ମାଉଣ୍ଟ ତ୍ରିଶୂଳରେ ହିମସ୍ଖଳନ: ବାୟୁସେନାର ୫ ପର୍ବତାରୋହୀ ନିଖୋଜ,ଚାଲିଛି ସର୍ଚ୍ଚ ଅପରେସନ୍
ଚାମୋଲି: ଉତ୍ତରାଖଣ୍ଡର ମାଉଣ୍ଟ ତ୍ରିଶୂଳରେ ଘଟି ହିମସ୍ଖଳନ। ବାୟୁସେନାର ୫ ପର୍ବତାରୋହୀ ନିଖୋଜ ହୋଇଯାଇଛନ୍ତି । ତେବେ ନିଖୋଜଙ୍କୁ ଖୋଜିବା ପାଇଁ ନେହେରୁ ପର୍ବତାରୋହଣ ସଂସ୍ଥାରୁ ଉଦ୍ଧାକାରୀ ଦଳ ମାଉଣ୍ଟ ତ୍ରିଶୂଳ ଅଭିମୁଖେ ବାହାରିଛନ୍ତି । ଚାମୋଲିରୁ ପର୍ବତାରୋହୀ ଦଳ ମାଉଣ୍ଟ ତ୍ରିଶୂଳ ଯାଇଥିଲେ ବୋଲି କୁହାଯାଉଛି । ପାଖାପାଖି ୨ ସପ୍ତାହ ପୂର୍ବରୁ ବାୟୁସେନାର ପର୍ବତାରୋହୀ ଟିମ୍ ମାଉଣ୍ଟ ତ୍ରିଶୂଳ ଯାତ୍ରା କରିଥିଲେ । ତେବେ ଯବାନଙ୍କ ନିଖୋଜ ନେଇ ଶୁକ୍ରବାର ସୂଚନା ଦେଇଛନ୍ତି ନିମ (ନେହେରୁ ପର୍ବତାରୋହଣ ସଂସ୍ଥା)ର କର୍ଣ୍ଣେଲ ଅମିତ ବିଷ୍ଟ । ମାଉଣ୍ଟ ତ୍ରିଶୂଳରେ ହିମସ୍ଖଳନ ହୋଇଛି ଏବଂ ବାୟୁସେନାର ୫ ପର୍ବତାରୋହୀ ନିଖୋଜ ହୋଇଯାଇଥିବା କର୍ଣ୍ଣେଲ ସୂଚନା ଦେଇଛନ୍ତି । ବାୟୁସେନାର ଟିମ ପାଖାପାଖି ୧୫ ଜଣ ଯବାନ ଥିଲେ। ତେବେ ନିଖାେଜ ଥିବା ୫ ପର୍ବତାେରାହୀଙ୍କୁ ଉଦ୍ଧାର ପାଇଁ ସର୍ଚ୍ଚ ଅପରେସନ୍ ଜାରି ରହିଛି।
