ଅନଲାଇନରେ ମଗାଇଥିଲେ ଲ୍ୟାପଟପ୍‌, ବକ୍ସ ଖୋଲୁ ଖୋଲୁ ଉଡିଗଲା ହୋସ, ବାହାରିଲା ମାର୍ବଲ

ସମ୍ବଲପୁର: ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ସମ୍ବଲପୁର ଜିଲ୍ଲାରେ ଜଣେ ବ୍ୟକ୍ତି ଅନଲାଇନରେ ଲ୍ୟାପଟପ ଅର୍ଡର କରିଥିଲେ। ହେଲେ ଯେତେବେଳେ ଲ୍ୟାପଟପ ଡେଲିଭରୀ ହୋଇଥିଲା, ସେତେବେଳେ ସେ ବକ୍ସକୁ ଖୋଲିଥିଲେ।

ଲ୍ୟାପଟପ ଅର୍ଡରର ଅନବକ୍ସିଂଗ କରିବା ସମୟରେ ବ୍ୟକ୍ତି ଜଣକ ଭିଡିଓ ମଧ୍ୟ କରିଥିଲେ, ଯେଉଁଥିରେ ଦେଖିବାକୁ ମିଳିଛି ଯେ, ଏଥିରୁ ମାର୍ବଲ ପଥର ବାହାରିଛି।

ବ୍ୟକ୍ତି ଜଣକ ୬୧ ହଜାର ଟଙ୍କାର ଲ୍ୟାପଟପ ଅନଲାଇନରେ ଅର୍ଡର କରିଥିଲେ। ଯେତେବେଳେ ସେ ପ୍ୟାକେଟରୁ ମାର୍ବଲ ପଥର ପାଇଲେ, ସେତେବେଳେ ସେ ସଙ୍ଗେ ସଙ୍ଗେ ଇ-କମର୍ସ ସହ ଯୋଗାଯୋଗ କରିଥିଲେ, ଏହାପରେ ସେ ଅଭିଯୋଗ ଦାଖଲ କଲେ।

କିନ୍ତୁ ଏହି ଇ-କମର୍ସରୁ ତାଙ୍କୁ କୌଣସି ସନ୍ତୋଷଜନକ ଉତ୍ତର ମିଳିନଥିଲା। ଏହାପରେ ସେ ସ୍ଥାନୀୟ ପୋଲିସ ଷ୍ଟେସନରେ ଏହାର ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ପୋଲିସ ଏହି ମାମଲାର ଯାଞ୍ଚ ଆରମ୍ଭ କରିଦେଇଛି। ଏହି ଘଟଣା ସାମ୍ନାକୁ ଆସିବା ପରେ ଅନଲାଇନ ସପିଂର ସୁରକ୍ଷା ଉପରେ ପ୍ରଶ୍ନ ଉଠିଛି।