BharatPayକୁ କର୍ପୋରେଟ୍ ବ୍ୟାପାର ମନ୍ତ୍ରଣାଳୟର ନୋଟିସ୍; କର୍ମଚାରୀଙ୍କୁ ଧମକ ଦେବା ନେଇ ହୋଇଥିଲା ବିବାଦ
ନୂଆଦିଲ୍ଲୀ: କମ୍ପାନୀ ଆଇନ ଧାରା ୨୦୬ ଅନୁଯାୟୀ ଗ୍ରୋଭରଙ୍କ ବିରୋଧରେ ଆରମ୍ଭ ହୋଇଥିବା ଆଇନଗତ କାର୍ଯ୍ୟାନୁଷ୍ଠାନ ସମ୍ପର୍କରେ ସୂଚନା ମାଗିଛି କର୍ପୋରେଟ ବ୍ୟାପାର ମନ୍ତ୍ରଣାଳୟ (ଏମସିଏ)। ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଗ୍ରୋଭରଙ୍କ ବିରୋଧରେ ସିଭିଲ୍ ଏବଂ ଫୌଜଦାରୀ ଅଭିଯୋଗ ସମ୍ପର୍କରେ କୋର୍ଟରେ ଦାଖଲ କରିଥିବା ପ୍ରମାଣ ମାଗି କମ୍ପାନିକୁ ଚିଠି ଲେଖିଛି ଏମସିଏ । “କଂପାନିକୁ ଚିଠି ମାଧ୍ୟମରେ ROC କହିଛି ଯେ ଅତିରିକ୍ତ ସୂଚନାର ଆବଶ୍ୟକତା ରହିଛି। ସମୀକ୍ଷା ପରେ ୨୦୨୨ରେ ଆରମ୍ଭ ହୋଇଥିବା ଚାଲିଥିବା ତଦନ୍ତର ଏକ ଅଂଶ ହେଉଛି ଆବଶ୍ୟକ ସୂଚନା ଏବଂ ଆମର ଅଡିଟ୍ ଫଳାଫଳରେ ଉଲ୍ଲେଖ କରାଯାଇଛି।
ଆମେ କର୍ତ୍ତୃପକ୍ଷଙ୍କୁ ସମସ୍ତ ପ୍ରକାର ସହଯୋଗ କରୁଛୁ ବୋଲି ଭାରତପେ ଏକ ବିବୃତିରେ କହିଛି। ୨୦୨୨ ଆରମ୍ଭରୁ ୪ ବର୍ଷ ପୁରୁଣା ଏହି କମ୍ପାନି ର ପ୍ରତିଷ୍ଠାତାଙ୍କ ବିରୋଧରେ ଅନୁପଯୁକ୍ତ ଭାଷା ବ୍ୟବହାର କରିବା ଏବଂ ନାଇକା ଆଇପିଓରେ ଆବଣ୍ଟନ କରିବାରେ ବିଫଳ ହୋଇଥିବାରୁ କୋଟାକ୍ ଗ୍ରୁପ୍ ର ଜଣେ କର୍ମଚାରୀଙ୍କୁ ଧମକ ଦେବା ଅଭିଯୋଗ ଆସିବା ପରେ ବିବାଦଘେରରେ ରହିଛି।” ବିବାଦ ପରେ ଗ୍ରୋଭର ଭାରତପେ MD ପଦରୁ ଇସ୍ତଫା ଦେଇଥିବା ବେଳେ ତାଙ୍କ ତତ୍ତ୍ୱାବଧାନରେ କମ୍ପାନୀ ଆର୍ଥିକ ଅଭ୍ୟାସ ଉପରେ ଫରେନସିକ୍ ଅଡିଟ୍ ଆରମ୍ଭ କରିଥିଲା।
ପରେ ତାଙ୍କ ବିରୋଧରେ ଏକ ସିଭିଲ୍ ମାମଲା ରୁଜୁ କରାଯାଇଥିଲା, ଯେଉଁଥିରେ ନକଲି ବିଲ୍ ଏବଂ ବ୍ୟକ୍ତିଗତ ବ୍ୟବହାର ପାଇଁ କମ୍ପାନିର ପାଣ୍ଠିର ଅପବ୍ୟବହାର ଅଭିଯୋଗ ହୋଇଥିଲା। ସନ୍ଦେହଜନକ କାରବାର ଏବଂ ନକଲି ବିକ୍ରେତାଙ୍କ ଅଭିଯୋଗ ବ୍ୟତୀତ କମ୍ପାନୀ ତାଙ୍କ ମାମଲାରେ ଅଭିଯୋଗ କରିଛି ଯେ ଗ୍ରୋଭର ଭାରତପେ ଟେକ୍ନୋଲୋଜି କିମ୍ବା କନସେପ୍ଟରେ କିଛି ଯୋଗଦାନ କରିନାହାଁନ୍ତି । କମ୍ପାନୀ ସହ ତାଙ୍କର ସମ୍ପର୍କ ୨୦୧୮ରେ ଆରମ୍ଭ ହୋଇଥିଲା ଯେତେବେଳେ ସେ ୩୧,୯୨୦ ଟଙ୍କାର ‘ସାମାନ୍ୟ’ ନିବେଶ କରିଥିଲେ, ଯେଉଁଥିପାଇଁ ତାଙ୍କୁ ୩,୧୯୨ ଟି ସେୟାର ମିଳିଥିଲା ।
