ, POCSO ଅଧିନିୟମ ଅନୁଯାୟୀ ଦଣ୍ଡ ଦିଆଯାଇପାରିବ ନାହିଁ। ସେ କହିଥିଲେ ଯେ ମାର୍ଚ୍ଚ ୨୦୨୧ ରେ ସେ ପୀଡିତାଙ୍କୁ ବିବାହ କରିଥିଲେ ଏବଂ ସେମାନେ ବ୍ୟକ୍ତିଗତ ନିୟମ ଅନୁଯାୟୀ ସ୍ୱାମୀ-ସ୍ତ୍ରୀ ଥିଲେ। ତେବେ ଜଷ୍ଟିସ୍ କୁରିଆନ୍ କହିଛନ୍ତି ଯେ, ଯଦି ଉଭୟଙ୍କ ମଧ୍ୟରୁ କେହି ନାବାଳକ ତେବେ ବିବାହ ବୈଧ ହେବ ନାହିଁ। ତେବେ କୋର୍ଟ ଅନ୍ୟ ଅଦାଲତର ନିଷ୍ପତ୍ତି ସହ ସହମତ ନୁହେଁ। ଏହା ଏକ ବାଲ୍ୟ ବିବାହ ଏବଂ ଶିଶୁ ଯୌନ ଶୋଷଣର ବିରୋଧୀ। ଏହି ଅନୁଯାୟୀ, ବିବାହ ପରେ ମଧ୍ୟ ନାବାଳିକାଙ୍କ ସହ ଶାରୀରିକ ସମ୍ପର୍କ ରଖିବା ଅପରାଧ ଅଟେ।