୨ଟି ଡ଼ଲଫିନ୍ ମୁଣ୍ଡ ଉପରେ ଚଢ଼ି ପାଣି ଭିତରେ ଦୌଡ଼ିଲେ ଯୁବକ, ଉଡ଼ିଲା ଲୋକଙ୍କ ହୋସ୍

ନୂଆଦିଲ୍ଲୀ:  ସୋସିଆଲ ମିଡିଆରେ ଏକ ଆଶ୍ଚର୍ଯ୍ୟଜନକ ଭିଡିଓ ଭାଇରାଲ ହେଉଛି। ଯେଉଁଥିରେ ଜଣେ ବ୍ୟକ୍ତି ଦୁଇଟି ଡଲଫିନର ମୁଣ୍ଡ ଉପରେ ଠିଆ ହୋଇ ପାଣିରେ ସର୍ଫିଂ କରୁଥିବାର ଦେଖାଯାଉଛି।

ଏହି ଦୃଶ୍ୟ ଏତେ ଆଶ୍ଚର୍ଯ୍ୟଜନକ ଯେ ଯିଏ ଏହି ଭିଡିଓ ଦେଖିଲା ସେ କେବଳ ଏହାକୁ ଚାହିଁ ରହିଲା। ଏହି ଭିଡିଓ ଦେଖିବା ପରେ, ଲୋକମାନେ ନିଜ ଆଖିରେ ଦେଖିଥିବା ଷ୍ଟଣ୍ଟକୁ ବି ବିଶ୍ୱାସ କରିପାରୁନାହାନ୍ତି।

ଡଲଫିନ୍ ଚଢ଼ିବା ନା ଆଶ୍ଚର୍ଯ୍ୟଜନକ ଷ୍ଟଣ୍ଟ:  ଏହି ଭିଡିଓରେ ଦେଖାଯାଉଛି ଯେ ଜଣେ ବୃତ୍ତିଗତ ପ୍ରଶିକ୍ଷକ ଡଲଫିନଙ୍କ ମୁଣ୍ଡ ଉପରେ ଠିଆ ହୋଇ ପାଣି ଭିତରେ ବହୁତ ଆରାମରେ ସ୍ଲିପ୍ କରୁଛନ୍ତି। ସେ ପାଣିର ତରଙ୍ଗ ମଧ୍ୟରେ କୌଣସି ଭୟ କିମ୍ବା ଦ୍ୱିଧା ବିନା ଉଭୟ ଡଲଫିନଙ୍କ ଉପରେ ସର୍ଫିଂ କରୁଛନ୍ତି।

ଏହି ଦୃଶ୍ୟ ଦେଖିବା ଯେତିକି ରୋମାଞ୍ଚକର, ସେତିକି ବିପଦପୂର୍ଣ୍ଣ। ହଜାର ହଜାର ଲୋକ ସୋସିଆଲ ମିଡିଆରେ ଭିଡିଓଟିକୁ ଲାଇକ୍ ଏବଂ ସେୟାର କରିଛନ୍ତି। କିଛି ଲୋକ ଏହାକୁ ‘ଯାଦୁକରୀ ଷ୍ଟଣ୍ଟ’ ବୋଲି କହିଥିବା ବେଳେ କିଛି ଲୋକ ଏହାକୁ ‘ପ୍ରକୃତି ଏବଂ ମାନବ ବନ୍ଧନ’ର ଏକ ଚମତ୍କାର ଉଦାହରଣ ବୋଲି କହିଛନ୍ତି।

ତଥାପି ଅନେକ ୟୁଜର୍ସ ଏହି ଭିଡ଼ିଓ ଦେଖିବା ପରେ ପ୍ରାଣୀମାନଙ୍କୁ ବ୍ୟବହାର କରିବା ଠିକ୍ କି ନାହିଁ ସେ ବିଷୟରେ ମଧ୍ୟ ପ୍ରଶ୍ନ ଉଠାଇଛନ୍ତି।

ଉଡ଼ିଲା ଲୋକଙ୍କ ହୋସ୍: ଏହି ଭାଇରାଲ ଭିଡ଼ିଓ ତଳେ ଜଣେ ୟୁଜର୍ସ କମେଣ୍ଟ କରିଛନ୍ତି ‘ଏହା ଦେଖି ମୁଁ ଆଶ୍ଚର୍ଯ୍ୟ ହୋଇଗଲି। ମଣିଷ ଏବଂ ପ୍ରାଣୀମାନଙ୍କ ମଧ୍ୟରେ ଏପରି ବୁଝାମଣା ରହିବା ଆଶ୍ଚର୍ଯ୍ୟଜନକ।’

ସେହିପରି ଅନ୍ୟ ଜଣେ ୟୁଜର୍ସ ଲେଖିଛନ୍ତି ଏପରି ଷ୍ଟଣ୍ଟ ପଶୁ ହୁଅନ୍ତୁ କିମ୍ୱା ପ୍ରାଣୀ ସେମାନଙ୍କ ପାଇଁ କଷ୍ଟକର ହୋଇପାରେ। ଏହାକୁ ମନୋରଞ୍ଜନ ବୋଲି ବିବେଚନା କରାଯିବା ଉଚିତ୍ ନୁହେଁ।

ତଥାପି ଯାହା ହେଉନା କାହିଁକି, ଏହି ଭିଡିଓ ଇଣ୍ଟରନେଟରେ ଛାଇ ଯାଇଛି। ପୂର୍ବରୁ ମଧ୍ୟ ଡଲଫିନଙ୍କ ସହିତ କରାଯାଇଥିବା ଏପରି ଅନେକ ଷ୍ଟଣ୍ଟ ଭାଇରାଲ ହୋଇଛି। କିନ୍ତୁ ଏହି ଭିଡ଼ିଓଟି ସବୁ ଭିଡ଼ିଓ ଅପେକ୍ଷା ନିଆରା ଥିଲା।