ଛେପରେ ତିଆରି ହେଉଛି ରୁଟି, ଭାଇରାଲ ହେଲା ଭିଡ଼ିଓ

ଉତ୍ତରପ୍ରଦେଶ: ଆପଣ ଅନେକ ଜାଗାରେ ରୁଟି ଖାଉଥିବେ। ହେଲେ ଯଦି ଜାଣିବାକୁ ପାଇବେ କି ସେହି ରୁଟି ତିଆରି କରୁଥିବା ଲୋକ ଛେପ ପକାଇ ରୁଟି ତିଆରି କରୁଛି। ତାହାଲେ ଆପଣଙ୍କ ଅବସ୍ଥାରେ କ’ଣ ହେବେ? କାରଣ ଏବେ ସେହିପରି ଏକ ଭିଡ଼ିଓ ଭାଇରାଲ ହେଉଛି।

ଜଣେ ବ୍ୟକ୍ତି ରୁଟି ତିଆରି କରିବା ସମୟରେ ସେହି ରୁଟି ଉପରେ ଛେପ ପକାଇ ରୁଟି ତିଆରି କରୁଛି। ଯାହାର ଭିଡ଼ିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି। ପୋଲିସ ମଧ୍ୟ ସେହି ଯୁବକକୁ ଗିରଫ କରିଛି।

ଛେପରେ ତିଆରି ରୁଟି:  ଭାଇରାଲ ଭିଡିଓଟି ମିରଟ ଜିଲ୍ଲାର ବୋଲି କୁହାଯାଉଛି।  ଏହି ଭାଇରାଲ ଭିଡିଓ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରି ପୋଲିସ ସୋମବାର ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଛି।

କାରଣ ଏଠାରେ ଜଣେ ଯୁବକ ଛେପ ପକାଇ ରୁଟି ପ୍ରସ୍ତୁତ କରି ଲୋକଙ୍କୁ ଖାଇବାକୁ ଦେଉଥିବା ଅଭିଯୋଗ ହୋଇଥିଲା। ଅଭିଯୋଗ ଆଧାରରେ ଏବଂ ଭିଡ଼ିଓ ଦେଖିବା ପରେ ପୋଲିସ ଅଭିଯୁକ୍ତକୁ ଗିରଫ କରିଛି।

ମେରଠ ଜିଲ୍ଲା ପୋଲିସ ମୁଖପାତ୍ରଙ୍କ ଅନୁଯାୟୀ, ଭାରତୀୟ ନ୍ୟାୟ ସଂହିତାର ପ୍ରାସଙ୍ଗିକ ଧାରା ଅନୁଯାୟୀ ଜାନି ପୋଲିସ ଷ୍ଟେସନରେ ଏକ ମାମଲା ରୁଜୁ କରାଯାଇଥିଲା। ବରିଷ୍ଠ ପୋଲିସ ଅଧିକ୍ଷକଙ୍କ ନିର୍ଦ୍ଦେଶ ଅନୁଯାୟୀ, ଜାନି ପୋଲିସ ଅଭିଯୁକ୍ତଙ୍କୁ ଗିରଫ କରିଛି। ସେ କୁରାଲି ଗାଁର ନିବାସୀ ସୋଏବଙ୍କ ପୁଅ ମେହରଭାନ ବୋଲି ଚିହ୍ନଟ କରାଯାଇଛି।

ପୂର୍ବରୁ ମଧ୍ୟ ଘଟିଛି:  ଆପଣଙ୍କୁ ଜଣାଇ ଦେଉଛୁ ଯେ ଏହା ପ୍ରଥମ ଘଟଣା ନୁହେଁ, ଗତ ବର୍ଷ ବାଗପତର ନରେଶ ଚିକେନ୍ କର୍ଣ୍ଣର ନାମକ ଏକ ହୋଟେଲରେ ଛେପ ରୋଟି ତିଆରି କରିବାର ଏକ ଭିଡିଓ ଭାଇରାଲ ହୋଇଥିଲା।

ରୋଟି ତିଆରି କରୁଥିବା ଯୁବକ ଜଣକ ପ୍ରତ୍ୟେକ ଥର ରୋଟି ସେକ କରିବା ପୂର୍ବରୁ ଛେପ ପକାଉଥିବାର ଦେଖାଯାଉଥିଲା। ହୋଟେଲରେ ଖାଇବାକୁ ଯାଇଥିବା ଯୁବକ ଜଣକ ଏହାର ଭିଡିଓ ସେୟାର କରିଥିଲେ, ଯାହା ଭାଇରାଲ ହୋଇଥିଲା। ପରେ ପୋଲିସ ଅଭିଯୁକ୍ତକୁ ଗିରଫ କରିଥିଲା।