ଆସନ୍ତା ୮ରେ ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ, ପ୍ରବାସୀ ଭାରତୀୟ ଦିବସରେ ହେବେ ସାମିଲ
ଭୁବନେଶ୍ୱର: ଜାନୁଆରୀ ୮ ତାରିଖରେ ପ୍ରବାସୀ ଭାରତୀୟ ଦିବସ ପାଳନ ପାଇଁ ସଜେଇ ହୋଇଛି ରାଜଧାନୀ । ଲୋକଙ୍କ ମନରେ ବି ଉତ୍ସାହ ଦେଖିବାକୁ ମିଳିଛି ।
ଏଥିମଧ୍ୟରେ ଜାନୁଆରୀ ୮ ତାରିଖରେ ଓଡ଼ିଶା ଗସ୍ତରେ ଆସିବେ ପ୍ରଧାନମନ୍ତ୍ରୀ ।
ରାଜଭବନରେ ରାତ୍ରୀଯାପନ: ବିମାନବନ୍ଦରରୁ ସିଧାସଳଖ ରାଜଭବନ ଯିବେ ପ୍ରଧାନମନ୍ତ୍ରୀ । ସେଠାରେ ରାତ୍ରୀଯାପନ କରି ଜାନୁଆରୀ ୯ ତାରିଖରେ ପ୍ରବାସୀ ଭାରତୀୟ ଦିବସରେ ସାମିଲ ହେବା ନେଇ ସୂଚନା ରହିଛି ।
ପ୍ରଧାନମନ୍ତ୍ରୀଙ୍କ ସିଡ୍ୟୁଲ: ଜାନୁଆରୀ ୯ ତାରିଖ ୯ଟା ୪୫ରେ ମୋଦୀ ରାଜଭବନରୁ ବାହାରି ଜନତା ମଇଦାନରେ ୯ଟା ୫୫ ମିନିଟରେ ପହଞ୍ଚିବେ । ସେଠାରେ ସେ ସକାଳ ୧୦ଟାରୁ ୧୧ଟା ୩୦ ଯାଏଁ ପ୍ରବାସୀ ଭାରତୀୟ ଦିବସରେ ସାମିଲ ହେବେ ।