ମୋଦୀଙ୍କ ତୃତୀୟ କାର୍ଯ୍ୟକାଳ ଅର୍ଥନୈତିକ ଅଭିବୃଦ୍ଧିର ଏକ ନୂଆ ଯୁଗର ଶୁଭାରମ୍ଭ କରିବ: ଇଣ୍ଡିଆ ଗ୍ଲୋବାଲ ଫୋରମର ଚେୟାରମ୍ୟାନ୍
ନୂଆଦିଲ୍ଲୀ: ଇଣ୍ଡିଆ ଗ୍ଲୋବାଲ ଫୋରମର ପ୍ରତିଷ୍ଠାତା ତଥା ଚେୟାରମ୍ୟାନ୍ ମନୋଜ ଲାଡୱା ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ଐତିହାସିକ ତୃତୀୟ ଥର ପାଇଁ କାର୍ଯ୍ୟଭାର ଗ୍ରହଣ କରିଥିବାରୁ ଅଭିନନ୍ଦନ ଜଣାଇଛନ୍ତି ।
ଲାଡୱା କହିଛନ୍ତି: “ପ୍ରଧାନମନ୍ତ୍ରୀ ମୋଦୀଙ୍କ ପୁନଃ ନିର୍ବାଚନ ହେବା ଭାରତର ସମୃଦ୍ଧତା ଏବଂ ବିଶ୍ୱ ସ୍ତରୀୟ ନେତୃତ୍ୱର ଏକ ପ୍ରମୁଖ ମୁହୂର୍ତ୍ତ । ଏହି ତୃତୀୟ ଅବଧି କେବଳ ନିର୍ବାଚନର ନିରନ୍ତରତା ନୁହେଁ ବରଂ ବିକସିତ ଭାରତ ପର୍ଯ୍ୟାୟ ମାଧ୍ୟମରେ ଏକ ବିକଶିତ ରାଷ୍ଟ୍ର ହେବାର ଦୂରଦୃଷ୍ଟି ହାସଲ କରିବାକୁ ଭାରତର ପ୍ରତିବଦ୍ଧତାକୁ ସୂଚାଉଛି ।’
ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ବିକସିତ ଭାରତ ପଦକ୍ଷେପ ୨୦୪୭ ସୁଦ୍ଧା ଭାରତକୁ ବିକଶିତ ରାଷ୍ଟ୍ରରେ ପରିଣତ କରିବା ପାଇଁ ଏକ ବ୍ୟାପକ ରୋଡମ୍ୟାପ ଦର୍ଶାଇଛି – ଭାରତର ସ୍ୱାଧୀନତାର ଶତବାର୍ଷିକୀ – ଭିତ୍ତିଭୂମି, ନବସୃଜନ ଏବଂ ଅନ୍ତର୍ଭୂକ୍ତ ଅଭିବୃଦ୍ଧି ଉପରେ ଧ୍ୟାନ ଦିଆଯାଇଛି ।
ସେ କହିଛନ୍ତି ଯେ, “ପ୍ରଧାନମନ୍ତ୍ରୀଙ୍କ ଟ୍ରାକ୍ ରେକର୍ଡକୁ ଦୃଷ୍ଟିରେ ରଖି ମୁଁ ନିଶ୍ଚିତ ଯେ ଆସନ୍ତା ପାଞ୍ଚ ବର୍ଷ ମଧ୍ୟରେ ଭାରତ ଅଦ୍ଭୁତପୂର୍ଣ୍ଣ ଅର୍ଥର୍ନୈତିକ ସଂସ୍କାର, ନବସୃଜନ ଏବଂ ବିଶ୍ୱସ୍ତରୀୟ ଯୋଗଦାନ ଦେଖିବ । ଭାରତ ବିଶ୍ୱର ତୃତୀୟ ବୃହତ୍ତମ ଅର୍ଥନୀତି ହେବାକୁ ଅଗ୍ରସର ହେଉଛି । କେବଳ ଭାରତର ଲୋକଙ୍କ ପାଇଁ ଏହା ଏକ ସୁଯୋଗ ନୁହେଁ, କିନ୍ତୁ ବିଶ୍ୱ ପାଇଁ ମୋଦୀଙ୍କ ତୃତୀୟ କାର୍ଯ୍ୟକାଳ ଭାରତ ଏବଂ ଦେଶ ମଧ୍ୟରେ ଅଂଶୀଦାରିତ ଚ୍ୟାଲେଞ୍ଜର ମୁକାବିଲା, ନବସୃଜନ ତଥା ନିରନ୍ତର ବିକାଶକୁ ପ୍ରୋତ୍ସାହିତ କରିବା ପାଇଁ ବିଶ୍ୱସ୍ତରୀୟ ସମ୍ପର୍କ ସ୍ଥାପନ କରିବାର ଆଶା ବଢ଼ାଇଥାଏ ।’
